Nsaŋ 12:25 - BII BILA

²⁵ Vana-vana kaola pɛ yoomu ndɔɔ, o hialunnin ndu. Kɛ vana-vana kɛɛ pɛ le yiinɔnndo a yoomu ndɔɔ o ceendo ho coo, ndu mandanin ndu le fɛɛn a fɛɛn.

Nsaŋ 12:25 Referans Kwoze

Matie 10:39

Vana-vana kindin pɛ le yoomu ndɔɔ mandaa, o hɛlun ndu. Kɛ vana-vana yoomu ndɔɔ hɛlun pɛ le ya, ndu sɔlanin yoomu kpeekpeiyo.»

Luke 17:33

Vana-vana manda pɛ yoomu ndɔɔ, mɛɛ o hialunnin ndu, nduyɛ vana-vana yoomu ndɔɔ hɛlun pɛ, o ciindiaanin ndu.

Marke 8:35

Kani vana-vana yeema pɛ le yoomu ndɔɔ ciindiaa, o hialunnin vana kon, kɛ vana-vana yoomu ndɔɔ hɛlun pɛ le ya a le Yoongu Kɛndɛ Hala-o, ndu sɔla yoomu co le fɛɛn a fɛɛn-ndo.

Matie 16:25

Kani vana-vana yeema pɛ le yoomu ndɔɔ ciindiaa, o hialunnin ndu, kɛ vana-vana yoomu ndɔɔ hɛlun pɛ le ya, ndu sɔlanin ndu.

Luke 14:26

«Vana-vana yeema pɛ le ya delɔɔ kɔɔli, mɛɛ mò kɛɛ fuɲa ndɔ, kala ndɔ, laa ndɔ, cuavaa ndɔa, puapilɛa ndɔa a yemaa ndɔa, mò kɛɛ vɛlɛ yoomu ndɔɔ, te o co kon te, o tiwba mò siŋnun kaandennɔ nuu le.

Dɛnnda cɔɔmuanndan 12:11

Puapilɛa naa nɔla ndu a kooma saa téndóó a á sɔɔn nda dimi o seile ndalen nin-ndon, a kuunan yoomu ndaa coo le, a va a bɛɛndiannda le piɔ́mndo sɔlaa.

Matie 19:29

Nduyɛ vana-vana mɛi pɛ cɛila ndɔlan, puapilɛa ndɔa, yemaa ndɔa, fuɲa ndɔ, kala ndɔ, laa ndɔ, cuavaa ndɔa, te kon te yondola ndɔlan le diola nilan, ndu sɔlanin o hiow kon polon-ndo. O kon kɔɔli, o sɔlanin yoomu fɛɛn-fɛɛndo.

Dɛnnda kiilaa 20:24

Kɛ yoomu nuu co ɲɛ-ɲɛ ya o hɔl te, haliko sii i tosa baala nuu a ɲaaloo, mì tosa ɲɛ Maalii Yeesu vem ya tosaa-o: kon co vannda Yoongu kɛndɛ kɛndɛi Hala-e tiiyallo-o ni.

Vana Kɔlkaloo 2:17

O kon mí ceendo kusulan ya, kani baala co tosanndo o ceendo coo nanu-o niŋ te. Kon kpow sanga fondoo fúú, ɲɛ fondoo kiltan kɔɔli o co ni.

Dɛnnda kiilaa 21:13

Kɛ mó muli aa: «Le yɛɛ nɛ niaa co yɛ caŋndo mì la va ya kɔllo tɛɛmbuuo? Kani o co le ya yiiyo daama le ya co o bɛɛndianndo le, kɛ haliko mi sɔla vɛlɛ piɔ́mndo Yerusalɛm o diola Maalii Yeesu lan.»

Hebreea 11:35

Mí vanlaandua pum a ca vanvílɛ́yaa ndaa muungoo yoomu, má can fulaa o piɔ́mndo nin. A saangiaa a pum saangiaa piɔ́mndo, kɛ a cɛl mì vana baŋa nda le, haliko mi ndáà sɔla yoomu hiow naŋɔɔ-o o piɔ́mndo kɔɔli.