Nsaŋ 11:51 - BII BILA

⁵¹ Nduyɛ, o ve o ndu pila nin te ndóò dimi sɔɛi ken te, kɛ le tùú o va vɔsi kon bolle vanaa-solia-lasálàá-o, mó dimi sɔɛi ndíì hun tosannin o siɔdii lacio nin-nde, maa Yeesu ndóò bɛnda mì ndóò sɔla piɔ́mndo le lɛŋnden.

Nsaŋ 11:51 Referans Kwoze

Daniɛl 9:26

O lɔ́ɔ́la belaŋɔmpum a latiɔn ndan kɔɔli, vana nda pɔla pɔla diandaa-o kialunnin. Vana-vana venin le ndu le, yungu simlacinɔ co hunɔɔ-o tɛɛmbuunin kobio a cɛi-diandaa. Kɛ piɔ́mndo hinulnin simlacinɔ kon súlùlù maa o kpundɛ kɔltuw Hala-o nin. O kelun maa háá o mɛɛlulan ndɔlan, o tosanin cɔwvo, mò tɛɛmbuu ɲɔɔn taw.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

1Samiɛl 23:9

David sinaa maa Saul va bɛɛndianndo le ndu dɛnɛ vɔɔndo tosallo, mó dimul Abiatar vana-solia-lasálà aa: «Hun a doma ifalen solia lasálàá.»

Fulaa 28:30

O kon, a vow urim a tumim o doma-lapow-iyama kon nin. Mì lan bɛɛ la va o takpa Aarɔn-ndo coo lɔ́ɔ́-lɔ́ɔ̀ o luɛi pɛ ya Mɛlɛka o hɔl. La va pɛ ndu o takpa, la cɔm ndu yaman ya vanin kiolɔɔ o sɔɔn Israɛlla nin-ndon.»

Kalatea 3:13

Krista soli naa o danga tɔŋndo bɛngu, le tùú danga naa muungu ndu coo-o, kani o co o sɛvaa aa: «Dangaa co le vana-vana nda baŋ pɛ o yɔmndo coo.»

1Korɛntea 13:2

Hali i sɔla bɛɛ vallo le diom Hala-o tɛɛnguuo, mì sínà dɛnnda kɔndɔfiltan kpow, mì nɔ dɛnɛ sinaa kpede, i nɔ vɛlɛ bɛɛ laalanndo háá mì faŋa pembon o fonda n co-o, te i nɔ kaola o kɔl te, mɛɛ i co ɲɛ-ɲɛ le.

Nsaŋ 10:15

maa mɛɛ Pua sina ya, mí ya i sina Pua yɛ, mí yɔngu yoomu nuu le saa nia.

Matie 20:28

Lende Po vanacieo hin ni. O hín mì vana tosal ndu baala le, kɛ le vannda baalaa tosallo a le yoomu ndɔɔ yɔngoo le vanaa bɔɔ-bɔɔ baŋaa.»

1Samiɛl 28:6

Mó ɲuna Mɛlɛka, kɛ Mɛlɛka mulul ndu le, o mulul ndu o lɔma sɔlaa nin te, o mulul ndu o urim nin te, o suu o vanaa-tɛɛngaa-diom Hala lo le ndu sɔɛi ken dimul te few.

Kundalan 24:2

Mɛɛ o tofa, mó ca Israɛlla icali a kundalan o dɔ́ɔ́ngɔ́ɔ̀ nin. O kon, mí Kɔl Hala-o toal ndu coo.

Kundalan 22:28

Mí Mɛlɛka kumbi dɔ́ɔ́ sofelɔɔ sondoo, mó soaa, mó ɲuna Balaam aa: «Yɛɛ nɛ ya tosal-lɛ nɔm má lɔaa ya háá bɛmbɔɔ le yaa?»

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Nsaŋ 11:49

Mí vana pilɛ o nda tɛɛn, Kaif va vɔsi kon bolle vanaa-solia-lasálàá-o dimul nda aa: «La co ɲɛ-ɲɛ bila biyɔɔ le.

Nsaŋ 18:13

Má kɔa fɔlɔn a ndu o Anɛɛ lo. Kani Anɛɛ kon va lefoo Kaif va vɔsi kon bolle vanaa-solia-lasálàá-o ni.

1Nsaŋ 2:2

Kani ndu pila solin sálà le hakila naalan faŋaa ni. O co ka le la naalan te, kɛ le la ceendo kpede.