Nsaŋ 10:29 - BII BILA

²⁹ Fuɲa ni ke ya nda-o, ndu hiow ɲɔɔn kpow. Vana-vana nɔla nda hiɔlɔɔ Pua o ba le.

Nsaŋ 10:29 Referans Kwoze

Nsaŋ 6:37

Vanaa kɛ́-kɛ̀ Pua ke ya pɛ, nda hunnin o ya lo, i solinin vɛlɛ vana hin o ya lo-o o dio le,

Nsaŋ 17:9

Le nda ya co nɔm piɛiyo ni. O co le ceendo le ya co piɛilen te, kɛ le vanaa n ke ya-a, kani le nɔm nda co ni.

Nsaŋ 17:2

maa mɛɛ n ke ndu kpaayaa ɲɔɔn kpow coo yɛ, haliko mo ke vanaa n ke ndu-a kpow yoomu fɛɛn-fɛɛndo.

Nsaŋ 14:28

La tuei, mí dimul niaa maa i co lakɔnnɔn mì muungu niaa o ibuŋ. Te la kaola ya pɛ, mɛɛ la dɔawnunnin ɲaale le kɔla ya co o Pua lo lan, kani Pua hiow ya vaa o bɔɔ ni.

Nsaŋ 17:6

I cɔm vanndacieea n cua o ceendo nin, má sɔaa ya o ba-a diola nɔmndan. Le nɔm nda va ni, má ke ya nda, má bii sɔɛi nɔmnde.

Nsaŋ 17:11

I co lɛ va o ceendo coo le, kɛ nda co vɔ va o ceendo coo. Ya i co hunɔɔ muungu o nɔm ndo. Fuɲa ni diandaa, manda nda o diola nɔmndan, diola n ke ya lan, haliko ma va ɲɛ pilɛ maa mɛɛ naa n co ɲɛ pilɛ naa ŋiɔn yɛ.

Malasi 1:14

Dɛnɛ palaa co le vana kon, ó nɔ saa kóndóa kɛndɛ-kɛndɛa o cɔlua ndɔa tɛɛn, kɛ mó mɛi kan, mó kɔ bii o ɲavɛiyo le ndu ya sálàá solullo-o! Dɛnɛ palaa co le vana kon, kani Masa bɛndoo ya co ni. Vanaa-mangalaa-isɔɔa kpow a nɔ siòònde a diola nilan. Mɛlɛka-Nɔ-Kpaayaa-Kpow-vo dimi lende ni.»

Fulaa 18:11

I sina nihau maa Mɛlɛka hiow halaa kpow ni, kani ndu pila cɔm kpaaya ndɔɔ telen Esiptea va Israɛlla bɛpɛlaa-o.»

Daniɛl 4:3

Mí yɔngu diomndo le ya vanaa kɔlkalua o lɛŋnde Babilɔn-nden nin kpow cuuo, haliko mi ndáà cɔm ya kɔlɔ lɔma yáà sɔl man-ndan.

Condii lisai 145:3

Mɛlɛka co o bɔɔ, mɛɛ mì vana lisa ndu, vana tiwba bɔɔbɔɔyɛi ndɔɛi sinaa le.

Nsaŋ 10:28

I yɔngu nda yoomu fɛɛn-fɛɛndo. A vinin lɔ́ɔ́-lɔ́ɔ̀ le, nduyɛ vana-vana solinin nda ya o ba le.

Nsaŋ 10:30

Naa Pua, ɲɔɔ ndu pilɛ kpé naa n co ni.»