Nsaŋ 13:31 - BII BILA

³¹ Yuda fulaa, mí Yeesu dimi aa: «Nihau, biilu Po vanacieo cɔmnun, mì biilu Hala-o va cɔmnɔnndo o ndu nin.

Nsaŋ 13:31 Referans Kwoze

1Piɛr 4:11

Te vanndo va pɛ sɔɛi, o soo le diomnda Hala lan tɛɛnguuo. Vana nɔ pɛ keo le dɛnɔɔ pum tosaa, o tosa ndu a kpaaya Hala yɔngu vana-o, haliko mi Hala sɔla biiloo o dɛnndan kpow nin o diola Yeesu Krista lan. O biiloo a kpaayaa co le ndu le fɛɛn a fɛɛn-ndo. Amiina!

Nsaŋ 14:13

Ɲɛ-ɲɛ niaa ɲunanin o diola nilan, i tosanin kon, haliko mi Pua sɔla biiloo o Poo nin.

Nsaŋ 7:39

A Kɔl-Diandaa vanaa laalan ndu-a ndáà sɔlanin-ndo o kɔɔ o va sɔɛi ni, kani Kɔl-Diandaa ndóò yɔngun ndɔ nda le, bau Yeesu ndóò hel-lɔ o biilu ndɔɔ nin te.

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

Efɛsea 3:10

Kon yɔŋnun, haliko mi vanaa laalannda tosa, mì vanaa nɔ masalen o ba-a a ɲɛm kpaayan o halataala n sínà kɔlkalu Hala-o o nɛilan kpow coo.

Dɛnnda kiilaa 3:13

Hala Abraham-ndo, Hala Isaak-o a Hala Yakɔb-o, a yɔŋnun fuɲaa naa mamaa-a cɔm kpaaya ndɔɔ o diola vana ndɔ baalaa Yeesu lan ni. Yeesu niaa pila mal masalen o ba, mí la kɛɛ ndu Pilate o hɔl-lo pɛɛn. Nduyɛ, mí Pilate ndóò dimi le ndu malɔɔ.

Dɛnnda kiilaa 2:36

Lelan, mɛɛ mì Israɛlla kpow a sínà toɲaa maa Yeesu niaa baŋ kon o yɔm singafilaa coo-o, ndu Hala siinguu Maalii a Krista ni!»

Nsaŋ 16:14

O biilunin ya, kani sɔɔn o sɔlanin ya o ba-on o tɛɛngulnin niaa ni.

Nsaŋ 12:23

Mí Yeesu mulul nda aa: «Telenndo tiiya, mì Po vanacieo sɔla biiloo.

Nsaŋ 11:4

Yeesu tueyɔɔ dɔ́ɔ́ lende, mó dimi aa: «O co le piɔ́m sɔla le naa hoo bii ndu le, kɛ le biilu Hala-o cɔmndo, haliko mi Po Hala-o sɔla biiloo.»

Filipea 2:11

o kon mì lediɛɛmu oo lediɛɛmu le dimi kpedekele aa: «Yeesu Krista co Vana bɛndoo» le biilu Pua Hala-o ni.

Efɛsea 2:7

O kɛndɛi bɛndui o cɔm ken o Yeesu Krista nin-nde nin, ndóò yeema mì ndóò cɔm kɛndɛi ndɔɛi fɛɛn-fɛɛnnde.

Efɛsea 1:12

Lelan, naa vanaa tasea tiindan Krista-a, n biilun bɔɔbɔɔyɛi Hala-e.

2Korɛntea 3:18

Lelan, naa kola vaan-vaan co o hɔl te-a kpow, biilu Mɛlɛka-o naa n co maa tofan ni. Nduyɛ, Mɛlɛka, o co Kɔl-Hala-o cii naa mangala le vaa velan ndɔɔ, n co hiovɔɔ laci tuŋ a biiloo sɔlaa. Vali Kɔl-Hala-o co tosaa-o co kon ni.

Nsaŋ 12:28

Pua, cɔm vannda biilu diola nɔmndan.» O kon, mí diomndo pum soaa o halataala aa: «I cii nihau biilu ndɔɔ cɔm, la sɔlanin vɛlɛ biiloo.»

Luke 12:50

Mɛɛ mì sɔla yinɔɔ, nduyɛ i co cumndo háá mì sɔɛi ken i keleŋa peelɔn!

Matie 8:20

Mí Yeesu mulul ndu aa: «Kàá nɔ buulula nda lɔl nin-ndan, yovaa co kelaa coocoo-a bɛɛ a nɔ vɛɛnde, kɛ Po vanacieo ndu nɔ bɛɛ nɛɛ yambaa lebol te.»

1Piɛr 2:12

La nɔ kela kɛndɔɔ vanaa co vanaa laalan te-a tɛɛn, haliko a ɲiinduu niaa bɛɛ còòlan coo maa vanaa tosaa dɛnnda vɔɔn, mà ce dɛnnda kɛndɛla niaalan, mà biilu Hala paale o hunnin-nden.