Nsaŋ 13:18 - BII BILA

¹⁸ O co le niaa kpow le ya co sɔɛi he dimio le, i sínà vanaa ya hɛli-a. Kɛ fɔ mì Sɔɛi sɛvan-nde peelun aa: ‹Vana naa n va ɲɛdiaa dioo latulu-o heelu bɛngoo le ya nɛiyo ni.›

Nsaŋ 13:18 Referans Kwoze

Condii lisai 41:9

«Ɲɛ palaa vɔɔndo tol ndu coo nuaa ni. Má cè ndu ihini, o cen ndɛnin te.»

Matie 26:23

Mí Yeesu muli aa: «Vana naa n co baa vowvo naa ndu o hɛngɛi pilɔɔ nin-ndo, ndu malnin ya vannda o ba ni.

Nsaŋ 17:12

Telen ya va latulu a nda-o, i va vanaa n ke ya-a mandaa o diola nɔmndan. Mí handu nda hɔlten coo, o pilɛ bɛɛ laasian te, fɔ o sɔɛi ndɔɛi ndíì sɛvan maa o co laasian-ndo, haliko mi sɔɛi ndíì sɛvan ken-nde ndíì peelun.

Marke 14:20

Mí Yeesu mulul nda aa: «Vana naa n co baa vowvo naa ndu o hɛngɛi pilɔɔ nin-ndo.

Nsaŋ 13:26

Mí Yeesu mulul ndu aa: «I co bulu bingio pɔɔla o taalaa nin, vana ya yɔngunin ndu-o, mɛɛ ndu ni.» O kon, mí Yeesu cua bulu bingio, mó pɔɔla ndu, mó yɔngu Yuda, po Simɔn Iskariɔt-o.

Nsaŋ 6:70

Mí Yeesu mulul nda aa: «Vɛ̀ɛ̀ o co ya le hɛli niaa n'van tɔ́ a vanaa ŋiɔnda ha le? Kɛ nduyɛ, ɲina vɔɔndo luɛi vana pilɛ nin niaa tɛɛn.»

Nsaŋ 15:19

Te niáà va pɛ le ceendo, ceendo va niaa kaolaa, kani le ndu niáà vanin ni. Kɛ le mɛɛ niaa co le ceendo le yɛ, nduyɛ mí hɛli niaa fulaa o ceendo nin, lelan ceendo nɔ nɛyɔn niaa ni.

Hebreea 4:13

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Matie 10:36

Yaamɔaa vana-vana vanin vanaa nda co cɛinin-nda ni.

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Nsaŋ 21:17

Mó ɲuna ndu o yàándɔɔ aa: «Simɔn po Yonas-o, vɛ̀ɛ̀ a kaola ya pá?» Mí kɔllo tambu Piɛr le peelu Yeesu peelu ndu sɔɛi ken ɲunaa bɛmbɛ leyáá-o. O kon mó mulul ndu aa: «Maalii, a sínà dɛnndan kpow, a sínà maa i kaola nɔm.» Mí Yeesu dimul ndu aa: «Landu hɔlla saa niaa coo.

2Korɛntea 4:5

O co yoongu naa pila le naa n co yondaa le, kɛ yoongu Maalii Yeesu Krista-o naa n co dimio ni. Nduyɛ le Yeesu naa n co vanaa baalaa niaa ni.

Yeremi 41:2

Fɔ́ɔ́fɔ̀, mí Ismaɛl po Netania-o can nda n'van tɔ́a o hin kan kɔɔli-a, má del Kedalia po Ahikam-ndo, po imama Safan-ndo coo, má cuku ndu a mɔɛi cɔwve. Nuaa nda looku vana masaa Babilɔn ndóò siinguu masa ibungaa-o diyɔɔ ni.

Matie 26:21

Tuma nda va ɲɛdiaa dioo-o, mó dimul nda aa: «I co niaa toɲaa dimul, vana pilɛ o niaa tɛɛn malnin ya vannda o ba.»

Marke 14:17

Icɔllo, mí Yeesu hun nda kaandeŋaa tɔ́ a à ŋiɔnda.

Marke 14:18

Tuma nda va icali ɲɛdiaa dioo-o, mí Yeesu dimi aa: «I co niaa toɲaa dimul, vana pilɛ o niaa tɛɛn, ò naa n co dioo naa ndu latulu-o, malnin ya vannda o ba.»

Luke 22:21

Kɛ la tofa vɔ, vana co ya malɔɔ vannda o ba-o, naa ndu n co ɲɛdiaa dioo latulu ni.

Nsaŋ 13:21

Yeesu ciiyo sɔɔn mún dimio, mí kɔllo sanga ndu taw, mó yondal nda aa: «I co niaa toɲaa dimul, vana pilɛ o niaa tɛɛn malnin ya vannda o ba.»

Nsaŋ 13:22

Mí kaandennda va toofianndo vellaa-velle, a sina vana o va dimio-o le.

Nsaŋ 15:25

Nduyɛ le sɔɛi co i sɛvaa o tɔŋ ndaa nin-nde peelɔnndo kon tosan lende ni aa: ‹A kɛɛ ya o fondo fúúo coo.›

Nsaŋ 18:32

Ken yɔŋnun haliko mi sɔɛi Yeesu ndóò dimi a piɔ́m ndɔɔ o kɔɔ-e ndíì peelun.

Nsaŋ 19:24

«N sɛɛsian ndu le, n malnun siondei, le sinaa vana nɔnin ndu-o.» Ken tosan, haliko mi o dimin o Sɛbɛ Hala-o nin-ndo ndóò peelun aa: «A co volɔɔla nilan piɔvanndo nda pila tɛɛn, a co siondei malɔɔ le doma ni lebɛngoo.» Lende vanaa cɔwva tosa ni.

Nsaŋ 19:36

Ken yɔŋnun, haliko mi sɔɛi co o Sɛbɛ Hala-o nin-nde peelun aa: «Paa ndɔɔ pilɛ bɛɛ yomnin te.»

Dɛnnda kiilaa 1:2

kɔlan háá paale o hel o halataala len. Lɔ́ɔ́ o hun hel o halataala, mó yɔngu kiilaa ndɔa o hɛli-a silalan o kpaaya Hala Kɔl-Diandaa bɛngu.

Dɛnnda kiilaa 1:16

«Puapilɛa nia, mɛɛ mì ɲɛ Hala Kɔl-Diandaa ndóò dimi o Sɛbɛ-Hala-o nin-ndo ndóò peelun. Ɲɛ ndóò dimi a sondo David-o le Yuda-o pɛɛn. Yuda sim kon vannda laci le Yeesu biyɔɔ-o.