Nsaŋ 11:1 - BII BILA

¹ Mí langbanɔ nɔ diolan aa Lasar-o del a nàá. Betani, o ciee Mari nda Marte pɔmbɔ ndɔ-o o va ni.

Nsaŋ 11:1 Referans Kwoze

Nsaŋ 12:17

Mí vanaa va o hɔl-ndɔ lɔ́ɔ́ Yeesu veelu Lasar o sɛiyo nin, mó tindi ndu vanvílɛ́iya tɛɛn-nda tɛnda seilen a ɲɛ nda ce-o o kɔɔ.

Nsaŋ 12:9

Mí Yuifia sɛ́lɛ́ bɛndoo tuɛi maa Yeesu va Betani lon. Má hun le Lasar Yeesu mingi yoomu fulaa vanvílɛ́iya tɛɛn-ndo cɔu, o ve ko le Yeesu cɔu daama le.

Nsaŋ 11:11

Ndóò ciiyo sɔɔn mun dimio, mó dimul nda aa: «O lɔan Lasar caan naa co ni, kɛ i co lakɔ ndu tindi.»

Matie 21:17

O kon mó mɛi nda, mó faŋan ciee lon, mó kɔannun Betani, mó kɔ lɔl lon.

Dɛnnda kiilaa 9:37

O telen kon, mó del a nàá, mó vu. Ndáà ciiyo ndu pulɔɔ, má kɔ kɛsi ndu cɛinin o cɛi coocoo nin.

Nsaŋ 11:3

Mí vanlaandua va kan pɔmbɔɔ a bɛndoo-a viam vanndo le kɔlan Yeesu dimullo maa Lasar caan ndɔ kɔllo co a nàá.

Marke 11:1

Ndáà kandɔɔ tiiyaa Yerusalɛm, o co Bɛtfasee a Betani ikɛi-yo, a kpengii Pembei olivie, mí Yeesu viam kaandeŋaa ndɔa nda ŋiɔn, mó dimul nda aa:

O Kandɔɔ 48:1

Dɛnnda lan hiovɔɔ, má kɔ dimul Yosɛf maa Yakɔb fuɲa ndɔ co a nàá. Mí Yosɛf cua poaa ndɔa ŋiɔnda, Manase nda Efraim, mó kɔa lon a nda.

Nsaŋ 11:18

Nduyɛ Betani ve Yerusalɛm levil te, o va le tiŋ kilola yaa.

Nsaŋ 11:19

Yuifia taw a va hunɔɔ o Marte a o Mari lo, le nda yilɔɔ biisi yema nda-o.