Nsaŋ 13:14 - BII BILA

¹⁴ Te ya co vana bɛndoo a Maalii-o pulu pɛ niaa pelon, mɛɛ niaa bɛɛ, o bɛnda mì la puuluan pelon vellaa-velle.

Nsaŋ 13:14 Referans Kwoze

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

Dɛnnda kiilaa 20:35

O dɛnndan nin kpow, mí cɔm niaa maa mɛɛ mì vana tosa baalaa le vanaa bala fondoa-a malaa, mì vana loonun a sɔɔn Maalii Yeesu pila dimi-on aa: Vanndo ɲɔɔ keo hiow vana dɛnɛ kɛndɔɔ yɔngoo a vanndo nɔm ɲɔɔ keo.»

Kalatea 5:13

Puapilɛa nia, le hɔ́ɔ́yɛi niaa sɔla veeloo ni. Kɛ nduyɛ, la siinguu hɔ́ɔ́yɛi ken fɛɛlɔɔ le luɛyɔɔ dɛnnda n'falulan tosaa le, kɛ la tosalan baalaa vellaa-velle a kaolianndo.

Rɔmnda 12:16

La kela kela kɛndɔɔ niaa pila tɛɛn vellaa-velle. La va vanaa kuundian te, kɛ la tosa dɛnndan kpow o tuisinndo nin. Niaa pila cannun vanaa kɔlkalu le.

1Piɛr 4:1

Lelan, le mɛɛ Krista sanga o falon nin yɛ, niaa bɛɛ ken va niaa o lakɔl, kani vana sanga pɛ o falon nin, ndu sɛyan a hakio,

1Korɛntea 8:13

Lelan, te ɲɛdiaa co tosa ni mì puapilɛ nuu luɛi o pɔwlan nin, mɛɛ i di lɛ ɲɛ kon te, yɔŋii puapilɛ ni kon del.

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

2Korɛntea 10:1

Ya Pol, i co niaa tɛɛlɔn o yeela Krista-o nin a o vanakɛndɛyɛi ndɔɛi nin, ya vana vannda co hoo dimio maa te i va pɛ niaa tɛɛn, i soo fɛ́ɛ́-fɛ́ɛ́ a niaa, kɛ te i va pɛ niaa levil, i soo a hɔlta kalalan-ndo.

2Korɛntea 8:9

Kani la sínà kɛndɛi Maalii naa Yeesu Krista yɔŋ le niaa-e, ndu vana bolofaa, mó siŋnun vana bala fondoo, haliko mi la siŋnun vanaa bolofaa o bala fondola ndɔlan kɔɔli.

Rɔmnda 12:10

La kaolian vellaa-velle maa cuavaa mɛɛle pilɛ. La kindin fɔlɔn mì la kenan bɛɛlen vellaa-velle.

Nsaŋ 11:2

Mari yɔŋnun vanalanɔ taaliaa Maalii cuɛima cun kɛndɛan o n'pelu, mó vɔɔsuu ndu pelon a yiiŋii ndɔɛi-yo ni, yema ndɔ va Lasar ni, ó va a naa-o.

1Korɛntea 12:3

Lelan i yeema mì cɔm niaa maa vana-vana Kɔl Hala-o co pɛ nin, o dimi le aa: «Màá Yeesu dɔwnun danga!» Lende koni, vana-vana tiwba mò dimi le aa: «Yeesu, Maalii o co ni», te Kɔl-Diandaa co ndu nin te.

Filipea 2:11

o kon mì lediɛɛmu oo lediɛɛmu le dimi kpedekele aa: «Yeesu Krista co Vana bɛndoo» le biilu Pua Hala-o ni.

1Timote 5:10

mò nɔ tɔ́ɔ́ kɛndɔɔ le dɛnnda kɛndɛla ndɔlan, mò va vana caa cuavaa ndɔa biyɔɔ-o, mò va vana caa mialla biyɔɔ-o, mò va vanaa diandaa pelon pulɔɔ, mò va vanaa sangaa co coo-a malaa, mò kindin le dɛnnda kɛndɛlan kpow tosaa.