Nsaŋ 10:33 - BII BILA

³³ Mí Yuifia mulul ndu aa: «O co le dɛnɛ le naa n co nɔm viiyo a powtan te, kɛ le sɔɛi tanai n dimi-e, kani a cii siingɔn Hala, nɔm vanacieo!»

Nsaŋ 10:33 Referans Kwoze

Nsaŋ 5:18

Le diom o dimi kon-ndo, mí Yuifia can nɛilan nuwviaa le ndu diyɔɔ, o co vɔ le tùú o va tɔŋ paale pɛngiaa tɛɛmbuuo-o le, kɛ le tùú o va dimio-o maa Hala co Fuɲa ndɔ kpeekpeiyo ni, mó va ndu pila siingɔnndo Hala-o.

Tɔŋ lasálàá 24:16

Vana-vana soo pɛ diomnde vɔɔnnden a diola Mɛlɛka lan, vana kon bɛnda mò sɔla piɔ́mndo kangalan. Israɛlla kpow a lonin ndu viiyo a powtan háá mo vi. Vana kon va bɛɛ mial hin calle Israɛlla o bɛngu coo-o, o va vɛlɛ bɛɛ Israɛlnɔ pilacieo, o bɛnda mò sɔla piɔ́mndo le diomnde vɔɔnnde o soo a Hala len.

Nsaŋ 10:30

Naa Pua, ɲɔɔ ndu pilɛ kpé naa n co ni.»

Filipea 2:6

Ndu co ɲɛ pilɔɔ a Hala-o, o kungulan siimian o siimian nda Hala-o coo le.

Rɔmnda 13:1

Vana-vana bɛnda mò tuisin simlacia lebolla o labɛngunin, kani masale kɛ́-kɛ̀ co le, le kɛɛ fula Hala o ba len. Simlacia co-a, ndu kɛsi nda ni.

Condii lisai 82:6

Le hee ya dimi ni aa halaa niaa co ni, niaa kpede. Niaa poaa Ó-Hiow-Ɲɔɔn-Kpow-vo-a pɛɛn.

1Masaa 21:10

O kon mì la kɛsi ndu vanaa fondoa nda ŋiɔn laci, mì vanaa kan ɲiinduu ndu còòlan coo aa o dimi sɔɔn tanan a Hala a á masaa. O kon kɔɔli, la soli ndu o cieo kɔɔli, la kɔ vii ndu a powtan háá mo vi.»

Tɔŋ lasálàá 24:14

«La kɔ a langbanɔɔ ho o dɔ́ɔ́ngɔ́ɔ̀ kɔɔli, mì vanaa tuei ndu diomnde vɔɔnnden dimio a ya Mɛlɛka-a handu ndu balan o lebol, mì Israɛlla kpow lo ndu viiyo a powtan háá mò vi.

Nsaŋ 10:24

Mí Yuifia balu ndu, má dimul ndu aa: «Haa telen kuɛɛ kɔltan la lo yɛnin naa la landaa nuaa? Te nɔm co Krista ni, mɛɛ dimul naa kpendekele.»

Nsaŋ 10:32

O kon mí Yeesu dimul nda aa: «I tosa dɛnnda kɛndɛkɛndɛla Pua cɔm ya lan taw niaa o hɔl. O dɛnnda lan nin, le dɛnɛ kuɛɛ niaa yeema yɛ le ya viiyo a powtan mì la dii ya?»

Nsaŋ 19:7

Mí Yuifia muli aa: «N nɔ tɔŋndo, o tɔŋ naa kon nin, o bɛnda mò sɔla piɔ́mndo, le siingɔn o siingun ndu pila Po Hala-o-o.»