Nsaŋ 10:28 - BII BILA

²⁸ I yɔngu nda yoomu fɛɛn-fɛɛndo. A vinin lɔ́ɔ́-lɔ́ɔ̀ le, nduyɛ vana-vana solinin nda ya o ba le.

Nsaŋ 10:28 Referans Kwoze

Nsaŋ 6:37

Vanaa kɛ́-kɛ̀ Pua ke ya pɛ, nda hunnin o ya lo, i solinin vɛlɛ vana hin o ya lo-o o dio le,

Hebreea 7:25

Lelan, Yeesu nɔ kpaayaa le vanaa tiindan ndu le sɔɔnguuo Hala ikɛi-ya ciindiaa le fɛɛn a fɛɛn. Kani o co yoomu le lɔ́ɔ́-lɔ́ɔ̀, o tiwba mo va lɔ́ɔ́-lɔ́ɔ̀ Hala ɲɔɔloo le nda.

Rɔmnda 8:29

Kani vanaa Hala síná paandu pa-a, nda o toosiaa le siŋnɔnndo maa velan Po ndɔɔ ni, haliko mo va Po tasoo puapilɛa taw tɛɛn.

Nsaŋ 18:9

Hee yɔŋnun haliko mi sɔɛi ndóò dimi-e peelun aa: «Vanaa n ke ya va kpow, o pilɛ bɛɛ i mel te.»

Filipea 1:6

I nɔ laalanndo maa: Vana kandu vali kɛndɛ kon niaa o kɔl-lo lonin lecoo háá mò cii ndu o paale Yeesu Krista hunnin-nden.

Esai 54:17

Lelan, ɲɛ cɔw oo ɲɛ cɔw cɔwnun pɛ le nɔm delɔɔ coo, le nɔm dɛnɛ vɔɔndo tosallo, ɲɛ cɔw kon nɔnin mayoomu le kpeku oo kpeku soli le, vana-vana kɔɔsa pɛ a nɔm o fonda kialaa n'yamaa, a mulinin ndu kɔllo mò sina maa vana kɔlvesɛiyo o co ni. Lende kɛ́ vanaa baalaa Mɛlɛka-a co ni, lende dɛnɛ sandaa fula ya o ba le nda-o co ni, Mɛlɛka soo lende ni.»

1Nsaŋ 2:25

Ɲɛ o dimi le naa keo-vo co yoomu fɛɛn-fɛɛndo ni.

Nsaŋ 4:14

kɛ vana kol pɛ mɛmma ya co ndu yɔngu-an, kolɔɔ bii lɛnin ndu lɔ́ɔ́-lɔ́ɔ̀ le. Mɛmma ya co ndu man yɔngu-an ma siŋnunnin pee-lebollo ndu nin, mì mɛmma ndɔan ma kɔɛ háá o cinda fɛɛn-fɛɛndo nin.»

Rɔmnda 8:1

Yaala co lɛ le vanaa co o Yeesu Krista nin-nda le.

Yude 1:24

Biiloo co le Vana nɔla niaa kandaa la del too, haliko mi la hun fula ndu o hɔl a ɲaaloo, la sɔla yaalaa loo,

Nsaŋ 17:2

maa mɛɛ n ke ndu kpaayaa ɲɔɔn kpow coo yɛ, haliko mo ke vanaa n ke ndu-a kpow yoomu fɛɛn-fɛɛndo.

Nsaŋ 5:24

Mí Yeesu hiaw laci a nda dimullo aa: «I co niaa toɲaa dimul kpendekele, vana-vana tuei pɛ sɔɛi nii mò laalan vana vem ya-o, vana kon ndu sɔla cinda fɛɛn-fɛɛndo, o sɔla yaala le, kɛ o fula o piɔ́mndo nin, mó muungu yoomu.

1Nsaŋ 2:19

Naa n tɛɛn nda fula ni, kɛ a ve vanaa naa le, kani te ndáà va pɛ vanaa naa, a va lo latulu naa ndaa. Kɛ i tósan lende haliko mi n sínà maa vana-vana o nda tɛɛn co o naa le.

1Nsaŋ 5:11

Seile len le co len ni: Hala ke naa yoomu fɛɛn-fɛɛndo, o Po ndɔɔ nin yoomu kalaa co ni.

Yude 1:21

La lo o canyɛi Hala-e nin nanu a hunɔɔ Maalii naa Yeesu Krista-o, mò hun ke niaa yoomu fɛɛn-fɛɛndo a kɛndɛi ndɔɛi.

1Piɛr 1:5

le niaa co a mandaa o kpaaya Hala-o nin a laalanndo-a, le cinda co nin le cɔmnɔnndo ceen o telennda mɛɛlaalan-ndo.

Condii lisai 37:28

Kani Mɛlɛka kaola dɛnɛ sandaa, o mel vanaa lo o lediom coo-a le. O co nda mandaa lɔ́ɔ́-lɔ́ɔ̀, kɛ cuavaa vanaa kɔlvesɛiya ɲumnin bómbò.

Tɔŋ miingua 33:3

A toɲa, a kaola vannda, vanaa diandaa kpow a co o ba nɔmndo bɛngu. Nda kpow a co nɔm o labɛngunin, má va pɛɛkula nɔmndan tueyɔɔ.

Esai 45:17

Mɛlɛka o ba Israɛlla sɔla cindaa ni, cinda co le fɛɛn a fɛɛn-ndo. Le fɛɛn a fɛɛn, siɛmbula biinin niaa le, la tembunin labɛɛ le.

Nsaŋ 11:25

Mí Yeesu dimul ndu aa: «Ya co tendul vanvílɛ́iya a yoomoo ni. Vana laalan ya pɛ, o vanin yoomu, hali o vu bɛɛ.

Yeremi 31:3

Levil polon Mɛlɛka cɔmnun ya ni, mì dimul ndu aa: ‹I kaola nɔm le lɔ́ɔ́-lɔ́ɔ̀, lelan ya co nɔm canyɛi nii cɔm ni.›

Yude 1:1

Ya Yude, ya co vana baala Yeesu Krista-o apuapilɛ Nsaki-o-o pɛɛn. Ya co vanaa Hala veelu, mí ndu Pua Hala kaola nda, má va a mandaa le Yeesu Krista-a sɛvallo nuaa ni.

Talelan 24:16

Kani hali vana sandaa del bɛɛ leŋɔmmɛw, cɔnnɔnndo o cannin ni. Kɛ vanaa kɔlvesɛiya nda, lɛŋ dí dɛnɛ palaa tiiya nda sondoo ni.

2Tesalonikea 2:13

Puapilɛa naa, mɛɛ mì n va Hala balikaa mello lɔ́ɔ́-lɔ́ɔ̀ le niaa, niaa vanaa Mɛlɛka kaola-a pɛɛn. Kani Hala hɛli niaa kabi paandu le cindaa sɔlaa o dindin Kɔl-Diandaa a o laalan toɲaa nin.

Nsaŋ 3:36

Vana laalan pɛ Poo, ndu sɔla yoomu fɛɛn-fɛɛndo. Vana kɛɛ pɛ le Poo laalanndo, ndu sɔlanin yoomu kon te, kɛ kɔltuw Hala-o vanin vana kon coo.»

2Timote 1:12

Lelan ya co vɛlɛ sangalan ndan biuvɔnndo ni. Kɛ siɛmbula co ya le, kani i sínà vana ya tiindan-ndo, i nɔ vɛlɛ kɔlkɛsiaa maa o nɔ kpaayaa le ɲɛ o yɔngu ya-o mandaa háá paale o kialunin yamɛi len.

Rɔmnda 5:21

Nduyɛ, mɛɛ hakio tosa masalen a piɔ́mndo o kɔɔ yɛ, lende koni kɛndɛi co masalen tosaa a dɛnɛ sandaa o kɔɔ ni, le vanndacieea yoomu fɛɛn-fɛɛndo yɔngoo Maalii naa Yeesu Krista o ba bɛngu.

SƐBƐ YƆB-O 17:9

Vana lo o lediom coo-o sim yili o nɛi ndɔɔ coo, vanaa nɔ bala diandaalan-nda cɔɔlunin yoomuan sɔlaa.

1Timote 1:16

Kɛ lelan Hala tuinun ya iɲíí ni. Yeesu Krista ndóò yeema mí ndóò cɔm biuvɔn ndɔ nɔ lamɛɛlu loo o ya vana lahaki bɛndoo nin, haliko mi biuvɔn kon va tɔɔmaseloo le vanaa ndáà hun laalannin ndu, mì ndáà sɔla yoomu fɛɛn-fɛɛn ndo-a.

Rɔmnda 6:23

Kani sala hakio co piɔ́mndo ni, kɛ ɲɛ Hala ke vana fondo fúú-o, ndu co yoomu fɛɛn-fɛɛndo o Yeesu Krista nin ni, Maalii naa.

Rɔmnda 5:17

I co toɲa maa piɔ́mndo cɔm kpaaya ndɔɔ le haki vanndo ndu pilɛ tosa-o. Lelan, vanaa sɔla kɛndɛi bɛnduei a dɛnɛ sandaa-a tosanin masalen Yeesu pilɛ kon o ba bɛngu o ceendo coo.

Rɔmnda 5:2

Le ndu naa n sɔla kɛndɛi naa n co hee nin-nde ni, i naa n sɔla a laalanndo-e. Nduyɛ n nɔla mì n kuundian le tiindan naa n nɔ o biilu Hala-o nin-ndo.

Dɛnnda kiilaa 7:59

Telen nda va ndu viiyo a powtan-ndo, mí Etiɛn piɛi Hala aa: «Maalii Yeesu, bii kɔl nuu.»

Nsaŋ 14:19

O lo ɲɛ-pɔmbɔ, ceendo ci lɛnin ya le, kɛ niaa, la canin ya, kani i co yoomu, niaa bɛɛ la vanin yoomu.

Nsaŋ 6:47

I co niaa toɲaa dimul kpendekele, vana laalan pɛ, ndu sɔla cinda fɛɛn-fɛɛndo.

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Yeremi 32:40

I yiinin kpema fɛɛn-fɛɛndo a nda. I mulul-lɛnin nda kɔɔ le. I tosalnin nda dɛnɛ kɛndɔɔ mì tosa ma vo ya o kɔlta ndalan nin, o kon a kue lɛnin ya levil te.

1Samiɛl 2:9

Ndu manda vana lo o lediom coo-o ni, kɛ vanaa kɔlvesɛiya nda, o ɲumndan nin nda laasiàn ni. Kani vanacieo tiwba ɲɛ-ɲɛ sɔla a kpaaya ndɔɔ le.

Rɔmnda 5:9

Sunsun yɛ, kooma ndɔan ma tosa mí n siŋnun vanaa sandaa Hala o hɔl. Hiovɔɔ o kon coo, o ciindiaanin naa le kɔltuw Hala-o.

Nsaŋ 6:68

Mí Simɔn Piɛr mulul ndu aa: «Maalii, o nɛ̀ɛ̀ lo naa n kɔa yɛnin? Nɔm nɔ sɔɔn yoomu fɛɛn-fɛɛnndon ni.

Luke 23:46

Mí Yeesu yonda kpélén aa: «Pua, i mingi nɔm kɔl nuu o ba.» Ciiyo diom kon dimio, mó malnun kɔl.

Yeremi 31:34

Vana-vana pɛɛku lɛnin caanda le. Vana dimul-lɛnin puapilɛ ndɔɔ aa: ‹La sina Mɛlɛka› le. Kani nda kpede a sinanin ya, kandɔɔ a cuaambɔɔ kɔ tiiya a kaasonɔɔ dí. Sɔɛi fula Mɛlɛka o sondo-e co ken ni. Kani i malnin nda haki le sɔvun ndan, i loonun ndɛnin a hakila ndalan te.

Talelan 4:18

Maa ɲɛ-tengaa vavonndo nɛila vanaa sandaa la co ni. Ɲɛ-tengaa ndaa lo tengaa háá a paale kalalen.

Condii lisai 31:5

Soli ya o yaŋɔɔle nda hendul-la len nin, kani nɔm co vana kándà ya-o ni.

Marke 13:22

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, le vanaa sɔla hɛlio-a lueiyo o pɔwlan nin, taa tiw pɛ ba.

Esai 55:3

La yaŋ nilan, la hun o ya lo, la yaŋnun ya mì la va yoomu. I yiinin kpema fɛɛn-fɛɛndo a niaa, mì tosal niaa dɛnnda kɛndɛla kɛ́-kɛ̀ yáà tuu le David tosallo.

Esai 27:3

«Ya Mɛlɛka, ya co vana mandaa nakɔ kon ni, telen oo telen, i co ndu pɔɔliaa. Paalen a ɲumndan, i co cumullo le ndu mandaa, yɔŋii vannda hun luɛi lenin a kalan.

Yeremi 23:4

I handunin nda vanaa mandaa n'cɔlua kpeekpeiya coo. A vueinunnin nda le, a lueinin nda isiòòn te. O kɛ́-kɛ̀ laasian ndɛnin mò lo le.» Sɔɛi fula Mɛlɛka o sondo-e co ken ni.

Nsaŋ 10:29

Fuɲa ni ke ya nda-o, ndu hiow ɲɔɔn kpow. Vana-vana nɔla nda hiɔlɔɔ Pua o ba le.

1Nsaŋ 1:2

kani cindaa cɔmnun, mí n ca ndu. A ndu o kɔɔ naa n co seilen tɛndaa ni, a cinda fɛɛn-fɛɛndo o kɔɔ naa n co sɔɛi ni, o va Pua ikɛi mó cɔmnun naa-o pɛɛn.