I nɔ sɔɔn taw le dimio a yaman bɔɔ-bɔɔ kiolɔɔ a niaa o kɔɔ. Kɛ vana toɲaa vana vem ya-o co ni, sɔɔn ya tuei ndu o sondo-on, mun ya co ceendo tiiyallo ni.»
Ya, i tiwbà ɲɛ-ɲɛ tosa a ba ni le, mɛɛ ya tuɛi yɛ, lende ya i kialu yamɛi ni. Nduyɛ yamɛi kɛ́-kɛ̀ ya i kelu pɛ, i sandu, kani o co hɛnan ni le ya co nuwviaa le, fɔ hɛnan vana vem ya-o.»
I co nda vana-tɛɛngaa-diom Hala-o solul o puapilɛa ndaa tɛɛn maa nɔm Moise. I vownin sɔɔn nun ndu o sondo, mò tɛɛngul nda ɲɛ-ɲɛ ya dimulnin ndu le tosaa.
I co lɛ niaa veelu aa vanaa baala le, kani vana baalaa sina ɲɛ vana ndɔ bɛndoo co tosaa-o le. Caaŋaa nia ya vanin niaa veeloo ni, kani o kɛ́-kɛ̀ ya sɔla Fuɲa nuu o ba, i cii niaa ndu cɔm.
Mí Yeesu dimul nda aa: «Te ndóò va pɛ maa Hala co Fuɲa nia ni, la va ya kaola, kani o Hala nin ya fula ni mí hun. O co a ba ni le ya hin te, ndu vem ya ni.
I co nɔm toɲaa dimul kpendekele, sɔɔn naa n sina-on naa n co dimio ni, mì n va seilen timbio a dɛnnda naa n ce lan o kɔɔ, kɛ la co vɔ seile naalen cɛlɔɔ le.
Dɛnnda viannannda cɔmnun Yeesu kpendekele lan la co o sɛbɔɔ ho nin ni. Hala cɔm ndu lan haliko mo cɔm buɛyaa ndɔa dɛnnda co hunɔɔ tosan o telen bingi bɛngu lan. Mí Krista viam mɛlɛkanɔ ndɔɔ o Nsaŋ buɛi ndɔ lo, haliko mo kɔ cɔm ndu lan.
O kon mí Yeesu mulul nda aa: «I co niaa toɲaa dimul kpendekele, Poo nɔla ɲɛ-ɲɛ tosa a ba ndɔ le, fɔ ɲɛ o ce Fuɲaa tosaa-o. Ɲɛ-ɲɛ Fuɲaa tosa yɛ pɛ, ndu Poo bɛɛ tosa ni.
O kon mí Yeesu dimul nda aa: «Telen niaa heelunin Po vanacieo-vo, la sinanin vana ya co-o, mì la sina maa i co ɲɛ-ɲɛ tosa a ba ni le, kɛ mì la sina maa sɔɔn Pua pɛɛku ya-on ya co dimio ni.