Nsaŋ 12:34 - BII BILA

³⁴ Mí sɛ́lɔ́ɔ́ mulul ndu aa: «O naa n saalun o sɛbɛ latɔŋndo nin-ndo co ni maa Krista vanin yoomu le fɛɛn a fɛɛn. Le yɛɛ n co yɛ niko naa dimullo aa: ‹Mɛɛ mì Po vanacieo sɔla heeloo? Nɛ̀ɛ́ co yɛ nin Po vanaciee kon?› »

Nsaŋ 12:34 Referans Kwoze

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Daniɛl 7:14

Mí vanabɛnduyɛi, masalen a bɛɛlen le yɔngun ndu. Mí vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda a tosal ndu baalaa. Vanabɛnduyɛi ndɔɛi co le fɛɛn a fɛɛn, i cuu lɔ́ɔ́-lɔ́ɔ̀ le. Masale ndɔlen le tembunin fɛɛn a fɛɛn te.»

Condii lisai 110:4

Mɛlɛka cii mɛnan aa: «Nɔm, a vanin vana-solia-lasálàá le fɛɛn a fɛɛn maa Mɛlkisedɛk.» O mangala lɛnin sɔɛi ndɔɛi ken te.

Daniɛl 7:27

Masalen, vanabɛnduyɛi a bɔɔbɔɔyɛi lemasɛi o lɛŋnden kpow coo yɔngunnin kunda vanaa diandaa Ó-Hiow-Ɲɔɔn-Kpow-vo-a. Masale ndalen le co le fɛɛn a fɛɛn. Vanaa co masalen tosaa-a kpow a tosalnin nda baalaa, mà bii sɔɛi ndɛi.›

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

2Samiɛl 7:13

Ndu tangulnin cɛiyo le ya ni. I kɛsinin ndu o kpɛŋɛ lemasaa coo a kɔlɲuloo le lɔ́ɔ́-lɔ́ɔ̀.

Rɔmnda 5:18

Lelan, le tɛɛmbuu vanacieo ndu pilɛ, mí vanndacieea kpow a sɔla yaalaa. Lende vɛlɛ koni, le dɛnɛ sandaa vanndo ndu pilɛ, mí vanndacieea kpow a sɔla dɛnɛ sandaa, o kon má sɔla cindaa.

Misee 4:7

I siinguunin a voosian kan-nda ɲɛ tɔ̀ lo yoomu-o, mì siinguu a co a saŋnannda-a vanaa-mangalaa-isɔaa kpaayaa. O kon ya Mɛlɛka, i tosanin masalen nda coo o pembei Siɔn coo le fɛɛn a fɛɛn.

Condii lisai 72:7

O palɛi ndɔɛi bɛngu, dɛnɛ sandaa puinin. Te paangei co vɔ pɛ, kɔlɲuloo kuinin.

Rɔmnda 3:19

Nduyɛ, n sinà maa sɔɔn kɛ́-kɛ̀ tɔŋndo dimi, vanaa co o tɔŋndo bɛngu-a n dimulun ni, haliko mi sondolan kpow la kumbun, o kon mì vana-vana sɔla yaalaa Hala o hɔl.

Nsaŋ 15:25

Nduyɛ le sɔɛi co i sɛvaa o tɔŋ ndaa nin-nde peelɔnndo kon tosan lende ni aa: ‹A kɛɛ ya o fondo fúúo coo.›

Nsaŋ 12:32

Ya yɛ, telen ya sɔlanin heeloo faŋanndo o lɛŋnden coo-o, i tosanin mì vanndacieea kpow a muli hɔlla o ya lo.»

Nsaŋ 10:34

Mí Yeesu mulul nda aa: «O co o sɛvaa o tɔŋ niaa nin maa Hala dimi aa: ‹halaa niaa co ni.›

Esai 53:8

Má bii ndu a kɔlvesɛiyo, má kɔɔsal ndu, o vanaa nda va telen kon-nda tɛɛn, nɛ̀ɛ́-nɛ̀ buulan yɛ le faŋa ndáà faŋa ndu o lɛŋnde vanaa kiyɛiya coo-o? Nduyɛ, a dii ndu le yɔŋnda vɔɔnda vanaa niaa a le kpundɛ óò del nda coo-o.

Matie 21:10

Tuma Yeesu luɛi Yerusalɛm ciee-o, mí cieo kpow biiŋun. Mí vannda va ɲuunianndo aa: «Nɛ̀ɛ́ co yɛ hoo?»

Matie 16:13

Yeesu tiiyaa o tàndá Sesaree Filipe-o nin, mó ɲuna kaandeŋaa ndɔa aa: «Vɛ̀ɛ̀ vannda co yɛ dimio le vana ya co-o, ya Po vanacieo?»

Matie 8:20

Mí Yeesu mulul ndu aa: «Kàá nɔ buulula nda lɔl nin-ndan, yovaa co kelaa coocoo-a bɛɛ a nɔ vɛɛnde, kɛ Po vanacieo ndu nɔ bɛɛ nɛɛ yambaa lebol te.»

Nsaŋ 8:28

O kon mí Yeesu dimul nda aa: «Telen niaa heelunin Po vanacieo-vo, la sinanin vana ya co-o, mì la sina maa i co ɲɛ-ɲɛ tosa a ba ni le, kɛ mì la sina maa sɔɔn Pua pɛɛku ya-on ya co dimio ni.

Hebreea 7:24

Kɛ Yeesu ndu, o co yoomu le fɛɛn a fɛɛn. Nduyɛ, lɔ́ɔ́-lɔ́ɔ̀ bɛɛ vana celen muungunin o fonda ndɔɔ le vali solia lasálàá tosaa le.