Nsaŋ 12:6 - BII BILA

⁶ Yiyan o sɔla kon-ndo, o co iɲíí le ndóò nɔ a vanaa bala fondoa le, kɛ le tùú o va vuiyo-o. O va ɲɛm nda va mandaa-on ciimbuuo, kani ndu óò manda bɔlɔ nda n'volio o ba ni.

Nsaŋ 12:6 Referans Kwoze

Nsaŋ 13:29

Le tùú bɔlɔ n'volio va Yuda o ba-o, mí vannda pum a yiyan maa vomɔɔ Yeesu va ndu ɲɛm kafon nda nɔ makoo-on kɔlan piondɔɔ ni, te kon te vanaa bala fondoa ɲɔɔn kɔlan keu.

Nsaki 2:6

Niaa yɛ, la co vanaa bala fondoa bɛ̀ɛ̀lan tɛɛmbuuo. Vɛ̀ɛ̀ o co vanaa bolofaa le a co niaa mɔnɛi lueiyo le? Vɛ̀ɛ̀ nda le a co niaa yɔɔ o fondala kialaa n'yamalan te?

Nsaki 2:2

Te vanndo luɛi pɛ niaa tɛɛn a kelan n'sianion o n'su mò nɔ volɔɔla kɛndɛ-kɛndɛlan lekɔɔ, mì vana bala fondoo bɛɛ luɛi a volɔɔla nɔɔlɛilan lekɔɔ,

1Tesalonikea 5:22

La mandán le dɛnnda vɔɔnndan kpow.

Kalatea 2:10

I nda dimul naa kínɛí-ye co ni maa naa n pɔɛɛnun vanaa bala fondoa le, nduyɛ i pɔɛɛnun lɔ́ɔ́-lɔ́ɔ̀ le ken tosaa le.

1Korɛntea 6:10

vuiya, vanaa nɔ hɔlte ɲɛ-sɔlaa-a, vanaa kolaa mamɔiya, vanaa co vannda yeowlan-nda a vanaa co caanda delɔɔ coo-a a lueinin o Masale Hala len nin te.

Nsaŋ 10:13

Ken tosan, kani le volion daama o co baalaa ni, o nɔ buulan le saa le.

Matie 21:13

O kon kɔɔli mó dimul nda aa: «O co o sɛvaa aa: ‹Cɛi nuu veelunnin aa Cɛi lepiɛiyo.› Cɛi kon niaa niaa siinguu buulula vuiya nuaa ni.»

Esekiɛl 33:31

A co hunɔɔ sɛ́lɛ́ bɛndoo fili-fili o nɔm ndo, vanaa niaa kan pɛɛn, a co hunɔɔ calle nɔm o hɔl. A co nilan yaŋɔɔ o sɔɔn nɔmndon, kɛ a co kela lecoo le, kani a sondo yeelaa koni nda co sɔɛi ni, kɛ o kɔlta ndalan nin, tɔnɔ nda pila-o daama nda co nuwviaa ni.

Talelan 29:7

Vana sandaa sinà ɲɛ vana bɛnda le vanaa bala fondoa tosallo-o, kɛ vana kɔlvesɛiyo ndu, ken co kpeku ndɔ le.

Condii lisai 14:1

Condii David-e, í fula o condun simlacinɔ vanaa n'condua nin-nde. Diɔmnda co dimio o kɔlta ndalan nin aa: «Hala co le!» A laasian kpede, à luei balan o dɛnnda nɔɔlɛilan nin. Vana pilɛ bɛɛ co dɛnɛ kɛndɛ tosa o nda tɛɛn te.

Luke 8:3

Yoana lanɔɔ Kusa, Kusa va vana pilɛ o vanáà nɔ hɔlten o ɲɛm Herɔde-on coo-a tɛɛn, Susane a vanlaandua celen sɛ́lɔ́ɔ́ taw. Vanlaandua haa a va Yeesu nda kaandeŋaa ndɔa malaa a ɲɛm ndan sɔlan ni.

Nsaŋ 12:5

«Le yɛɛ nda kɛɛ yɛ cuɛima cun kɛndɛan man pisi támálan kɛmɛ leyáá, mì vanáà piɔw vanaa bala fondoa volin mun?»