Nsaŋ 12:48 - BII BILA

⁴⁸ Vana kɛɛ ya pɛ, mò bii sɔɔn nun te, ndu nɔ vana yaalanin ndu-o, sɔɔn ya pɛɛku vannda-on yaalanin vana kon o paale mɛɛlaalen ni.

Nsaŋ 12:48 Referans Kwoze

Luke 10:16

Mí Yeesu dimul vɛlɛ kaandeŋaa ndɔa aa: «Vana-vana tuei pɛ niaa diom, mɛɛ ya o tuei diom ni, vana kɛɛ pɛ niaa, mɛɛ ya o kɛɛ ni. Nduyɛ, vana-vana kɛɛ ya pɛ, mɛɛ vana vem ya-o o kɛɛ lende ni.»

Rɔmnda 2:16

Ken fulanin ceen o paale Hala tosanin mì Yeesu Krista kelu dɛnnda viannannda vanndacieea yamɛi len, maa mɛɛ Yoongu kɛndɛ ya co dimio-o co yɛ.

2Tesalonikea 1:8

O tuisinin vanaa sínà ndu Hala le-a a vanaa kɛɛ Yoongu kɛndɛ Maalii naa Yeesu-o biyɔɔ-a sangaa coo.

Nsaŋ 11:24

Mí Marte mulul ndu aa: «I sínà maa o muungunin yoomu o paale mɛɛlaalen.»

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

Esai 53:3

Vana vannda ndáà pɛɛsa ma kɛɛ-o o va ni, vana ɲɛ kindilaa o va ni, vana dema sangaa sɔla-o o va ni. Maa vana vannda feŋal hɔlla-o o va ni, ndáà tɛɛndan ndu bɔɔ, ndáà ci ndu ɲɛ-ɲɛ le.

Hebreea 2:3

Nduyɛ, vɛ̀ɛ̀ naa naa n fula yɛnin o ken nin, te n luei sɔɛi cinda bɛndoo ho yii le? Maalii pila kandu sɔɛi ndɔɛi dimio ni, o kon kɔɔli, mí vanaa tuei sɔɛi cinda kon-nda peelul naa diomnde len.

Nsaŋ 5:45

La yiyan maa i lɔalunin niaa o Pua lo le. Vana co niaa lɔlɔɔ-o co Moise ni, ndu niaa kɛsi kɔllo coo ni.

Matie 21:42

O kon mí Yeesu dimul nda aa: «Kabi bɛɛ la ci vɔ sɔɛi he isɛvaa le aa: ‹Pow vanaa tangulaa cɛiya viow-vo, pow kon siŋnun pow lebollo ni? Mɛlɛka o ba dɛnɛ kon fula ni. Dɛnɛ kaamaa bɛndoo co kon naa o hɔl ni.›

1Samiɛl 10:19

Mí Samiɛl dimi vɛlɛ aa: «Kɛ niaa kan te co hau Hala niaa soli niaa kon o sangalan nin a o dɛnnda palaalan nin-ndo kɛɔ, mí la muungu ndu dimullo aa ‹Ke naa masaa› le? Lelan, la hun niko o Mɛlɛka lo mɛɛ polama niaan a yungula niaalan la co yɛ́-yɛ́ yɛ.»

2Korɛntea 4:3

Te Yoongu kɛndɛ naa co vɔ pɛ o viannanndo, mɛɛ le vanaa co kɔlan o lou nin-nda o co lende ni,

Luke 20:17

O kon mí Yeesu tofa nda ciŋ, mó ɲuna nda aa: «Kɔlɔ yɛɛ sɔɛi co hee isɛvaa-e nɔ yɛ aa: ‹Pow vanaa tangulaa cɛiya viow-vo, pow kon siŋnun pow lebollo ni?›

Luke 17:25

Kɛ mɛɛ mò sanga fɔlɔn o dɛnndan taw nin, mì vanndacieea vaalio ho a kɛɛ ndu.

Luke 9:26

Kani vana-vana siɛmbulan la bii pɛ le ya a le sɔɔn nun, siɛmbulan la biinin Po vanacieo le vana kon telen o hunnin o biilu ndɔɔ nin, o biilu Fuɲa ndɔ-o nin a o biilu mɛlɛkaa nin-ndo.

Luke 9:22

mó dimul nda vɛlɛ aa: «Mɛɛ mì Po vanacieo sanga taw, mì bɛndua lelɛŋnda, bolii vanaa-solia-lasálàá a vanaa pɛɛkaa latɔŋnda kɛɛ ndu, mò sɔla piɔ́mndo, mò tendu fulaa vanvílɛ́iya tɛɛn o paale yàándɔlen.»

Luke 7:30

Kɛ mí Faliisia a vanaa pɛɛkaa latɔŋnda a kɛɛ ɲɛ Hala ndóò tuu le nda-o, kani a cɛl mà sɔla yinɔɔ Nsaŋ o ba le.»

Marke 16:16

Vana-vana laalan pɛ mò sɔla yinɔɔ, ndu sɔlanin cindaa, kɛ vana laalan te, ndu sɔlanin yaalaa.

Marke 12:10

La ci vɔ sɔɛi he isɛvaa le aa: ‹Pow vanaa tangulaa cɛiya viow-vo, pow kon siŋnun pow lebollo ni?

Matie 25:31

Mí Yeesu dimi aa: «Lɔ́ɔ́ Po vanacieo hunnin o biilu ndɔɔ nin a mɛlɛkaa kpow-vo, o calnin o kpɛŋɛ ndɔ lemasaa nin.

1Samiɛl 8:7

Mí Mɛlɛka mulul Samiɛl aa: «Ɲɛ-ɲɛ Israɛlla ɲuna pɛ nɔm, yaŋ nda nilan, ma cɛl nda diom. Sina pɛngu maa o co nɔm te nda kɛɛ le, ya pila nda kɛɛ nuaa ni. A yeema lɛ mì va masa nda coo le.

Dɛnnda kiilaa 3:23

Vana-vana kɛɛ pɛ le sɔɔn vana-tɛɛngaa-diom Hala kon biyɔɔ, Hala solinin ndu vanaa ndu Hala-a tɛɛn, mò sɔla piɔ́mndo.›

Marke 8:31

O kon kɔɔli, mí Yeesu kandu kaandeŋaa ndɔa dimullo maa fɔ mì Po vanacieo sanga taw, mì vanaa bɛndua lelɛŋnda kɛɛ ndu, mì bolii vanaa-solia-lasálàá a vanaa pɛɛkaa latɔŋnda kɛɛ ndu, mà dii ndu. Palɛi yaa o kon kɔɔli, mò tendu fulaa vanvílɛ́iya tɛɛn.

Matie 10:15

Mì dimul niaa toɲaa, paale kialaa iyamalen, lɛŋnde Sodɔm-nden a lɛŋnde Komɔr len le tiiyanin sangaa sɔlaa maa kobi kon te.»

Nsaŋ 6:39

Nduyɛ, hɛnan vana vem ya-o co hoo ni, maa vana-vana hialun ya o vanaa o ke ya-a tɛɛn te, kɛ mì tindi nda, mà muungu yoomu o paale mɛɛlaa len.

Nsaŋ 8:47

Vana co vana Hala-o-o, nilan o yaŋ o sɔɛi Hala-e ni. Niaa la yeŋ lani le, kani la co vanaa Hala le.»

Dɛnnda kiilaa 17:31

Kani o cii paalen kiolɔɔ, paale o kialunin vannda kpow iyama o sandei nin-nden, vana o hɛli-o tosanin kon ni. O cɔm vannda kpow tɔɔmasele kon a tindi o tindi ndu fulaa vanvílɛ́iya tɛɛn-ndo.»

Hebreea 4:12

Sɔɛi Hala-e co ikiyɛi, i nɔ kpaayaa. I hiow mɔɛi sondola tiɔn kɛ́-kɛ̀ luɛyɔɔ. Sɔɛi Hala-e tiwba mi i luɛi naa nin di, mì i tiiya naa o kɔllo nin, mì i tiiya o boondon, mì i luɛi o yooyooan nin di. Mì i sina tuulan a yiyannda co o kɔl vanacieo nin-ndan.

Hebreea 10:25

N málnùn cuungiannda naalan mɛɛ vannda pum tosa yɛ le. Kɛ n hiownun laci a siilianndo vellaa-velle mɛɛ niaa co cɔu paale Maalii len sɔɔnguuo yɛ.

1Piɛr 1:5

le niaa co a mandaa o kpaaya Hala-o nin a laalanndo-a, le cinda co nin le cɔmnɔnndo ceen o telennda mɛɛlaalan-ndo.

2Piɛr 3:3

Ɲɛ tasoo, la sínà maa o palɛi mɛɛlɛi, vanaa mam vannda-a kuinin taw, mà mam niaa. A vanin kelaa o yeemɛi ndɛi nda pila-e coo,

2Piɛr 3:7

Halataalaa a lɛŋnden nden sisa, sɔɛi Hala-e pilɛi ken co lan mandaa le lan hunɔɔ tɛɛmbuuo o yin, le paale kialaa iyamalen a le tambii vanaa vo Hala le-a.