Bolle vanaa-solia-lasálà naa n nɔ-o nɔ ɲíí nɛi. Kani fúú le, o sínà maa n nɔ kpaaya le. Kani ndu bɛɛ mó sɔla tɔɔndanndan o nɛi oo nɛi coo mɛɛ naa n co tɔɔndanndan sɔlaa yɛ, kɛ o tosa haki kɛ́-kɛ̀ le.
Vana vannda ndáà pɛɛsa ma kɛɛ-o o va ni, vana ɲɛ kindilaa o va ni, vana dema sangaa sɔla-o o va ni. Maa vana vannda feŋal hɔlla-o o va ni, ndáà tɛɛndan ndu bɔɔ, ndáà ci ndu ɲɛ-ɲɛ le.
Te la yeŋ nilan o kanalanndo ho le, i caŋnin o vionnɔnndo nin le yonga niaa bɛndoo. Hɔlta nilan la tuisinin mɛmɛan taw-taw, kani a co kɔlan a kunda cɔlua Mɛlɛka-a o biyɔɔ nin.
«Sɔɛi n dimulnin nda-e co hee ni aa: Paalen a ɲumndan mɛmɛan ma co ya tolɔɔ kongilan, kani dɛnɛ palaa vɔɔn-vɔɔndo tol vanaa nia coo, a yɔŋulun yɔŋulɔn nɛyaa bɛndu singu loo.
O sangala ndalan kpede nin, (sangala yɔŋnun maa ɲɛ kindilaa hali le ndu pila lan), mí Mɛlɛka nɔ co ndu o hɔl-lo ciindiaa nda. O kaola ndɔɔ a o ɲíí ndɔɛi nin, mí ndu pila baŋa nda, mó mala nda, mó siilun nda o palɛi hiow paandu-e kpow nin.
Mí Yosɛf fula a kiltan, kani mɛɛ o ce pɔmbɔ ndɔ, mí mɔnɛi bii ndu, mó nuwviaa fondaa le kɔlan caŋndo, le mɛmɛma va ndu o hɔl-lan tuisio, mó luɛi o cɛi ndɔ lalɔllo nin, mó koŋul.
Le kɔlɔɔ ho ya co caŋndo ni, mì hɔlta nilan la va mɛmɛan tuisio. Kani vana kon faŋan ya ikɛi polon, vana ɲɔɔlaa óò lueinin ya yoomuan-ndo. Poaa nia laasian kɔltan, kani yaamɔɔ hiow nda mayoomu.
Vannda va sɔɔn mun yaŋnɔnndo, mí Yeesu dimul nda vɛlɛ taloo. Nduyɛ, o va Yerusalɛm macɛlu, a va yiyanndo maa Masale Hala len le va hunɔɔ cɔmnɔn o telen kon.
