Nsaŋ 12:20 - BII BILA

²⁰ Krɛkia pum va o vanaa ndáà kɔɛ kan Yerusalɛm le Hala biiloo o kafoo coo-a tɛɛn.

Nsaŋ 12:20 Referans Kwoze

Nsaŋ 7:35

Mí Yuifia dimulan aa: «Kuɛɛ o kɔa yɛnin mì n bumba ndu saalɔn? Mo va o Yuifia co a sɛŋiannda Krɛkia tɛɛn-nda lo o kɔanin mo kɔ pɛɛku Krɛkia ni?

Dɛnnda kiilaa 17:4

Mɛɛ sɔɔn mun pilan Yuifia pum kɔltan, má del Pol nda Silas kɔɔli, mí Krɛkia bɔɔ-bɔɔ, áà nɔ siòòŋii Hala-e-a, a vanlaandua lebɛɛa pum a del vɛlɛ ndu kɔɔli.

Esai 11:10

O palɛi ken nin, vana fula kon o polale Yisai len nin-ndo vanin maa lɛfɛ le vannda, vanaa-mangalaa-isɔɔa kpow a mulinin hɔlla o ndu lo, o biiloo nin calta ndɔlan la vanin ni.

Dɛnnda kiilaa 8:27

Fɔ́ɔ́fɔ̀, mí Filipe can, mó bii nɛiyo. O lo kɔlan, mó komal Etiopiinɔɔ nda tɛnda bosio-o, vana bɛndoo langbanɔ kon va ni, ndu va ɲɛ-sɔlaa Kandase, masa laandu va o lɛŋnde Etiopii len nin-ndo mandaa ni. Langbanɔ kon ndóò kɔɛ Yerusalɛm le Hala biiloo,

Marke 7:26

Krɛkenɔɔ vuɛɛn kalaa va ni, kɔɔlima ndɔan ma va Fenisi o lɛŋnde Sirilen nin ni. Mó dimul Yeesu le ɲina vɔɔn kon tovɔɔ cua ndɔɔ kɔɔli.

Kalatea 2:3

Kɛlɛkenɔɔ Tite yáà kɔɛ kon kɔɔli-o va ni, kɛ a beŋ bɛɛ ndu le tooma diyɔɔ le.

Dɛnnda kiilaa 21:28

má yonda aa: «Israɛlla sei, la mala naa! Langbanɔɔ ho co keiyo vannda pɛɛkoo nɛɛ-nɛɛ ka le vanaa naa, tɔŋ naa, a le Cɛi-Hala naa hoo simullo ni. Sunsun, o cii vanaa co N'Yuifi le-a luei o Cɛi-Hala-o nin, mó nɔɔliaa fonda-diandaa hoo.»

Dɛnnda kiilaa 20:21

I veelu Yuifia a vanaa co N'Yuifi le-a le vulan baŋɔɔ Hala o labɛngunin, a le Maalii naa Yeesu laalanndo.

Dɛnnda kiilaa 16:1

Pol tiiyaa Dɛrbe, mó hiaw Listre. Mó kɔ komal kaandennɔɔ pilɛ lon diolan Timote. Yuifinɔɔ kalaa Timote yɔŋnun ni, ndóò laalan Hala. Fuɲa ndɔ ndu, Krɛkenɔɔ o va ni.

Dɛnnda kiilaa 14:1

Mí Pol nda Barnabas kɔ luɛi vɛlɛ o cɛi lekaan Yuifia nin Ikoniɔm lon, má sɔaa háá mí Yuifia a vanaa ve N'Yuifi le-a taw a laalan.

Kolɔsea 3:11

Lelan, Krɛkinɔ co lɛ le, Yuifnɔ co lɛ le, falenɔ co lɛ le, kɔ̀ndénɔ co lɛ le, vana sinaa dɛnɛ lepɛŋ co lɛ le, vana sinaa dɛnɛ co lɛ le, cɛ co lɛ le, vana co o ba ndɔ coo co lɛ le. Kɛ Krista tiw le nda kpow, o co vɛlɛ nda nin kpow.

Kalatea 3:28

Yuifnɔ co lɛ le, Krɛkinɔ co lɛ le, cɛ co lɛ le, vana co o ba ndɔ coo co lɛ le, vanapɔnɔ co lɛ le, vanalanɔ co lɛ le, kani mɛɛ niaa co kpede, ɲɛ pilɔɔ kpé niaa co o Yeesu Krista nin ni.

Rɔmnda 10:12

Lelan, hiyan co Yuifia a vanaa co N'Yuifi le-a tɛɛn te. Bau nda kpede, Mɛlɛka pilɔɔ nda nɔ ni, o co vanaa co ndu veeloo-a ɲɛm ndɔn keo-vo.

Rɔmnda 1:16

Siɛmbula co ya le vannda Yoongu kɛndɔɔ tiiyallo le, kani kpaaya Hala ciindiaa vannda-o co kon ni, kandɔɔ a Yuifia kɔ bii niko a vanaa co N'Yuifi le-a.

Nsaŋ 12:1

Ndóò lo palɛi ŋɔmpum le kafo-hiavaa-coo tiiyaa, mí Yeesu hun Betani, nɛɛ Lasar o mingi yoomu fulaa vanvílɛ́iya tɛɛn-ndo va-a.

Nsaŋ 12:19

O kon mí Faliisia dimulan aa: «Kámáá la ce le! La tiwnin ɲɛ-ɲɛ ba le. La tofa vɔ mɛɛ vannda kpow a del ndu kɔɔli yɛ.»