Nsaŋ 13:5 - BII BILA

⁵ O kon kɔɔli, mó vow mɛnndan o kpángàá nin, mó tundun kaandeŋaa ndɔa pelon pulɔɔ, mó vɔɔsuu nda mun a kola va ndu kon o caŋ-ndo.

Nsaŋ 13:5 Referans Kwoze

Luke 7:44

O kon, mó muli hɔlla a kpengii cuaa va-e, mó dimul Simɔn aa: «A ce cuaa ho? I hin o nɔm ndo, a ke ya mamɛn mì pulu n'pelu le. Kɛ ndu ndu, o pilu ya pelon a mɛmɛma ndɔan, mó vɔɔsu mun a yiiŋii ndɔɛi.

Condii lisai 51:2

Telen David suunda a Bat-Seba mí Natan vana-tɛɛngaa-diom Hala-o komal ndu-o, ndu David soli condei he ni:

O Kandɔɔ 19:2

Mó dimi aa: «A yandi vanaa nia bɛndua, la cɛl mì la kɔ pɛngi o vana niaa baalaa lo cɛinin. La kɔ pulu pelon mì la lɔl lon. Siɔdii idii, la pena hiovɔɔ nɛɛ niaa co kɔlan-nda.» Kɛ má mulul ndu aa: «Mal haki. O bɛɛ co o cieo tɛɛn-ndo naa n co malɔ ni.»

1Timote 5:10

mò nɔ tɔ́ɔ́ kɛndɔɔ le dɛnnda kɛndɛla ndɔlan, mò va vana caa cuavaa ndɔa biyɔɔ-o, mò va vana caa mialla biyɔɔ-o, mò va vanaa diandaa pelon pulɔɔ, mò va vanaa sangaa co coo-a malaa, mò kindin le dɛnnda kɛndɛlan kpow tosaa.

O Kandɔɔ 18:4

La cum ndɔ mì kɔ kondu niaa mɛnndan ɲɛ-pɔmbɔ le pelon pulɔɔ. La cii pɛ pelon pulɔɔ, la cal, la pɛngi o yɔmndo ho bɛngu.

Dɛnnda cɔɔmuanndan 7:14

Mí mulul ndu aa: «Vana bɛndoo, a sina válán.» Mó dimul-la aa: «Vanaa kei o yɛle tolaale bɛndulen nin-nda co kan ni. A cii domala ndala bɛndulan tɔɔ, má dindi lan o kooma Saa téndóó nin.

Hebreea 10:22

Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

Efɛsea 5:26

Le kunda vanaa laalannda bɛndaa Hala o hɔl, mó dindi ndu a mɛnndan a á sɔɛi.

1Korɛntea 6:11

Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.

Dɛnnda kiilaa 22:16

Yɛɛ nɛ n co yɛ nihau cum? Cɔn ma sɔla yinɔɔ, mà dendu le hakila nɔmndan, mà biilu Hala o diola Maalii lan.»

2Masaa 3:11

Kɛ mí Yosafat ɲuna aa: «Vɛ̀ɛ̀ hali vana-tɛɛngaa-diom Hala-o pilɛ bɛɛ co nanu, o naa n kei kɔɔli le Mɛlɛka isɔɔ ɲuna le?» Mí simlacia va baalaa o masaa Israɛl-lo bɛ́ɛ̀-a o pilɛ muli aa: «Elise po Safat-o co nanu, ó va Elii mɛnndan cuuŋuuo o ba-o.»

1Samiɛl 25:41

Mí Abikail can, mó baŋ vulan nda o labɛngunin, mó tundu hɔlla lɛŋ, mó dimi aa: «Tofa vɔ, maa cɛ laandu pulu buɛyaa masa nuu bɛngulan-ndo ya co ni.»

Tɔŋ lasálàá 14:8

O kon, vana co dindinndo-o tɔɔ volɔɔla ndɔla cuɛinanndan, o sendi yiiŋii o nɔ nɛɛ-nɛɛ ka-e, o pulun a mɛnndan cɛ́kɛ́lɛ́, o dendu Mɛlɛka o hɔl. Te kon cuu pɛ, o muungu o dɔ́ɔ́ngɔ́ɔ̀ nin, kɛ o bɛnda mò tosa palɛi ndii ŋɔmmɛw o luei o cɛi-kola-toandaa ndɔɔ nin te.

1Nsaŋ 5:6

Ndu Yeesu Krista hin a mɛnndan a á koovan ni, o co ka a mɛnndan daama le, kɛ mɛnndan a koovan. Kɔl-Diandaa co seilen timbio, kani toɲaa Kɔl-Diandaa co ni.

1Nsaŋ 1:7

Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.

Nsaŋ 19:34

kɛ a kon kpow, mí vana cɔwvo pilɛ cuku ndu lungbuei a bállo, mí mɛnndan ma fula ma bingulanndan a koovan.

Luke 7:38

Mó kɔ sim Yeesu a makɔɔ o pelon ikɛi, mó va caŋndo, mó va Yeesu pelon liwviaa a mɛmɛan. O kon kɔɔli, mó va ndu pelun mun vɔɔsuuo a yiiŋii ndɔɛi, mó va mun vɔɛiyo, mó va cuɛima cun kɛndɛan taaliaa lecoo.

Sakari 13:1

«Paale len, mɛnndan ma fulanin o soondo nin le yungu David-o a vanaa vanin Yerusalɛm-nda pulɔɔ le hakio a le dɛnɛ nɔɔlɛiyo.»

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Esai 1:16

Le hee, la pulun few-few mì la dindin, la faŋa kɔlvesɛi niaa co tosaa o dɛnnda niaalan nin-ndo ya o hɔl. La pɛngi dɛnɛ vɔɔndo tosaa.

Fulaa 29:4

O kon, a sɔɔnguu Aarɔn nda poaa ndɔa o cɛi-kola-toandaa-labɔɔŋianndo sondoo, a pulu nda a mɛnndan.

Nsaŋ 13:10

Mí Yeesu dimul ndu aa: «Vana cii nin pulɔnndo-o nɔ lɛ mako pulan te, fɔ le pelon daama pulɔɔ, kani o co nin o diandaa few. Niaa, la co a diandaa, kɛ o co niaa kpede le.»

Nsaŋ 13:8

Mí Piɛr dimul ndu aa: «Kɛì-kɛì bɛɛ, a bɛnda ma pulu ya pelon lɔ́ɔ́-lɔ́ɔ̀ le!» Mí Yeesu mulul ndu aa: «Te i pulu nɔm pelon te, mɛɛ a co o ni le.»

O Kandɔɔ 43:24

Mó luei nda niko o Yosɛf lo cɛinin. Mó yɔngu nda mɛnndan le pelon pulɔɔ, mó yɔngu sofɛlɛa ndaa billo le dioo.

Masaa kialaa n'yamaa 19:21

Mó luei nda o ndu lo, mó ke sofɛlɛa billo. Mí vanaa kelaa kan pulu pelon, má dia ɲɛdiaa, má kol.

Nsaŋ 13:6

Mɛɛ o tiiyaa o Simɔn Piɛr lo, mí ndu dimul ndu aa: «Nɔm Maalii, mà pulu ya pelon?»