Nsaŋ 13:34 - BII BILA

³⁴ I co niaa sila sɛnɛiyo yɔngu: la kaolian vellaa-velle. Maa mɛɛ ya kaola niaa yɛ, niaa bɛɛ la kaolian lende.

Nsaŋ 13:34 Referans Kwoze

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Tɔŋ lasálàá 19:18

La míngì màá le, la mándan sɔɔn vɔɔŋun vannda o lakɔl te. Vana-vana bɛnda mò kaola caanda maa ndu pila. Ya co Mɛlɛka ni.

Nsaŋ 15:17

Tɔŋ ya co niaa hendu-o co hoo ni, la kaolian vellaa-velle.»

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

Kalatea 6:2

La maalian o sangalan nin vellaa-velle, tɔŋ Krista-o peeloo co kon ni.

1Nsaŋ 3:23

Tɔŋ ndɔ kon co yɛ hoo ni: n laalan o diola Yeesu Krista Po ndɔ lan, mì n kaolian vellaa-velle maa mɛɛ sɔɛi o dimul naa-e co yɛ.

1Nsaŋ 4:21

Ndu dimul lɛ naa sɔɛi he ni aa: vana kaola pɛ Hala, ndu kaola vɛlɛ puapilɛ ndɔɔ.

Nsaki 2:8

Nduyɛ, te la bii pɛ tɔŋ lemasaa mɛɛ o sɛvan-ndo dimi yɛ aa: «Kaola caanda maa nɔm pila», mɛɛ la co caa vilio.

1Tesalonikea 3:12

Màá Mɛlɛka cɔɔlu niaa kaolaa tɛɛn vellaa-velle, mò cɔɔlu vɛlɛ ndu niaa a vanaa celen tɛɛn, mò va maa o naa n nɔ le niaa-o!

Rɔmnda 12:10

La kaolian vellaa-velle maa cuavaa mɛɛle pilɛ. La kindin fɔlɔn mì la kenan bɛɛlen vellaa-velle.

2Nsaŋ 1:5

Sisa yɛ, o ya co nɔm dimul-lo co hoo ni, nɔm Vanalanɔ sɔvɛɔ: n kaolian vellaa-velle. O co tɔŋ sɛnɛi le ya co nɔm sɛval kon te, kɛ tɔŋ naa n sɔla kabi o tasendɔ-o.

Kalatea 6:10

Lelan, telen naa n nɔ vɔ fondaa-o, n tosalan vannda kpow dɛnɛ kɛndɔɔ, kɛ taama-taama puapilɛa naa vanaa laalannda.

1Nsaŋ 3:11

Pɛɛku niaa tuei kabi o tasendɔ-o co hoo ni aa: «N kaolian vellaa-velle.»

Tɔŋ lasálàá 19:34

Kɛ la bíí ndu mɛɛ niaa bii Israɛlaa pilacieea yɛ, la kaola ndu maa niaa pila. Kani niaa bɛɛ, mialla niaa yɔŋnun o lɛŋnde Esipte len nin ni. La loonun a ken. Ya co Mɛlɛka ni, Hala niaa pɛɛn.

Hebreea 13:1

La hiow laci a kaolianndo vellaa-velle maa n'puapilɛ.

2Tesalonikea 1:3

Puapilɛa naa, mɛɛ mì n va Hala balikaa mello le niaa. O bɛnda mì n tosa kon, kani laalan niaa co cɔɔloo hiovɔɔ laci, kaola co niaa tɛɛn vellaa-velle-o co hiovɔɔ laci tuŋ.

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

2Piɛr 1:7

mì la handu hɛɛnianndo o ipuapilɛyɛi nin o ɲííye coo, mì la handu kaolaa o hɛɛnianndo o ipuapilɛyɛi nin coo.

Kolɔsea 1:4

Kani n tuei laalan niaa laalan Yeesu Krista-o a kaola niaa nɔ le vanaa laalannda kpow-vo tɔ́ɔ́.

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

Nsaŋ 17:21

Màá nda kpow a va ɲɛ pilɛ maa nɔm, Pua, a co o ya nin, mì ya i va o nɔm nin, maa nda bɛɛ va o naa nin, haliko mi ceendo laalan maa nɔm vem ya ni!

Condii lisai 119:63

Vaanaa co nɔm bɛɛlen keo-va a vanaa co silala nɔmndan biyɔɔ-a kpow, caan nda ya co ni.

Condii lisai 16:3

Vanaa diandaa co o lɛŋnden nden nin-nda, nda pila, a vanaa kpaayaa, kan co vanaa hɛnan ya-a ni.

Matie 5:44

Kɛ ya, i co niaa dimul: la kaola yaamɔaa niaa, la piɛi Hala le vanaa co niaa saangiaa a niaa yɛlen tollo-a.

Rɔmnda 13:8

Kuee vana-vana va niaa le, fɔ kaolianndo vellaa-velle. Kani vana kaola pɛ caanda, mɛɛ ndu peelu tɔŋndo.

Rɔmnda 13:10

Vana kaola caanda-o ndu tosal vana dɛnɛ vɔɔn te. Lelan, kaolaa co peelɔn tɔŋndo ni.