Nsaŋ 12:40 - BII BILA

⁴⁰ «Hala suumiaa nda hɔltan, mó kindi nda nilan, haliko a ca le, a bii bila le, a mangalan o kon mì i singi nda le.»

Nsaŋ 12:40 Referans Kwoze

Esai 6:10

Siinguu kɔlta vannda ha kɔlta bii isɔɔ le lan, baŋul nda nilan mà kumbu nda hɔltan kpáŋ, yɔŋii nda cɔ a hɔlta ndalan, yɔŋii nda tuei a nila ndalan, ma bii bila a kɔlta ndalan, haliko a mangalan mà sɔla siongɔɔ le.»

Luke 8:10

Mó mulul nda aa: «Niaa niaa, la sina sɔɔn viannaŋun masale Hala len. Kɛ vanaa celen yɛ, n dimulun nda o talelan nin haliko: a va tofaa, kɛ a ca le, a va tueyɔɔ, kɛ a bii bila le.»

Marke 4:12

haliko a va bɛɛ tofaa, a ca le, a va bɛɛ tueyɔɔ, a bii bila le. Yɔŋii nda mangalan mà sɔla hakio malɔɔ.»

Esai 29:10

Kani Mɛlɛka cucu kɔl dialun vílɛ́i bɛndoo niaa coo, o kinda hɔlta niaalan (niaa vanaa-tɛɛngaa-diom Hala-a), o kumbu bolii niɛi (niaa vanaa sina siɔdii lacio-a).

Dɛnnda kiilaa 3:19

Lelan, la mangalan, mì la mal yɔŋ vɔɔndo, mì la mulul Hala hɔlla, haliko mo ɲumi hakila niaalan.

Nsaŋ 9:39

Mí Yeesu dimul ndu aa: «I hin le yamɛi kiolɔɔ o ceendo ho coo, haliko mi vanaa sumɛiya ce, mì vanaa co cɔu-va suma.»

Luke 4:18

«Kɔl Hala-o co ya coo, kani o hɛli ya le vanaa bala fondoa Yoongu Kɛndɔɔ tiiyallo. Le vanaa co o kaasolan-nda baŋaa, le vanaa sumɛiya hɔltan kumbio, le vanaa co o sangaa nin-nda pɛngio keo,

Osee 14:4

O co Asiri le nɔlanin naa ciindiaa le, n hel-lɛnin o soa cɔw coo le, n veelu lɛnin ɲɛ naa n cɔw a laba-o aa hala naa le. Kani nɔm tuinun vííyo iɲíí ni.›

Osee 6:1

«La hun mì n muungun Mɛlɛka o ibuŋ! Kani ndu lɔɔ naa ni, kɛ o co naa cɛw. Ndu booluu naa ni, kɛ o co pavii nɛi holiholi.

Esekiɛl 12:2

«Po vanacieo sei, o vanaa nila kalua tɛɛn n co icali nuaa ni. Vanaa kan nɔ hɔltan, kɛ a ci le, a nɔ nilan, kɛ a tui le, kani vanaa nila kalua nda co ni.

Yeremi 3:22

La muungu ya o ibuŋ, niaa cuavaa nila kalua ha, mì mal niaa haki le sɔɛi biyɛi lepɛŋii niɛi.› «Nuaa naa, n hin nɔm o ibuŋ, kani nɔm co Mɛlɛka Hala naa ni.

Condii lisai 147:3

O co vanaa ndáà tambu kɔltan nda dandaa dɔvɔɔ, mo va boolɔnnda ndalan cɛwcɛwvo.

Condii lisai 41:4

Mɛlɛka malanin ndu tuma o vanin ihini o kpele ndɔɔ coo a sangaa-o, mò cɛw ndu telen o delnin a nàá-o.

Condii lisai 6:2

Éé Mɛlɛka! Soaŋ ya o kɔltuw nɔmndo nin te, saangiaa ya o hiilɛi nɔmnde nin te.

Yosue 11:20

Kani Mɛlɛka pila tosa ni má kindi nilan a Israɛlla, má ciŋilan nda a cɔw lambaa-lambaa. Lelan, Israɛlla tosa iɲíí a nda le, má diw nda kpede maa mɛɛ Mɛlɛka pila ndóò dimul Moise yɛ.

Tɔŋ miingua 29:4

Ya Mɛlɛka, mí sim niaa laci le kɔlan o lɛŋnde veselɛilen nin o vɔsilan belehiɔɔlu bɛngu, volɔɔla cuɛinannda niaalan la siɔŋ niaa lekɔɔ le, samtala niaalan bɛɛ la siɔŋ niaa o n'pelu le.

Rɔmnda 9:18

Lelan, vana o yeema pɛ le ɲííye tuinɔnndo, o tuinun ndu iɲíí, vana o yeema pɛ vɛlɛ le nilan kindio, o kindi ndu nilan.

Dɛnnda kiilaa 28:26

mó dimi aa: ‹Kɔ dimul vannda ha aa: La tuɛinin ɲɛkɛndɛi, kɛ la biinin bila le, la tofanin, kɛ la cinin te.

Matie 15:14

Lelan la mɛi nda lon, vanaa sumɛyaa co kɔlan a vanaa sumɛyaa celen-nda nda co ni. Te vana sumɛiyo see yɛ pɛ vana sumɛiyo tindaa, nda ŋiɔn kpow a kɔ del o soondo nin.»

Esekiɛl 14:9

Te vana-tɛɛngaa-diom Hala-o malnun pɛ ndu o ba, mò dimul vana kon lediom, mɛɛ ya Mɛlɛka hiŋnin vana kon hɔlla ni. I soaŋnin ndu, mì ɲumi ndu vanaa nia Israɛlla tɛɛn.

Yeremi 5:21

Niaa vanaa kindu haa lakɔl te-a, niaa vanaa nɔ lakɔl niŋ te-a, la yaŋ nilan! La nɔ hɔltan, kɛ la ci a lan te. La nɔ nilan, kɛ la tui a lan te.›

Dɛnnda kiilaa 15:3

Mí vanaa Hala-a Antiɔs liila nda. Má kei Fenisi a Samari, má dimul vannda mɛɛ vanaa co N'Yuifi le-a a va Hala hɔlla mulullo yɛ. Mí puapilɛa kan kpow a dɔawnun ɲaale taw a tuu kon.

Marke 6:52

kani a bii kaamaa ndóò tosan a buloo-o bila le, kani nila kalulan la va nda.

Esai 53:5

Kɛ nduyɛ le yɔŋnda vɔɔnda naalan nda buuluu ndu ni, le tɛɛmbuula naalan nda ciimiaa ndu ni, mí sanga ke naa kɔlɲuloo-o toal ndu coo, le fungbula ndɔlan naa n sengu ni.

Esai 26:11

Òó Mɛlɛka, ba nɔmndo co o heelaa, kɛ nda a co ndu cɔ le. Kɛ a canin dialun fulaan nɔmndon le vanaa nɔmnda, o kon siɛmbulan la toalnin nda. Yinnde n kɛsi le yaamɔaa nɔmnda lomɔɔlen le loamnin nda ma cuulu mungén.

Fulaa 14:17

Ya yɛ, i co Esiptea nilan kindi háá mà tol le taŋɔɔ niaa kɔɔli. O kon, i co kei a Faraɔnnɔɔ a á vanaa ndɔa cɔwva kpow, ɲɛla ɲaanannda ndalan a vanaa ndɔa ɲaanun o soa coo-a, mì cɔm biilu nuu.

Fulaa 14:8

Mí Mɛlɛka kindi Faraɔnnɔɔ, o co masaa Esipte-o nilan háá mó can Israɛlla kuello le nda biyɔɔ. Nduyɛ, a ba nda bɛɛn-bɛɛn Israɛlla faŋan o lɛŋnde Esipte len nin ni.

Fulaa 14:4

I co ndu nilan kindi háá mò cɛn le niaa kuello. Kɛ i co kei a ndu pila a á vanaa ndɔa cɔwva mì cɔm biilu nuu, mì Esiptea kpow a sina maa ya co Mɛlɛka ni.» Mí Israɛlla tosa mɛɛ Mɛlɛka dimul nda yɛ.

Fulaa 7:13

Kɛ hali kon, mɛɛ Mɛlɛka dimi yɛ, mí Faraɔnnɔɔ kindi nilan peŋ, o cɛl sɔɛi ndɛi le.

Fulaa 7:3

Kɛ i co ndu Faraɔnnɔɔ nilan kindi peŋ. I cɔɔlunin sɔɔn kɔndɔfillon a kaamaalan tosa o lɛŋnde ndɔlen nin.

Fulaa 4:21

Mí Mɛlɛka dimul ndu aa: «Taa muungu pɛ Esipte, kaamaala ya yɔngu nɔm kpaayaa le tosaa lan kpow, a bɛnda ma tosa lan Faraɔnnɔɔ o hɔl. Kɛ i kindinin Faraɔnnɔ kalaa nilan háá mò kɛɛ le Israɛlla malɔɔ kɔlan.

1Masaa 22:20

Mí Mɛlɛka ɲuna aa: ‹Nɛ̀ɛ́-nɛ̀ tiw yɛnin ba Akab dɛɛniaa, haliko mo kuel Ramɔt co o tàndá Kalaad-o nin-ndo a cɔwvo, mò kɔ vu lon?› Kɛ mí vana-vana muli muli ndɔ.

Fulaa 9:12

Kɛ maa mɛɛ Mɛlɛka ndóò dimul Moise yɛ, mí ndu Mɛlɛka kindi Faraɔnnɔɔ nilan, o cɛl le sɔɛi Moise nda Aarɔn-nde biyɔɔ le.

Fulaa 10:1

Mí Mɛlɛka dimul Moise aa: «Kɔ o Faraɔnnɔɔ lo, kani ya Mɛlɛka kindi ndu nilan nda vanaa ndɔa baalaa ni, haliko mi tuisi nda kpundɛlan-ndan kpow coo.

Fulaa 11:10

Faraɔnnɔɔ, Moise a Aarɔn o hɔl kpundɛlan ndan kpow la tosan ni. Kɛ mí Mɛlɛka kindi ndu Faraɔnnɔɔ nilan háá mó kɛɛ le Israɛlla malɔɔ faŋanndo o lɛŋnde ndɔlen nin.

Esai 6:9

Mó dimul-la aa: «Mɛɛ kɔ mà kɔ dimul vannda ha aa: ‹La tuɛinin taw, kɛ la biinin bila le, la canin, kɛ la sinanin pɛɛngu le.›

Nsaŋ 12:39

Mí Esai pilɛ kon cɔm vɛlɛ le kɔlɔ nda kɛɛ laalanndo-o aa: