Nsaŋ 11:44 - BII BILA

⁴⁴ Mí vana vílɛ́i kon fula, pelon a balan va ndu la yiyaalan a kolala n'pɛngɛlan, hɔlla va ndu a simbulaa a fengbɔɔ. Mí Yeesu dimul nda aa: «La tiimbuu ndu, mì la mal ndu, mò kɔɛ.»

Nsaŋ 11:44 Referans Kwoze

Nsaŋ 5:25

I co niaa toɲaa dimul kpendekele, telen pum co tiiya, o tiiyaa koni o co yɛ nin nuaa ni, mì vanvílɛ́iya tuei Po Hala-o diom, nduyɛ vanaa tueinin ndu kan diom-nda a vanin yoomu.

Nsaŋ 20:7

a kola ndáà handu Yeesu o bollen coo-o, o ve nɛɛ pilɛ a kolala n'pɛngɛla lan te, o va o tuituiyaa o kɛsiaa landɔ teengen.

Filipea 3:21

Ndu mangalanin kɔɔle naale dɛnɛ palaalen ni, mò mingi len maa kɔɔle ndɔle biilaa len, a kpaaya bɛndu o nɔ le ɲɛ-ɲɛ fee lueinɔnndo ndu o ba bɛngu-o.

Nsaŋ 10:30

Naa Pua, ɲɔɔ ndu pilɛ kpé naa n co ni.»

Nsaŋ 5:21

Kani mɛɛ Fuɲaa tindi vanvílɛ́iya má muungu yoomu yɛ, lende koni Poo bɛɛ yɔngù vanà o yeema-o yoomoo ni.

Luke 7:15

O kon, mí vana vílɛ́i kon cal, mó kandu sɔɛi. Mí Yeesu mingi ndu kala ndɔ o ba.

1Samiɛl 2:6

Mɛlɛka yɔngù piɔ́mndo ni, ndu koni yɔngù yoomoo ni. Ndu tuisi vana ciee-piɔ́m ni, ndu koni soli vɛlɛ vana ciee-piɔ́m ni.

O Kandɔɔ 1:3

Mí Hala dimi aa: «Ɲɔ́ɔ́ téngá!» Mí ɲɔɔ tèngà.

Dɛnnda cɔɔmuanndan 1:18

I co yoomu. Yáà vi, kɛ tofa vɔ, i co yoomu le fɛɛn a fɛɛn. Kiin piɔ́mndo co ya o ba, kiin ciee-piɔ́mndo pɛɛn.

Nsaŋ 19:40

Má cua dialun Yeesu-on, má simbul mun o kolala n'pɛngɛlan nin a ɲɛm cun kɛndɛn mun latulu, maa mɛɛ naamu Yuifia va le vanvílɛ́iya kumbɔɔ yɛ.

Marke 5:43

Kɛ mí Yeesu dimul nda ndi kpendekele maa vana-vana sina dɛnɛ yɔŋnun-ndo le. O kon kɔɔli mó dimul nda le cuaambɔɔ ɲɛdiaa keo.

Osee 13:14

I baŋanin nda mì soli nda ciee-piɔ́m, i solinin nda o kpòndò piɔ́mndo bɛngu. Òó piɔ́mndo! Ɔ́ɔ̀ ɲɛm cɔvun n tiindan-ndon? Òó ciee-piɔ́m! Ɔ́ɔ̀ kpaaya nɔm tɛɛmbua? I tofa lɛnin nda mì ɲíí bii ya le.

Condii lisai 33:9

Kani o soo pɛ, sɔɛi ken peelun, o dimi dɔ́ɔ́ pɛ ɲɔɔ tosan.

Nsaŋ 20:5

Mó tundun le tofaa, mó ca kolala fengbɛlan la kɛsiaalan lɛŋ, kɛ o luei le.

Nsaŋ 11:39

Mí Yeesu dimi aa: «La faŋa powvo.» Mí Mari yemaa langbanɔ vi kon-ndo dimul ndu aa: «O co nin cunndo fulaa, kani palɛi hiɔɔlu co nihau hoo ni.»

Luke 19:20

Mí o pillo hun, mó dimi aa: ‹Vana bɛndoo, má cè sianii nɔmnde. Á kolaa yáà simbulu ndi ni, mí manda ndi kpáŋ.

Nsaŋ 11:43

Ndóò ciiyo dimio lende, mó yonda a diom bɛndoo aa: «Lasar, fula!»