Nsaŋ 13:10 - BII BILA

¹⁰ Mí Yeesu dimul ndu aa: «Vana cii nin pulɔnndo-o nɔ lɛ mako pulan te, fɔ le pelon daama pulɔɔ, kani o co nin o diandaa few. Niaa, la co a diandaa, kɛ o co niaa kpede le.»

Nsaŋ 13:10 Referans Kwoze

Nsaŋ 15:3

Niaa la cuu nin diondɔɔ a sɔɛi ya dimul niaa-e.

2Korɛntea 5:17

Te vanndo va pɛ o Krista nin, vana kon siŋnun vana sɛnɛi. Vanacieeyɛi ndɔɛi paanduei i hiow, vanacieeyɛi sɛnɛiye muungu.

2Korɛntea 7:1

Caaŋaa nia ya kaola taw-va, le tùú kpemalan-ndan la co le naa-o, fɔ mì naa pila n dindin le dɛnnda kɛ́-kɛ̀ nɔɔliaa dialun nan a yiyan naa. Mì n peelun dindin naa a siòòŋii Hala-e.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

Tɔŋ lasálàá 16:28

Vana loamnin nda-o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́ malan o muungu o dɔ́ɔ́ngɔ́ɔ̀ nin.

Tɔŋ lasálàá 16:26

Vana kɔɛ a cuin toovi co le Asasɛl-lo o lɛŋnde veselɛilen nin-ndo bɛnda fɔlɔn mo tɔɔ volɔɔla ndɔla cuɛinanndan, mì ndu pila pulun fó-fó malan o muungu niko o dɔ́ɔ́ngɔ́ɔ̀ nin.

Nsaki 3:2

Kani naa vanaa bɔɔ-bɔɔ n co boŋilan o nɛilan taw coo. Te vanndo boŋ o sɔɛi sondoei nin te, mɛɛ vana peelun o dɛnndan nin-ndo co kon ni, o nɔla vɛlɛ mò manda dialun ndɔn kpow.

Hebreea 9:10

Tanala va le vanndacieea daama lan la va le ɲɛm dian, ɲɛm vana kol-lon a le faleŋun dindiaŋun yɛ́-yɛ́ɔn ni. Tanala lan kpow láà bɛnda háá o telen Hala va dɛnndan yɛlɛma-o.

1Tesalonikea 5:23

Màá Hala yɔngù vana kɔlɲuloo-o tosa mì la va vanaa ndɔa lɔ́ɔ́-lɔ́ɔ̀! Màá o mandà yiyan niaa, yoomu niaa a kɔɔle niaalen, mì la va vanaa yaalan te-a lɔ́ɔ́ Maalii Yeesu Krista hunnin-ndo!

Matie 6:12

Mal naa haki le tɛɛmbuula naalan, mɛɛ naa bɛɛ n mal vanaa tɛɛmbuu a naa-a haki yɛ.

Yeremi 50:20

Ya Mɛlɛka co sɔɛi he dimio ni aa: ‹Telen kon, a nuwviaanin tɛɛmbuula Israɛlla, kɛ la venin te. A nuwviaanin hakila Yuda lan, kɛ a seelunnin ndan te. Kani i malnin vanaa lonin yoomu-a haki.›

Condii kɛndɛ-kɛndɛi 4:7

Caan ni laandoo, a naŋ bɔɔ! A nɔ lenamta o dialun nɔmndon nin te.

Vana Kɔlkaloo 7:20

Vana sandaa co o lɛŋnden coo le, o tiwba mò tosa dɛnɛ kɛndɔɔ, o kondu haki loo.

Nsaŋ 13:9

Mí Simɔn Piɛr dimul ndu aa: «Maalii, mɛɛ o mɛɛlu ko pelon kínɛí le, kɛ pulu ya balan a bollen!»

Nsaŋ 13:18

O co le niaa kpow le ya co sɔɛi he dimio le, i sínà vanaa ya hɛli-a. Kɛ fɔ mì Sɔɛi sɛvan-nde peelun aa: ‹Vana naa n va ɲɛdiaa dioo latulu-o heelu bɛngoo le ya nɛiyo ni.›