Nsaŋ 10:4 - BII BILA

⁴ O cii pɛ a ndɔa soli kpede, o sim nda laci le kɔlan, a del ndu kɔɔli, kani a sina ndu diomndo.

Nsaŋ 10:4 Referans Kwoze

Tɔŋ miingua 1:30

Mɛlɛka Hala niaa, o co kɔlan niaa laci-o, ndu pila cɔlɔbanin le niaa mɛɛ o cɔlɔba Esipte le niaa niaa pila kpow o hɔl-lɛ,

Nsaŋ 10:16

I nɔ vɛlɛ saa celen, nda co vɔ o hèéo ho nin te, nda bɛɛ, mɛɛ mì hin a nda. A tuɛinin ya diom, kundaa ndu pilɛ kpé nda vanin ni, vana mandaa vɛlɛ ndu pilɛ kpé.

Nsaŋ 12:26

Vana-vana yeema pɛ le ya baalaa tosallo, mɛɛ mò del-la kɔɔli. Nɛɛ ya co pɛ, vana baala nuu bɛɛ bɛnda mò va lon. Fuɲa nuu biilunin vana ni baalaa.»

Nsaŋ 18:37

O kon mí Pilate ɲuna ndu aa: «Mɛɛ masaa n co lekɛ́ndɛi ni?» Mí Yeesu muli aa: «Nɔm pila cii dimi, masaa ya co ni. Lelan ya velun ni mí hun o ceendo coo, haliko mi tɛnda seile toɲalen. Vana-vana yeema pɛ toɲaa, ndu bii sɔɛi nii ni.»

1Piɛr 2:21

Le ken kpeekpei niaa sɔla veeloo ni, kani Krista bɛɛ sanga le niaa mó mel niaa tɔɔmaseloo haliko mi la dem foofola ndɔlan.

1Piɛr 5:3

Ò va le kunda nda sɔɔ niaa o ba-o masalen tosaa coo a paa-kala le, kɛ le vaa tɔɔmasele kɛndɔɔ le nda.

1Korɛntea 11:1

La tuula ya mɛɛ ya bɛɛ co Krista tuulaa yɛ.

Nsaŋ 10:8

Vanaa hin ya tase-a kpow, vuiya a vanaa del vannda coo-a nda co ni, kɛ saa yeŋnun nda le.

Matie 16:24

O kon, mí Yeesu dimul kaandeŋaa ndɔa aa: «Vana yeema pɛ le ya hunɔɔ kɔɔli, mɛɛ o pɔɛɛnun a ndu pila, mò siilun yɔm singafilaa ndɔɔ, mò del-la kɔɔli.

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

Hebreea 6:20

Lon Yeesu luɛi naa tase ni, le dɛnɛ naa. Mó siŋnun bolle vanaa-solia-lasálàá le fɛɛn a fɛɛn maa Mɛlkisedɛk.

Efɛsea 5:1

Le tùú niaa co cuavaa Hala kaola-a-o, la kindin mì la tuula ndu o niinu niaa nin.

Nsaŋ 3:29

Vana co lanɔɔ cuaa sɛnɛi-yo, le ndu lanɔ sɛnɛi kon co ni. Kɛ te caaŋoo vana co lanɔɔ cuaa sɛnɛi-yo tuei pɛ ndu vana co kon lanɔɔ cuaa-o sɔɛi, ɲɔɔ hɛnan ndu taw. Lende koni ɲaale bɛndoo co ya o kɔl ni.

Condii kɛndɛ-kɛndɛi 2:8

«Diom vanapɔnɔ ya kaola-o ya co tueyɔɔ ho ni. Tofa vɔ ndu, ndu co hunɔɔ nuaa ni. Ndu co hunɔɔ a huuloo o pembon coo nuaa ni, ndu co icilian-ciliannde o pembun pɔmbɔn coo nuaa ni.

Nsaŋ 13:15

Tɔɔmaseloo ya cɔm niaa ni, haliko mi la tosa mɛɛ ya tosal niaa yɛ.

1Piɛr 4:1

Lelan, le mɛɛ Krista sanga o falon nin yɛ, niaa bɛɛ ken va niaa o lakɔl, kani vana sanga pɛ o falon nin, ndu sɛyan a hakio,

Condii kɛndɛ-kɛndɛi 5:2

I va o malɔ, kɛ kɔl nuu va lahɔl. Diom vanapɔnɔ ya kaola-o co dioo lɔɔ nuaa ni. Ndu co dimio nuaa ni aa: ‹Kumbil-la dioo, yemanndo, caan ni laandoo, poonpoon nuu, tivɔnndo caan ni, kumbil-la dioo mbɔ̀! Kani mɔ́mndo kumbu ya bollen mɔku-mɔku, yiiŋii nii yiwnannde lindan lingili a pɔɔpɔɔma deli icɔl-lan.›

Nsaŋ 10:3

Vana co sondo hèéo cumullo-o kumbil ndu dioo, mí saa tuei ndu diomndo. A diola ndalan o veelu saa ndɔa ni, mó soli nda.

Nsaŋ 10:5

Kɛ a delnin vana nda sina loo kɔɔli le, ɲaanɔnndo polon nda ɲaanunnin ndu ni, kani a sina diom ndɔɔ le.»

Nsaŋ 10:27

Saa nia tuɛi ya diom. Ya, i sina nda, a co ya kɔɔli.