Nsaŋ 13:27 - BII BILA

²⁷ Yuda biyɔɔ dɔ́ɔ́ bulu kon, mí Setana luɛi ndu nin. Mí Yeesu dimul ndu aa: «Tosa ɲɛ n nɔ le tosa-o cɔ́-cɔ́!»

Nsaŋ 13:27 Referans Kwoze

Luke 22:3

O kon, mí Setana luɛi Yuda nin, o ndáà veelu vɛlɛ aa Iskariɔt-o pɛɛn, ó va vana pilɛ o kaandeŋaa tɔ́ a à ŋiɔnda tɛɛn-ndo.

Nsaŋ 13:2

Telen Yeesu nda kaandeŋaa ndɔa va ɲɛdiaa icɔl-lo dioo-o, mí ɲina vɔɔndo yɔngu Yuda po Simɔn Iskariɔt-o yiyanndo le Yeesu malɔɔ vannda o ba.

Dɛnnda kiilaa 5:3

Kɛ mí Piɛr ɲuna ndu aa: «Ananias, le yɛɛ nɛ n kumbil-lɛ Setana kɔl nɔmndo le Hala Kɔl-Diandaa còòlan dimullo, má faŋa volin n pisi yondoo-on baa pilɔɔ le nɔm pila?

Matie 12:45

o kɔ cua ɲinaa vɔɔŋaa celen, a hiow ndu vɔwlen-nda a ŋɔmmɛw, o luɛi a nda, a kɔ cal cɛinin ndon. Ceen vana kon cɔɔlú levɔw hiovɔɔ ceen ndɔ paandoo coo. Lende koni i yɔŋnunnin a vanndacieea vɔɔnda ha paalen nden hau ni.»

Vana Kɔlkaloo 9:3

Dɛnɛ vɔɔn komal vannda kpow o paalen bɛngu-o co hoo ni: ɲɛ pilɔɔ kpé komal vanndacieea ni. Yɔŋ vɔɔndo a diɔmii sondo vesɛiye koni nda co tosaa telen nda co yoomu-o ni, o kon kɔɔli, a vinnun.

Talelan 1:16

Kani nda nda, dɛnɛ vɔɔndo tuŋ nda co keiyo tosaa a kiltan ni. Keleŋaa pila nda keleŋa le vanndacieea diwvo ni.

Daniɛl 2:15

Mí Daniɛl ɲuna ndu le kɔlɔ masaa ndóò kelu yamɛi kala-kalɛi vaa lende-o. Mí Ariɔk cɔm ndu sɔɛi lenin kpede.

Marke 6:25

Mí cuaambɔɔ keleŋa muungu cɔ́-cɔ́ o masaa lo, mó dimul ndu aa: «I yeema ma ke ya bolle Nsaŋ Vana-yinaa len sunsun o siɛtio nin.»

Condii lisai 109:6

A co dimio aa: «La mal ndu vanaa yɔŋ vɔɔnda o ba, la simi vana hɛɛnduaa n'sɔɔ ndu o ba kɛndɔɔ coo.

1Masaa 18:27

Paalen tiiyaa o pol, mí Elii va nda mamɔɔ aa: «La cɔɔlu deŋi kpélén, kani hala o co ni, o nɔ kpekulan taw. Bɔɔle o dɛnɛ pum coo o co vɔ yiyanndo ni, bɔɔle o bahavɛiyo pum nin o co vɔ ni, bɔɔle kelanndo o kɔɛnnun yɛ ni, ko o lɔan o connun yɛ ndo-u. O co tiondɔɔ.»

Matie 4:10

Mí Yeesu dimul ndu aa: «Faŋan ya kɔɔli, Setana! Kani o co o sɛvaa aa: ‹Mɛlɛka Hala nɔmndo n bɛnda le biiloo ni, ndu pilɛ kpé n bɛnda le baalaa tosallo ni.›»

Nsaŋ 6:70

Mí Yeesu mulul nda aa: «Vɛ̀ɛ̀ o co ya le hɛli niaa n'van tɔ́ a vanaa ŋiɔnda ha le? Kɛ nduyɛ, ɲina vɔɔndo luɛi vana pilɛ nin niaa tɛɛn.»

Nsaŋ 13:28

Kɛ kaandeŋaa tɔ̀a nda va dioo latulu-a kpede a sínà kɔlɔ Yeesu va ndu sɔɔn mun dimullo-o le.