Nsaŋ 12:27 - BII BILA

²⁷ «Sisa, kɔllo laasian ya niŋ kpede, i sina bɛɛ ɲɛ ya dimi le! Vɛ̀ɛ̀ mì dimi aa Pua baŋa ya o telenndo ho? Ɛ-ɛ, kani le sangaa ho sɔlaa ya hin ni.

Nsaŋ 12:27 Referans Kwoze

Nsaŋ 12:23

Mí Yeesu mulul nda aa: «Telenndo tiiya, mì Po vanacieo sɔla biiloo.

Hebreea 5:7

Telen Krista va o ceendo coo-o, o va caŋndo kpélén a mɛmɛan tuisio Hala ndóò nɔla ndu baŋaa piɔ́mndo o ba-o o lani, mí Hala tuɛi ndu diom le tùú o lo o lediom coo-o.

Nsaŋ 13:21

Yeesu ciiyo sɔɔn mún dimio, mí kɔllo sanga ndu taw, mó yondal nda aa: «I co niaa toɲaa dimul, vana pilɛ o niaa tɛɛn malnin ya vannda o ba.»

Matie 26:42

Mí Yeesu faŋan vɛlɛ faŋan diinndɔɔ, mó kɔ piɛi Hala aa: «Pua, te o nɔla tosan mì taala kólaa sangaa ho faŋan ya ikɛi le, maa fɔ mi i kol a ndu, maa hɛnan nɔmndo tosan!»

Esai 38:15

Yɛɛ ya dimi yɛnin vɛlɛ? Vɛ̀ɛ̀ ya soaa yɛnin o ndu lo? Ndu co tosaa ni. I kelanin o tuisinndo nin háá mì yoomu nuu cuu. I co kon tosa le sanga kei hoo ya coo-o.

Hebreea 2:14

Le tùú cuavaa kan a co cuavaa n'falua a cuavaa kooma vanacieo-vo, mí Yeesu bɛɛ siŋnun maa nda, mó cua dialun ivanacieeyan. O kon mó pial ɲina vɔɔn nɔ kpaaya piɔ́mndo o ba-o o piɔ́m ndɔɔ nin.

Luke 22:44

Mí Yeesu buulan taw, mó piɛi a kpaayaa taw-taw, mí lalle muungu ndu maa makòó, mí i va delio lɛŋ maa matoŋtoŋ.

Nsaŋ 18:37

O kon mí Pilate ɲuna ndu aa: «Mɛɛ masaa n co lekɛ́ndɛi ni?» Mí Yeesu muli aa: «Nɔm pila cii dimi, masaa ya co ni. Lelan ya velun ni mí hun o ceendo coo, haliko mi tɛnda seile toɲalen. Vana-vana yeema pɛ toɲaa, ndu bii sɔɛi nii ni.»

Luke 22:53

Lepalaa-lepala, i va icali o Cɛi-Hala-o nin niaa tɛɛn, la bii ya le. Kɛ telen niaa a telen maɲumndo tiiya hoo ni.»

Condii lisai 88:3

Màá tuei piɛile nilen! Yaŋ nilan o cɛɛŋɔnnda nilan.

Esai 53:3

Vana vannda ndáà pɛɛsa ma kɛɛ-o o va ni, vana ɲɛ kindilaa o va ni, vana dema sangaa sɔla-o o va ni. Maa vana vannda feŋal hɔlla-o o va ni, ndáà tɛɛndan ndu bɔɔ, ndáà ci ndu ɲɛ-ɲɛ le.

1Timote 1:15

Sɔɛi toɲɛi co hee ni, i vannda kpow a bɛnda mì n cɛl-le: Yeesu Krista hin o ceendo coo le vanaa lahakia ciindiaa. Ya co vana lahaki tasoo o nda tɛɛn ni.

Nsaŋ 11:41

O kon má faŋa powvo. Mí Yeesu heelu hɔlla coocoo, mó dimi aa: «Pua, i mel nɔm balika le tùú n mulul-la-o.

Matie 11:25

O telen kon, mí Yeesu soaa, mó dimi aa: «Pua, nɔm co Vana bɛndoo o halataala a o lɛŋnden coo-o, i mel nɔm balika, le tùú n vin vanaa dɛnɛ sinaa a vanaa kɔlkalua sɔɔn mun, má cɔm cuaambɔa mun-ndo.

Condii lisai 6:3

Tuinun ya iɲíí, Mɛlɛka! I co bɔɔ ɲawvo. Singi ya, kani paala nilan kpow la co ɲiiyaa.

Matie 11:26

A toɲa, Pua, i mel nɔm balika le tùú n cɛl mí i yɔŋnun lende-o.

Matie 26:45

O kon kɔɔli, mó muungu nɛɛ kaandeŋaa ndɔa va-a, mó dimul nda aa: «La co vɔ o lɔan a pɛngio háá sisa? Telenndo cɛn tiiyaa, mì Po vanacieo del vanaa yɔŋ vɔɔnda o ba.