O kon mí Yeesu dimul nda aa: «Telen niaa heelunin Po vanacieo-vo, la sinanin vana ya co-o, mì la sina maa i co ɲɛ-ɲɛ tosa a ba ni le, kɛ mì la sina maa sɔɔn Pua pɛɛku ya-on ya co dimio ni.
Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.
Kɛ ɲɛ naa n co taasi dɔvɔɔ-o co ni maa, mí Yeesu ndóò dɔɔnian hiovɔɔ mɛlɛkaa coo le telen bingi, kɛ sunsun, o sɔla biiloo a bɛɛlen le sanga o sanga mó vu-o. Le kɛndɛi Hala-e, mó vu le vanndacieea kpow.
O vanacieeyɛi nin ya va ndu nanɔɔ ni, o koalaa nin ya va kɔlan a ndu ni. Mí yɔŋnun le ndu mɛɛ kalacuaa cua hɔ́ɔ́ ndɔɔ nuaa mò yiiliaa hɔ́ɔ́ kon kúúvo nuaa yɛ. I va tundɔnndo le ndu ɲɛdiaa yɔngoo.
Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,
Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.
O dimul-la aa: «O co dɛnɛ pɔmbɔ, le nɔm siŋnɔnndo vana ni baalaa daama, le polama cuavaa Yakɔb-a mingio toosiaa a le Israɛlaa lo vɔ yoomu-a mingio o nda lo. Kɛ handɔɔ o kon coo, i kɛsi nɔm le vaa ɲɛ-tengaa le vanaa-mangalaa-isɔɔa, haliko mi nda bɛɛ sɔla cinda nuu háá nɛɛ lɛŋnden le mɛɛlu-a.»
Mí sɛ́lɔ́ɔ́ mulul ndu aa: «O naa n saalun o sɛbɛ latɔŋndo nin-ndo co ni maa Krista vanin yoomu le fɛɛn a fɛɛn. Le yɛɛ n co yɛ niko naa dimullo aa: ‹Mɛɛ mì Po vanacieo sɔla heeloo? Nɛ̀ɛ́ co yɛ nin Po vanaciee kon?› »
Nan ya nɔm kɔɔli mì n ɲaanun. Masa nuu, luei ya o cɛi nɔm lɔlaa nin, mì n kɔ mì n dɔwnun ɲaale naa ŋiɔn. N lisanin piilianndaan hiovɔɔ mɔiyan coo. A toɲa, cuavaa laandua kaola nɔmnda nɔ dí le nɔm kaolaa.
Absalɔm va o milɛɔ coo, mó kɔ voolu a vanaa cɔvaa David-a o fondaa pum. Mí milɛɛ ndɔɔ kɔ sɔɔŋa a ndu o bɔɔ lɛvun yɔm terebɛnte bɛndoo pum bɛngu. Mí bolle Absalɔm-nden le haw o lɛwvon tɛɛn, mí milɛɔ hiawnun laci, mí Absalɔm koma lo o landanndo lon.
O palɛi ken nin, vana fula kon o polale Yisai len nin-ndo vanin maa lɛfɛ le vannda, vanaa-mangalaa-isɔɔa kpow a mulinin hɔlla o ndu lo, o biiloo nin calta ndɔlan la vanin ni.
Mí Moise cua daɲɛi, mó cɔaw kɛwvo a ndi, mó landu ndu o yɔm ipɛngɔɔ coo. Te kɛwvo ndóò lɔva nin pɛ vanndo, vana kalaa ndóò tofa kɛw idaɲa kon, ndóò sɔla cindaa.