Nsaŋ 12:36 - BII BILA

³⁶ Telen niaa nɔ vɔ ɲɛ-tengaa-o, la laalan ɲɛ-tengaa, haliko mi la siŋnun cuavaa ɲɛ-tengaa.» Yeesu ciiyo sɔɛi lende, mó kɔannun, mó kɔ viannun nda lándán.

Nsaŋ 12:36 Referans Kwoze

Efɛsea 5:8

Ɲumndan niaa va paandu ni, kɛ sunsun, ɲɛ-tengaa niaa co o Maalii nin ni. La va niinoo maa vanaa co o ɲɛ-tengaa nin-nda,

1Tesalonikea 5:5

Niaa kpow, ɲɛ-tengaa a paalen niaa co ni. La co maɲum te, te kon te ɲumma bɛnduan.

Nsaŋ 8:59

O kon, má cua powtan le ndu viiyo. Kɛ mí Yeesu viannun, mó fula o Cɛi-Hala-o nin.

Luke 16:8

Mí vana bɛndoo lisa vana mandaa bolofaa kɔlkalu vɔɔndo ho le taasi o tosa-o. Kani vanaa co o ceendo ho coo-a hiow caa hɛlihɛlinndo nda pila tɛɛn o dɛnndan nin a vanaa co o masale halataa len nin-nda.

Nsaŋ 11:54

Lelan, Yeesu ve lɛ kela Yuifia o hɔl kpendekele le, kɛ mó faŋan ndon, mó kɔannun o tàndá va o lɛŋnde veselɛilen ikɛi-yo nin, o kobi nɔ diolan aa Efraim-ndo nin. Mó kɔ va lon nda kaandeŋaa ndɔa.

Nsaŋ 1:7

Maa sei o hin ni, le seilen timbio a ɲɛ-tengaa kon o kɔɔ, haliko mi vannda kpow a laalan ndu.

Esai 60:1

Cɔn ma tenga Yerusalɛm, kani ɲɛ-tengaa nɔmndo cɔmnun, biilu Mɛlɛka-o tol nɔm coo.

1Tesalonikea 5:8

Kɛ naa co le paalen-nda, n biinùn kɔlta naalan. N nɔnnùn laalanndo a kaolaa mɛɛ vana vownun mɔsil cɔwvo nuaa yɛ, mì n nɔnnùn tiindanndo le cindaa mɛɛ vana vownun mɔsil cɔwvo nuaa yɛ.

Nsaŋ 3:21

Kɛ vanndo va pɛ dɛnɛ toɲaa tosaa, o ɲɛ-tengaa o fula ni, haliko mi vannda sina kpendekele maa dɛnnda hɛnan Hala lan o co tosaa ni.»

Matie 21:17

O kon mó mɛi nda, mó faŋan ciee lon, mó kɔannun Betani, mó kɔ lɔl lon.

Matie 5:14

Ɲɛ-tengaa ceendo niaa co ni. Kobi co o pembei coo-o nɔla vionnɔnndo le.

Nsaŋ 8:12

Mí Yeesu soaa vɛlɛ o nda lo, mó dimul nda aa: «Ya co ɲɛ-tengaa ceendo ni, vana del-la kɔɔli pɛ, ndu kela o maɲum nin te, kɛ o sɔla ɲɛ-tengaa cindaa.»

Nsaŋ 12:37

A kaamaala kaakuula o tosa lan nda o hɔl-tan kpede, ndáà laalan ndu le,

Nsaŋ 12:46

Ya ɲɛ-tengaa, i hin o ceendo coo, haliko vana-vana laalan ya pɛ, o va o maɲum nin te.