Nsaŋ 13:17 - BII BILA

¹⁷ Mɛɛ niaa cii sina nuaa yɛ, te la kela pɛ lende, mɛɛ la vanin vanaa dɛnɛ kɛndɛa.

Nsaŋ 13:17 Referans Kwoze

Luke 11:28

Kɛ mí Yeesu mulul ndu aa: «Lende i co ni, kɛ nduyɛ, vanaa tuei sɔɛi Hala-e má bii ndi-a, le nda dɛnɛ kɛndɔɔ co ni.»

Nsaki 4:17

Te vanndo sina pɛ le dɛnɛ kɛndɔɔ tosaa, te o tosa ndu le, mɛɛ o cua hakio o ken nin.

Nsaki 1:25

Kɛ vana-vana yɔngun pɛ, mò pɛɛku tɔŋ peelanndo, tɔŋ ihɔɔyaa, mò kela lecoo a biuvɔnndo, o co ka le ndu tueyɔɔ mò pɔɛɛnun te, kɛ mò kela lecoo ɲɛkɛndɛi, vana kon sɔlanin dɛnɛ kɛndɔɔ o dɛnnda ndɔlan nin.

Esekiɛl 36:27

I lueinin kɔl nuu niaa nin, mì tosa háá mì la bii silala nilan, mì la bii pɛɛkula nilan, mì la kela lecoo.

Fulaa 40:16

Mí Moise tosa ɲɛ-ɲɛ Mɛlɛka dimul ndu le tosaa.

Dɛnnda cɔɔmuanndan 22:14

Dɛnɛ kɛndɔɔ co le vanaa co domala ndala bɛndulan tɔ́ɔ́-a. A sɔlanin dio le kɔmnde yɔm yoomaa sɔlaa, o kon mà kei o diola kobio le luɛyɔɔ lenin.

Condii lisai 19:11

Mun hiow vaa n'sɔvɛ a sianion, n hiow siani diandan naŋɔɔ, n hiow lɛma co fulaa o vàálan nin-ndan yeelaa.

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

Matie 12:50

Vana-vana tosa pɛ hɛnan Fuɲa ni co o halataala-o, vana kon co pɔmbɔ nuu, yema nuu a kala nuu ni.»

O Kandɔɔ 6:22

Mí Noe tosa lende, ɲɛ-ɲɛ Hala dimul ndu le tosaa, mó tosa kpafii.

Nsaŋ 15:14

Te la tosa pɛ o ya co niaa dimul-lo, mɛɛ caaŋaa nia niaa co ni.

Talelan 29:18

Te vana co lɛ levundu cɔ le, vannda tosa dɛnndan mɛɛ nda yeema yɛ. Kɛ dɛnɛ kɛndɔɔ co le vana co tɔŋndo biyɔɔ-o.

Yeremi 11:6

Mí Mɛlɛka dimul-la vɛlɛ aa: «Yonda sɔɔn mun o kobila Yuda lan nin a o nɛilan Yerusalɛm coo aa: ‹La yaŋnun sɔɔn kpemaa ho, mì la kela lecoo.

Rɔmnda 2:13

O co le tɔŋndo tueyɔɔ le vana sɔla dío Hala o hɔl te, kɛ vanaa co tɔŋndo biyɔɔ-a, nda Hala kenin dio ni.