Nsaŋ 11:55 - BII BILA

⁵⁵ Kafo Yuifia va nin kpɛɛlun, kafo-hiavaa-coo pɛɛn, mí vanaa bɔɔ-bɔɔ a va fulaa o cieon pɔmbɔn a o kobila tɔ̀lan nin, má va kɔlan Yerusalɛm le dindinndo.

Nsaŋ 11:55 Referans Kwoze

Nsaŋ 12:1

Ndóò lo palɛi ŋɔmpum le kafo-hiavaa-coo tiiyaa, mí Yeesu hun Betani, nɛɛ Lasar o mingi yoomu fulaa vanvílɛ́iya tɛɛn-ndo va-a.

Nsaŋ 6:4

Kafo-hiavaa-coo ndóò sɔɔnguu nin, kafo Yuifia pɛɛn.

Nsaŋ 2:13

Kafo Yuifia va nin kpɛɛlun, kafo-hiavaa-coo pɛɛn, mí Yeesu hel Yerusalɛm.

Fulaa 19:10

Mí Mɛlɛka dimul Moise aa: «Kɔ ma kɔ dimul Israɛlla aa a bɛnda mà dindin kandɔɔ hau háá siɔdii, mà tɔ́ɔ́ vɛlɛ volɔɔla ndala cuɛinanndan.

O Kandɔɔ 35:2

O kon, mí Yakɔb dimul yungu ndɔɔ a vanaa va ndu o ba bɛngu-a kpede aa: «La faŋa piɔmaa co naa tɛɛn-nda naa tɛɛn few-few. La dindin, mì la mangala volɔɔla niaala cuɛinanndan.

Nsaki 4:8

La sɔɔnguu Hala ikɛi, ndu bɛɛ sɔɔnguunin niaa ikɛi. La dindi bala niaalan, niaa vanaa lahakia ha! La dindi kɔlta niaalan, niaa vanaa kɔlta tiɔn-tiɔnda ha!

1Korɛntea 11:28

Lelan, vana-vana yaasiaa fɔlɔn kɔl ndɔɔ, malan o dia buloo ho, mò kol o taala kólaa ho nin,

Dɛnnda kiilaa 24:18

Lɔ́ɔ́ nda komal-la o Cɛi-Hala-o nin-ndo, yáà cii nin faleŋii dindiannde tosa. Sɛ́lɛ́ ve ya ikɛi le, i mel sɔngɔ oo sɔngɔ le.

Nsaŋ 18:28

Idiiyo púŋ, má can a Yeesu o Kaif lo, má hiaw a ndu o cɛi lemasa masa ibunga Rɔmnda. Kɛ Yuifia pila luei o cɛi lemasaa nin te. Haliko a nɔɔlian te, o kon mi ndáà de ɲɛdiaa kafo-hiavaa-coo.

Nsaŋ 13:1

Lɔ́ɔ́ pá mí Kafo-hiava-coo tiiya, Yeesu ndóò sina nin maa telen ndɔɔ tiiya le faŋanndo o ceendo coo le kɔlan o Fuɲa ndɔ lo. Ndóò kaola kaandeŋaa ndɔa va o ceendo coo-a taw, nduyɛ mó lo nda kaolaa háá o mɛɛlulan.

Nsaŋ 5:1

O kon kɔɔli, mí kafo Yuifia pum tiiya, mí Yeesu hel Yerusalɛm ciee.

Nsaŋ 2:6

Kpɛɛnɛn lapowvon pum va lon mún ŋɔmpum, le dindin Yuifia n va ni. I kɛ́-kɛ̀ va le litililan kɛmɛ lediin.

Marke 14:1

Ndóò lo palɛi ndii ŋiin, mì kafo-hiavaa-coo a kafo bulu toosian a lɛvɛn too ndóò tiiya. Mí bolii vanaa-solia-lasálàá a vanaa pɛɛkaa latɔŋnda can nɛilan nuwviaa le Yeesu biyɔɔ a kɔlkalu vɔɔndo, le ndu diyɔɔ.

Matie 26:1

Yeesu ciiyo sɔɔn mun kpow dimio, mó dimul kaandeŋaa ndɔa aa:

Condii lisai 26:6

I co bala nilan pulɔɔ le cɔmndo maa i tɛɛmbuu isɔɔ le, i co fonda-loamaa-lasálà nɔmndo balɔɔ, nɔm Mɛlɛka,

SƐBƐ YƆB-O 1:5

Te ndáà balu pɛ diolan lende pindo, Yɔb ndóò veelu cuavaa ndɔa kalaa, ndóò dindi nda. Idii púŋ, ndóò pena cɔnɔn, ndóò soli sálà loamaa le nda a pilɛn-pilɛnnda Kani nuaa ndóò dimi ni aa: «Bɔɔle poaa nia tosa hakio pum. Bɔɔle a dimi diomnde tanalen a Hala o kɔlta ndalan nin.» Lende Yɔb ndóò tosa lɔ́ɔ́-lɔ́ɔ̀ ni.

1Samiɛl 16:5

Mí Samiɛl muli aa: «O co sɔɛi vɔɔn te. Sálàá ya hin Mɛlɛka solul ni. Niaa bɛɛ la co a veelaa. La dindin, mì la sɔɔnguu ya ikɛi le sálàá.» Mí Samiɛl dimul vɛlɛ Yisai nda poaa ndɔa maa a dindin le sɔɔnguuo le sálà kon.

Kundalan 9:6

Kɛ nduyɛ, vanaa va a nɔɔlɛiya Mɛlɛka o hɔl le vana vílɛ́iyo, te kon te le cɔlu vílɛ́iyo sɔɔnguuo ikɛi-ya a tiwba le kafo-hiavaa-coo tosaa ɲinkon te. Le hee, má kɔ komal Moise nda Aarɔn paale pilɛle len,

Kundalan 9:10

«Soo o Israɛlla lo ma dimul nda aa: ‹Kandɔɔ sisa, háá le fɛɛn a fɛɛn, te vana pilɛ o niaa tɛɛn va pɛ o nɔɔlɛiyo le sɔɔnguu o sɔɔnguu vana vílɛ́iyo ikɛi-yo, te kon te, te o va pɛ o kela levil nin, o tiwba mò tosa kafo-hiavaa-coo le ya Mɛlɛka biiloo.

Matie 26:2

«La sinà maa o lo palɛi ndii ŋiin le kafo-hiavaa-coo tiiyaa. À malnin Po vanacieo vannda o ba le ndu baŋɔɔ o yɔm singafilaa coo.»

Luke 22:1

Kafo bulu toosian a lɛvɛn too va nin le tiiyaa, kafo-hiavaa-coo pɛɛn,

Dɛnnda kiilaa 21:24

Kɔ niaa ndaa, mì la tosà faleŋun dindianndon, mà sala ɲɛ nda nɔ le salaa-o, haliko ma sendi niaa. O kon, vannda kpow a sinanin maa o co sɔɔn toɲa le nda dimi a nɔm o kɔɔ le, kɛ mà sinà maa nɔm bɛɛ, o tɔŋ Moise-o coo n co kelaa ni.

Dɛnnda kiilaa 21:26

Diimandɔɔ, mí Pol kɔa a vanaa hiɔɔlua kan, mó tosa faleŋii dindiannde nda ndaa. O kon kɔɔli, mó kɔa o Cɛi-Hala-o, mó dimul nda telenndo a palɛi dindin kon va cuvɔɔ-e, kon co ni maa telen vana-vana oo bɛnda le sálàá solio-o.