Nsaŋ 13:21 - BII BILA

²¹ Yeesu ciiyo sɔɔn mún dimio, mí kɔllo sanga ndu taw, mó yondal nda aa: «I co niaa toɲaa dimul, vana pilɛ o niaa tɛɛn malnin ya vannda o ba.»

Nsaŋ 13:21 Referans Kwoze

Matie 26:21

Tuma nda va ɲɛdiaa dioo-o, mó dimul nda aa: «I co niaa toɲaa dimul, vana pilɛ o niaa tɛɛn malnin ya vannda o ba.»

Nsaŋ 13:18

O co le niaa kpow le ya co sɔɛi he dimio le, i sínà vanaa ya hɛli-a. Kɛ fɔ mì Sɔɛi sɛvan-nde peelun aa: ‹Vana naa n va ɲɛdiaa dioo latulu-o heelu bɛngoo le ya nɛiyo ni.›

Marke 14:18

Tuma nda va icali ɲɛdiaa dioo-o, mí Yeesu dimi aa: «I co niaa toɲaa dimul, vana pilɛ o niaa tɛɛn, ò naa n co dioo naa ndu latulu-o, malnin ya vannda o ba.»

Nsaŋ 12:27

«Sisa, kɔllo laasian ya niŋ kpede, i sina bɛɛ ɲɛ ya dimi le! Vɛ̀ɛ̀ mì dimi aa Pua baŋa ya o telenndo ho? Ɛ-ɛ, kani le sangaa ho sɔlaa ya hin ni.

Nsaŋ 11:33

Yeesu cɔu ndu caŋndo nda Yuifia va ndu kɔɔli-a, mí dɛnɛ kon pilan ndu kɔllo, mí kɔllo laasian ndu nin,

1Nsaŋ 2:19

Naa n tɛɛn nda fula ni, kɛ a ve vanaa naa le, kani te ndáà va pɛ vanaa naa, a va lo latulu naa ndaa. Kɛ i tósan lende haliko mi n sínà maa vana-vana o nda tɛɛn co o naa le.

Dɛnnda kiilaa 17:16

Telen Pol va Silas nda Timote cumndo Atɛn-ndo, mó tambu kɔl taw le sooluula o va cɔu lapiaa o kobi kon nin-ndan.

Nsaŋ 13:2

Telen Yeesu nda kaandeŋaa ndɔa va ɲɛdiaa icɔl-lo dioo-o, mí ɲina vɔɔndo yɔngu Yuda po Simɔn Iskariɔt-o yiyanndo le Yeesu malɔɔ vannda o ba.

Nsaŋ 11:38

Mí dɛnnda lan la pilan vɛlɛ Yeesu kɔllo, mó kɔa o sɛiyo. O buululan nin ndáà kumbu ndu ni, má handu pow bɛndoo o sondoo.

Nsaŋ 11:35

Mí Yeesu caŋ.

Marke 3:5

O kon mí Yeesu keela nda hɔlten coo a kɔl tambɛiyo a á mɔnɛi le nila kalula ndalan, mó dimul langbanɔɔ aa: «Siɛndi baa!» Mí langbanɔɔ siɛndi baa, mí ba ndɔɔ siangun.

Matie 26:38

O kon mó dimul nda aa: «Kɔl nuu sanga háá pɛɛngu piɔ́mndo, la lo pɔɔ nanu, mì la va lahɔl a ya latulu.»

Nsaŋ 13:22

Mí kaandennda va toofianndo vellaa-velle, a sina vana o va dimio-o le.