Nsaŋ 12:23 - BII BILA

²³ Mí Yeesu mulul nda aa: «Telenndo tiiya, mì Po vanacieo sɔla biiloo.

Nsaŋ 12:23 Referans Kwoze

Esai 60:9

Kani lɛŋii co o mɛnndan kɔngɔ-e i tiindan ya. Dɛ̀ndɛ̀la mamɛnndan Tarsis la sim laci le hunɔɔ a poaa nɔmnda cɔnɔnndo nɛɛ levil a volin a á sianin ndan. Kon kpow le diola Mɛlɛka Hala nɔmndo lan, O-Diandaa Israɛlla pɛɛn, o co nɔm salamayɛi yɔngoo-o.

Marke 14:41

Ndóò muungoo o yàándɔɔ, mó dimul nda aa: «La co vɔ lɔan a pɛngio? Sɔɛi del fɔ́! Telenndo tiiya, mì Po vanacieo del vanaa yɔŋ vɔɔnda o ba.

Matie 25:31

Mí Yeesu dimi aa: «Lɔ́ɔ́ Po vanacieo hunnin o biilu ndɔɔ nin a mɛlɛkaa kpow-vo, o calnin o kpɛŋɛ ndɔ lemasaa nin.

Esai 55:5

Tofa vɔ: a veelunin vanaa-mangalaa-isɔɔa n sina le-a. Vanaa-mangalaa-isɔɔa sina nɔm te-a hunnin o nɔm ndo a kiltan bilika-bilika, le Mɛlɛka, Hala nɔmndo, O-Diandaa Israɛlla pɛɛn, o co nɔm bɛɛlen yɔngoo-o.

Nsaŋ 12:16

Kaandeŋaa ndɔa ndáà bii sɔɛi ken bila o foofo kon te. Kɛ mɛɛ Yeesu luɛi o biilu ndɔɔ nin, má loonun dɔ́ɔ́ maa le ndu sɔɔn mun mún sɛvan ni, nduyɛ mí n peelun lende.

Matie 26:45

O kon kɔɔli, mó muungu nɛɛ kaandeŋaa ndɔa va-a, mó dimul nda aa: «La co vɔ o lɔan a pɛngio háá sisa? Telenndo cɛn tiiyaa, mì Po vanacieo del vanaa yɔŋ vɔɔnda o ba.

Marke 14:35

Mɛɛ o kɔɛ tiŋ laci, mó hini, mó kuumbuu hɔlla lɛŋ, mó piɛi Hala le mɛɛ telen kon ndóò hiaw ndu coo yɛ.

Nsaŋ 7:39

A Kɔl-Diandaa vanaa laalan ndu-a ndáà sɔlanin-ndo o kɔɔ o va sɔɛi ni, kani Kɔl-Diandaa ndóò yɔngun ndɔ nda le, bau Yeesu ndóò hel-lɔ o biilu ndɔɔ nin te.

Nsaŋ 12:27

«Sisa, kɔllo laasian ya niŋ kpede, i sina bɛɛ ɲɛ ya dimi le! Vɛ̀ɛ̀ mì dimi aa Pua baŋa ya o telenndo ho? Ɛ-ɛ, kani le sangaa ho sɔlaa ya hin ni.

Nsaŋ 13:1

Lɔ́ɔ́ pá mí Kafo-hiava-coo tiiya, Yeesu ndóò sina nin maa telen ndɔɔ tiiya le faŋanndo o ceendo coo le kɔlan o Fuɲa ndɔ lo. Ndóò kaola kaandeŋaa ndɔa va o ceendo coo-a taw, nduyɛ mó lo nda kaolaa háá o mɛɛlulan.