I nɔ vɛlɛ saa celen, nda co vɔ o hèéo ho nin te, nda bɛɛ, mɛɛ mì hin a nda. A tuɛinin ya diom, kundaa ndu pilɛ kpé nda vanin ni, vana mandaa vɛlɛ ndu pilɛ kpé.
I co niaa toɲaa dimul kpendekele, telen pum co tiiya, o tiiyaa koni o co yɛ nin nuaa ni, mì vanvílɛ́iya tuei Po Hala-o diom, nduyɛ vanaa tueinin ndu kan diom-nda a vanin yoomu.
Kɛ sunsun, la sínà Hala, o co yɛ niaa le sínà Hala le, ndu sínà niaa ni. Le yɛɛ niaa co yɛ vɛlɛ sɔɔn fondon nɔ mun tɔnɔ lon hɔlla mulullo? La yeema mì la muungu vɛlɛ mun o ba bɛngu?
Mí Elii sɔɔnguu vannda kpow o hɔl, mó ɲuna aa: «Lɔ́ɔ́ kuɛɛ nɛ niaa sanga yɛnin a dɛnndan ndan kpɔɔndiaa? Te Mɛlɛka Hala co Hala kpeekpeiyo ni, mɛɛ la mulin ndu kɔɔli. Te piɔmndo Baal co yɛ hala ni, mɛɛ la lo ndu kɔɔli.» Kɛ a mulul ndu mɛ̀ɛ́-mɛ̀ɛ́ le.
O kon kɔɔli, mó dimul nda kpow aa: «Te vana yeema pɛ le ya delɔɔ kɔɔli, mɛɛ mò kɛɛnun ndu pila, mò va o bɛɛndianndo lepalaa o lepala le piɔ́mndo sɔlaa, o kon o del-la kɔɔli.
O lo sɔɛi, mí yumbuyumbu ɲɛ-tengaa pum kumbu nda. Mí diomndo pum soaa o yumbuyumbu kon nin aa: «Po ni ya kaola taw-vo co hoo ni, o ya hɛli a kɔlkɛndɔɔ-o. La bíí ndu diom.»
Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»
Nda yɔŋnun vanaa nɔɔlian a vanlaandua le-a ni, kani a síná dɛnɛ vanalanɔ le. A co kɔlan Saa téndóó kɔɔli nɛɛ-nɛɛ ka-a. Kan sɔla baŋaa vanndacieea tɛɛn ni, nda yɔŋnun vanaa tasea le hɛlio sɔlaa le Hala a le Saa téndóó ni.
Mí Yeesu tofa ndu a kaolaa, mó dimul ndu aa: «Ɲɛ pilɛ lo vɔ nɔm le tosaa: Kɔ, mà pisi ɲɛm n nɔ-on kpede, mà ke vanaa bala fondoa, o kon a sɔlanin bolofaa o halataala. O kon kɔɔli a hin niko, a del-la kɔɔli.»
Kani maa mɛɛ halataala sɛnɛiyo a lɛŋnde sɛnɛile ya co toosiaa len le viawnin ya o hɔl-lɛ, lende koni cuavaa niaa a diola niaalan bɛɛ la viawnin ya o hɔl ni. Mɛlɛka soo nuaa ni.
