Nsaŋ 11:2 - BII BILA

² Mari yɔŋnun vanalanɔ taaliaa Maalii cuɛima cun kɛndɛan o n'pelu, mó vɔɔsuu ndu pelon a yiiŋii ndɔɛi-yo ni, yema ndɔ va Lasar ni, ó va a naa-o.

Nsaŋ 11:2 Referans Kwoze

Nsaŋ 12:3

Mí Mari cua siani cuɛima báà kálà-kálàn mapum ma va nin-ndo, mó taaliaa man Yeesu o n'pelu. O kon kɔɔli, mó yiikpiaa ndu pelon a yiiŋii ndɔɛi. Mí cɛiyo pia cá a cun kɛndɛ cuɛima man.

Marke 14:3

Yeesu va Betani o Simɔn nàà siaŋaa va-o lo cɛinin. Tuma o va ɲɛdiaa dioo-o, mí vanalanɔɔ pum luɛi. Ndóò nɔ sianio pum o ba a cuɛima cun kɛndɛma báà kalan mapum lenin. Mó pial siani kon, mó taaliaa cuɛima man Yeesu o lebol.

Luke 7:13

Yeesu cɔu ndu, mí ɲííye bii ndu a ndu, mó dimul ndu aa: «Caŋ te.»

Luke 7:19

mó viam nda o Maalii lo le ndu ɲunaa aa: «Vɛ̀ɛ̀ nɔm co vana naa n tuei tɔ́ɔ́ le hunɔɔ-o ni baa o bɛnda mì n cum o celen?»

Nsaŋ 11:3

Mí vanlaandua va kan pɔmbɔɔ a bɛndoo-a viam vanndo le kɔlan Yeesu dimullo maa Lasar caan ndɔ kɔllo co a nàá.

Nsaŋ 11:21

Mí Marte dimul Yeesu aa: «Maalii, te nɔm óò va pɛ nanu, yema nuu ve vu le.

Nsaŋ 11:32

Mí Mari tiiya nɛɛ Yeesu va-a, ndóò cɔu ndu dɔ́ɔ́, mó del ndu o labɛngunin, mó dimul ndu aa: «Maalii, te nɔm óò va pɛ nanu, yema nuu ve vu le.»

Nsaŋ 13:13

La co ya veeloo aa: ‹Vana bɛndoo›, ‹Maalii›, la nɔ dí mì la veelu ya lende, kani ndu ya co ni.

Nsaŋ 13:14

Te ya co vana bɛndoo a Maalii-o pulu pɛ niaa pelon, mɛɛ niaa bɛɛ, o bɛnda mì la puuluan pelon vellaa-velle.