Nsaŋ 10:30 - BII BILA

³⁰ Naa Pua, ɲɔɔ ndu pilɛ kpé naa n co ni.»

Nsaŋ 10:30 Referans Kwoze

Nsaŋ 14:9

Mí Yeesu dimul ndu aa: «O co lɛhau le naa n co latulu naa niaa le Filipe, yee a kon kpede a sina vɔ ya le? Vana ce ya pɛ, mɛɛ Pua o ce lende ni. Le yɛɛ n co yɛ vɛlɛ dimio aa: ‹Cɔm naa Pua›?

Nsaŋ 5:23

haliko mi vannda kpow a biilu Poo mɛɛ nda co Fuɲaa biiloo yɛ. Vana biilu Poo le, mɛɛ o biilu Fuɲa vem ndu-o le.»

Matie 28:19

La kɔ mì la siinguu vanaa-mangalaa-isɔɔa súúlan kpow kaandennda, mì la yin nda o diola Fuɲaa, Poo a Kɔl-Diandaa,

Nsaŋ 14:23

Mí Yeesu mulul ndu aa: «Te vanndo kaola ya pɛ, o biinin sɔɛi nii, mì Fuɲa nuu kaola ndu. N hunnin o vana kon-ndo, mì n kila calta naalan o ndu lo.

Nsaŋ 8:58

Mí Yeesu dimul nda aa: «I co niaa toɲaa dimul kpendekele, lɔ́ɔ́ pá mi Abraham fula, ya i va nin.»

Nsaŋ 5:17

Kɛ mí Yeesu dimul nda aa: «Haa hau, Fuɲa nuu co hiovɔɔ laci a vallo tosaa, ya bɛɛ i co vallo.»

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Tite 2:13

Nuaa naa n bɛnda ni mì n cum palɛi naa n co tiindanndo-e, a paale biilu Hala naa bɛndoo, a Yeesu Krista Vana naa ciindiaa cɔmnunnin-nden.

Nsaŋ 17:10

Ɲɛ-ɲɛ co pɛ le ya, le nɔm o co ni, ɲɛ-ɲɛ co pɛ le nɔm, le ya o co ni. O nda nin ya co biiloo sɔlaa ni.

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

Nsaŋ 16:15

Ɲɛ-ɲɛ Pua nɔ, le ya o co ni, lelan ya dimi ni maa sɔɔn o tuɛinin ya o sondo-on o tɛɛngulnin niaa ni.»

1Nsaŋ 5:7

Seiya nda yáá co seilen tɛndaa ni:

Tɔŋ miingua 6:4

La yaŋ nilan, niaa cuavaa Israɛlla, Mɛlɛka Hala naa ndu pilɛ kpé co Mɛlɛka ni.

Nsaŋ 10:29

Fuɲa ni ke ya nda-o, ndu hiow ɲɔɔn kpow. Vana-vana nɔla nda hiɔlɔɔ Pua o ba le.

Nsaŋ 10:36

Ya yɛ, Hala hɛli ya ni, mó cuu ya o ceendo coo. Le yɛɛ niaa co yɛ niko dimio maa i yei ndu Hala, kani i dimi maa ya co Po Hala-o ni?