Nsaŋ 10:32 - BII BILA

³² O kon mí Yeesu dimul nda aa: «I tosa dɛnnda kɛndɛkɛndɛla Pua cɔm ya lan taw niaa o hɔl. O dɛnnda lan nin, le dɛnɛ kuɛɛ niaa yeema yɛ le ya viiyo a powtan mì la dii ya?»

Nsaŋ 10:32 Referans Kwoze

1Nsaŋ 3:12

N tosan maa Kaɛn te, le vana Vɔɔndo ndu va ni, mó dii pɔmbɔ ndɔ. Le yɛɛ kpeekpei o dii yɛ ndu? Le mɛɛ dɛnnda ndɔlan láà vɔw, mí la pɔmbɔ ndɔlan láà sandu yɛ.

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

Dɛnnda kiilaa 2:22

Niaa Israɛlla, puapilɛa nia, la yaŋ nilan o sɔɔn mun! Yeesu fula Nasarɛt-o, langbanɔ kon Hala cɛl ndu niaa tɛɛn o dɛnnda kaamaalan nin, o dɛnnda kɔndɔfiltan nin a o tɔɔmaselela o va tosaa niaa tɛɛn-ndan nin, maa mɛɛ niaa sina kon válán yɛ.

Nsaŋ 10:37

Nduyɛ te i tosa dɛnnda Fuɲa nuu le, la laalan ya le.

Nsaŋ 5:36

Nduyɛ ya, seile nilen le hiow polon a le Nsaŋ-nden, kani hali dɛnnda Pua cɛl-la le tosaa mì va lan tosaa lan bɛɛ la cɔm maa Pua vem ya ni.

Matie 11:5

vanaa sumɛiya co cɔu, vanaa bɛvɛiya co cɔnɔnndo mà va kelaa, vanaa nàà siaŋaa co siongɔɔ, vanaa nila baŋulɛiya co tueyɔɔ, vanvílɛ́iya co muungoo yoomu, Yoongu Kɛndɔɔ co vanaa bala fondoa tiiyalanndo.

Vana Kɔlkaloo 4:4

Mí dɔaw vɛlɛ taasi maa o co fondo le vannda co sangaa le, a yeema ma hiow caanda. Sanga fondoo fúú co vɛlɛ kon ni, ɲɛ fondoo kiltan kɔɔli pɛɛn.

Condii lisai 35:12

I co nda kɛndɛi tosal-lo, mì nda va ya dɛnɛ vɔɔndo mingullo, i lo ya pilɛ kpé.

Nsaŋ 10:25

Mí Yeesu mulul nda aa: «I dimúl nin niaa ndi, la co laalan te. Dɛnnda ya co tosaa o diola Fuɲa nuu lan la co seilen tɛndaa a ya o kɔɔ.

Yeremi 37:18

O kon mí Yeremi ɲuna masaa Sedekia aa: «Sɔɛi yɛɛ ya tɛɛmbuu yɛ a nɔm, te kon te a simlacia nɔmnda te kon te a vanaa co o kobio ho nin-nda, mí la mal-la o kaasoo?

Nsaŋ 10:31

Mí Yuifia cɔwviaa vɛlɛ powtan le ndu viiyo.

Nsaŋ 10:33

Mí Yuifia mulul ndu aa: «O co le dɛnɛ le naa n co nɔm viiyo a powtan te, kɛ le sɔɛi tanai n dimi-e, kani a cii siingɔn Hala, nɔm vanacieo!»