Nsaŋ 12:16 - BII BILA

¹⁶ Kaandeŋaa ndɔa ndáà bii sɔɛi ken bila o foofo kon te. Kɛ mɛɛ Yeesu luɛi o biilu ndɔɔ nin, má loonun dɔ́ɔ́ maa le ndu sɔɔn mun mún sɛvan ni, nduyɛ mí n peelun lende.

Nsaŋ 12:16 Referans Kwoze

Nsaŋ 2:22

Mɛɛ o tendu fulaa vanvílɛ́iya tɛɛn, mó muungu yoomu, mí kaandeŋaa ndɔa loonun maa ndóò dimi lende. Má laalan sɔɛi sɛbɛ Hala-o dimi-e a sɔɛi Yeesu ndóò dimul nda-e.

Nsaŋ 14:26

Kɛ vana ɲɔɔlaa, Hala Kɔl-Diandaa Pua yɔŋnin o diola nilan-ndo, ndu pɛɛkunin niaa dɛnndan kpow, mò yiyalan niaa sɔɔn ya dimul niaa-on kpow.

Nsaŋ 7:39

A Kɔl-Diandaa vanaa laalan ndu-a ndáà sɔlanin-ndo o kɔɔ o va sɔɛi ni, kani Kɔl-Diandaa ndóò yɔngun ndɔ nda le, bau Yeesu ndóò hel-lɔ o biilu ndɔɔ nin te.

Dɛnnda kiilaa 2:36

Lelan, mɛɛ mì Israɛlla kpow a sínà toɲaa maa Yeesu niaa baŋ kon o yɔm singafilaa coo-o, ndu Hala siinguu Maalii a Krista ni!»

Nsaŋ 12:23

Mí Yeesu mulul nda aa: «Telenndo tiiya, mì Po vanacieo sɔla biiloo.

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

Hebreea 8:1

O sɔɔn naa n co dimio-on kpow nin, i hiow va isɔvɛ-e co hee ni: n nɔ bolle vanaa-solia-lasálàá, o co icali o kpɛŋɛ lemasa Hala-o o ba kɛndɔɔ coo o halataala-o.

Dɛnnda kiilaa 3:13

Hala Abraham-ndo, Hala Isaak-o a Hala Yakɔb-o, a yɔŋnun fuɲaa naa mamaa-a cɔm kpaaya ndɔɔ o diola vana ndɔ baalaa Yeesu lan ni. Yeesu niaa pila mal masalen o ba, mí la kɛɛ ndu Pilate o hɔl-lo pɛɛn. Nduyɛ, mí Pilate ndóò dimi le ndu malɔɔ.

Dɛnnda kiilaa 2:33

Mí Hala heelun ndu ikɛi, mó kɔ kɛsin ndu o ba kɛndɔɔ coo, mó sɔla Hala Kɔl-Diandaa, o Hala ndóò yii kpemaa-o pɛɛn. Mí ndu Yeesu sɛŋi naa ndu coo. Ndu niaa co cɔu mì la va tueyɔɔ sunsun nuaa ni.

Nsaŋ 16:4

I co niaa ndi dimul, haliko te telen kon hun tiiya pɛ, la loonun maa yáà cii nin niaa ndi dimul.» «I yala niaa ndi dimul kabi o tasendɔ le, kani ya pila va niaa ikɛi.

Luke 24:45

O kon, mó kumbi kɔlta ndalan le Sɛbɛ Hala-o sinaa.

Luke 24:25

O kon mí Yeesu dimul nda aa: «Niaa vanaa nɔ haa kɔlkalu le-a, kɔlta niaalan la yala sɔɔn vanaa-tɛɛngaa-diom Hala-a dimi-on biyɔɔ le!

Luke 18:34

Kɛ kaandeŋaa kan a bii sɔɔn mun bila le. A ci kɔlɔ sɔɔn mun te, a sina ɲɛ Yeesu va nda dimullo-o le.

Luke 9:45

Kɛ a síná kɔlɔ sɔɛi ken te. Sɔɛi kalɛi ndíì dindu nda o hɔl te, a bii ndi bila le, mí siòònde bii nda le ndu ɲunaa a sɔɛi ken o kɔɔ.

Nsaŋ 17:5

Lelan Pua, biilu ya nɔm pila ikɛi, maa biilu naa n va paandu nin naa ŋiɔn lɔ́ɔ́ pá mi ceendo fula-o.

Marke 16:19

Yeesu ciiyo nda sɔɔn mun dimullo, mó hel o halataala, mó kɔ cal Hala o ba kɛndɔɔ coo.

Marke 9:32

Kɛ kaandennda ve sɔɛi ken bila biyɔɔ le, nduyɛ má sika le ndu ɲunaa.