Nsaŋ 13:4 - BII BILA

⁴ Mó can o ɲɛdiaa coo, mó solin doma ndɔ lecoo-o lekɔɔ, mó cua kolaa pum, mó yiinun o caŋ.

Nsaŋ 13:4 Referans Kwoze

2Korɛntea 8:9

Kani la sínà kɛndɛi Maalii naa Yeesu Krista yɔŋ le niaa-e, ndu vana bolofaa, mó siŋnun vana bala fondoo, haliko mi la siŋnun vanaa bolofaa o bala fondola ndɔlan kɔɔli.

Luke 22:27

Kani ɔ́ɔ̀ vana co vana bɛndoo-o: vana co ɲɛdiaa dioo-o baa vana co ndu ɲɛdiaa keo-vo? Vɛ̀ɛ̀ o co vana co dioo-o le? Nduyɛ, ya i co niaa tɛɛn maa vana niaa baala.

Luke 12:37

Dɛnɛ kɛndɔɔ co le vanaa baalaa kan, a vana nda bɛndoo komalnin cumullo telen o hunnin-ndo-a! A toɲa, mì dimul niaa, ndu pila cuɛinunnin volɔɔla valtan, mò kɛsi nda le dioo, mò piɔw nda ɲɛdiaa.

Luke 17:7

«O niaa tɛɛn, te vanndo nɔ pɛ vana baalaa, mì vana baala kon va vàá, te kon te mò va cɔlua mandaa, mò hin fulaa o poli, vɛ̀ɛ̀ o dimul ndu pá aa: ‹Hun cɔ́-cɔ́, mà de ɲɛdiaa›?

2Masaa 3:11

Kɛ mí Yosafat ɲuna aa: «Vɛ̀ɛ̀ hali vana-tɛɛngaa-diom Hala-o pilɛ bɛɛ co nanu, o naa n kei kɔɔli le Mɛlɛka isɔɔ ɲuna le?» Mí simlacia va baalaa o masaa Israɛl-lo bɛ́ɛ̀-a o pilɛ muli aa: «Elise po Safat-o co nanu, ó va Elii mɛnndan cuuŋuuo o ba-o.»

Luke 17:8

Ɛ-ɛ, o co lende le, nuaa o dimul ndu ni aa: ‹Toosial-la ɲɛdiaa, mà mangalan volɔɔlan lekɔɔ le ya ɲɔɔn yɔngoo telen ya vanin dioo a kolɔɔ-o. O kon kɔɔli, nɔm de niko.›

Nsaŋ 13:12

Ciiyo nda pelon pulɔɔ, mí Yeesu mingin volɔɔla ndɔlan lekɔɔ, mó muungu, mó kɔ cal o fonda ndɔɔ, mó ɲuna nda aa: «La bii pá ɲɛ ya tosal niaa hoo-o bila?

1Nsaŋ 3:11

Pɛɛku niaa tuei kabi o tasendɔ-o co hoo ni aa: «N kaolian vellaa-velle.»