Nsaŋ 10:31 - BII BILA

³¹ Mí Yuifia cɔwviaa vɛlɛ powtan le ndu viiyo.

Nsaŋ 10:31 Referans Kwoze

Nsaŋ 8:59

O kon, má cua powtan le ndu viiyo. Kɛ mí Yeesu viannun, mó fula o Cɛi-Hala-o nin.

Nsaŋ 5:18

Le diom o dimi kon-ndo, mí Yuifia can nɛilan nuwviaa le ndu diyɔɔ, o co vɔ le tùú o va tɔŋ paale pɛngiaa tɛɛmbuuo-o le, kɛ le tùú o va dimio-o maa Hala co Fuɲa ndɔ kpeekpeiyo ni, mó va ndu pila siingɔnndo Hala-o.

Nsaŋ 11:8

Mí kaandennda dimul ndu aa: «Kɔɔfa, pɛi sun Yuifia va nɔm nuwviaa le nɔm viiyo a powtan le nɔm diyɔɔ ni, vɛ̀ɛ̀ a yeema vɛlɛ mà muungu lon?»

1Samiɛl 30:6

Mí mɔnɛi bii David taw, kani vannda va ndu kɔngɔlanndo le ndu viiyo a powtan, le mɔnɛi va nda le poaa ndaa a le cuavaa ndaa laandua-e. Kɛ mí Mɛlɛka Hala ndɔɔ luei ndu yoomuan.

Fulaa 17:4

Mí Moise koŋul o Mɛlɛka lo, mó dimi aa: «Yɛɛ ya tosá yɛ́ mì vannda ha ɲulul kɔl? O lo cɔɔlu cobe mà vii ya a powtan, mà dii ya.»

Dɛnnda kiilaa 7:52

Fuɲaa niaa mamaa lekɛ́ndɛi niaa vel ni! Vana-tɛɛngaa-diom Hala kon co le, o fuɲaa niaa mamaa kɛɛ yɛlen tollo. A cii vanaa va sɔɛi a hunɔɔ vana sandaa ndu pilɛ kpé dimio-a diw. Sunsun yɛ niko, niaa bɛɛ cii ndu baa kei o mundu, mí la dii ndu.

Matie 23:35

haliko mi dɛnɛ piɔ́m vanaa tɛɛmbuu isɔɔ le-a del niaa o lebol, vanaa nda diw o lɛŋnden coo-a pɛɛn. Kandɔɔ a piɔ́m Abɛl vana sandaa-o, kɔ bii háá a piɔ́m Sakari, po Berekia-o-o, ò niaa dii Cɛi-Diandaa a fonda-loamaa-lasálàá tɛɛn-ndo.

Matie 21:35

Kɛ mí vanaa tósà baalaa o nakɔ n'rɛsɛnndo nin-nda bii buɛyaa ndɔa kan, má lɔaa o pilɛ, má dii o pilɔɔ, má vii o yàándɔɔ a powtan.

Matie 12:14

Mí Faliisia fula, má kɔ tundu le mɛɛ nda kei má dii Yeesu yɛ.

Nsaŋ 1:19

Seile Nsaŋ-nden le co len ni, telen Yuifia lo Yerusalɛm má viam vanaa-solia-lasálàá a leviia le ndu Nsaŋ kɔlan ɲunaa-o aa: «Nɛ̀ɛ̀ kpeekpei nɔm co yɛ?»

Nsaŋ 10:24

Mí Yuifia balu ndu, má dimul ndu aa: «Haa telen kuɛɛ kɔltan la lo yɛnin naa la landaa nuaa? Te nɔm co Krista ni, mɛɛ dimul naa kpendekele.»

Nsaŋ 10:32

O kon mí Yeesu dimul nda aa: «I tosa dɛnnda kɛndɛkɛndɛla Pua cɔm ya lan taw niaa o hɔl. O dɛnnda lan nin, le dɛnɛ kuɛɛ niaa yeema yɛ le ya viiyo a powtan mì la dii ya?»