Nsaŋ 11:24 - BII BILA

²⁴ Mí Marte mulul ndu aa: «I sínà maa o muungunin yoomu o paale mɛɛlaalen.»

Nsaŋ 11:24 Referans Kwoze

Dɛnnda kiilaa 24:15

Tiindan nda tiindan Hala ndaa-o koni ya bɛɛ nɔ ni, maa vanaa sandaa a vanaa sendu le-a kpow a muungunin yoomu.

Esai 26:19

Kɛ vanvílɛ́yaa nɔmnda muungunin yoomu, dialun vanaa nɔmaa vi-a n tendulnin! La tendul, la yɛkɛlan a kɔlkɛndɔɔ, niaa co o cundoo nin o lɛŋnden bɛngu-a! Kani mɔ́m mingi yoomoo-o mɔ́m nɔmndo co ni. Lɛŋnden le minginin vanaa vi-a yoomu ma ce paalen.

Luke 14:14

O kon, a sɔlanin duaa, kani a tiwnin ba nɔm mingullo le. Kani kon mingulunnin nɔm paale vanaa tosa dɛnɛ sandaa-a muungunin yoomu fulaa vanvílɛ́iya tɛɛn-nden.»

Osee 13:14

I baŋanin nda mì soli nda ciee-piɔ́m, i solinin nda o kpòndò piɔ́mndo bɛngu. Òó piɔ́mndo! Ɔ́ɔ̀ ɲɛm cɔvun n tiindan-ndon? Òó ciee-piɔ́m! Ɔ́ɔ̀ kpaaya nɔm tɛɛmbua? I tofa lɛnin nda mì ɲíí bii ya le.

Osee 6:2

O minginin naa yoomoo o n'dial o palɛi ndii ŋiin bɛngu. O paale yàándɔlen coo, o minginin naa a kiyɛi, mì n muungu yoomu ndu o hɔl.

Condii lisai 17:15

Kɛ ya ya, i canin hɔlaa nɔmnda o sandei nin, tuma ya tiandunin-ndo, i tofanin nɔm háá mì pim.

Esai 25:8

Mɛlɛka tɛɛmbuunin piɔ́mndo le fɛɛn a fɛɛn. Maalii Hala vɔɔsuunin vannda kpow mɛmɛan o lahɔl. O faŋanin siɛmbula bɛɛtambɛila vanaa ndɔa o lɛŋnden kpow coo. Mɛlɛka soo lende ni.

Hebreea 11:35

Mí vanlaandua pum a ca vanvílɛ́yaa ndaa muungoo yoomu, má can fulaa o piɔ́mndo nin. A saangiaa a pum saangiaa piɔ́mndo, kɛ a cɛl mì vana baŋa nda le, haliko mi ndáà sɔla yoomu hiow naŋɔɔ-o o piɔ́mndo kɔɔli.

Nsaŋ 6:39

Nduyɛ, hɛnan vana vem ya-o co hoo ni, maa vana-vana hialun ya o vanaa o ke ya-a tɛɛn te, kɛ mì tindi nda, mà muungu yoomu o paale mɛɛlaa len.

Nsaŋ 6:40

Hɛnan Fuɲa nuu co kon ni, maa vannda kpow a mulul Poo hɔlla, mà laalan ndu, mà sɔla cinda fɛɛn-fɛɛndo. Ya yɛ, i minginin nda yoomu fulaa vanvílɛ́iya tɛɛn o paale mɛɛlaa len.»

Nsaŋ 11:23

Mí Yeesu dimul ndu aa: «Yema nɔm co muungu yoomu.»