Nsaŋ 10:11 - BII BILA

¹¹ Ya, vana mandaa n'saa kɛndɔɔ ya co ni. Vana mandaa n'saa kɛndɔɔ ndu, yoomu ndɔɔ o yɔngu le saa ndɔa ni.

Nsaŋ 10:11 Referans Kwoze

Nsaŋ 15:13

Kaola kɛ́-kɛ̀ hiw kaola vana yɔngu yoomu ndɔɔ le caaŋaa ndɔa-o le.

Condii lisai 23:1

Condii David-e. Mɛlɛka co ya mandaa ni maa vana mandaa n'saa, ɲɛ-ɲɛ co ya lepɛŋ te.

Dɛnnda cɔɔmuanndan 7:17

Kani Saa téndé co o kpɛŋɛ lemasaa tɛɛn-ndo nɔnin nda hɔlten coo. O simnin nda laci le nda yɔɔ o soonnda kólaala mɛmma yoomaalan. Hala vɔɔsuunin nda mɛmɛan kpow o lahɔl.»

Esai 40:11

O yaanin cɔlua ndɔa diólan maa vana mandaa n'cɔlu. O cuanin saa téndéa o balan coo mò handun nda o ibuŋ, o simnin saa komsaa co vɔɛsio-a laci.

1Nsaŋ 3:16

Ɛ̀ɛ̀ o ken naa n cɔm ni maa n sínà kaolaa: Yeesu yɔngu yoomu ndɔɔ le naa. Naa bɛɛ n bɛnda mì n yɔngu yoomu naa le puapilɛa naa.

2Samiɛl 24:17

Mɛɛ David ce mɛlɛkanɔɔ vannda diwvo, mó dimul Mɛlɛka aa: «Ya cua hakio ni. Ya tɛɛmbuu tɛɛmbuuo ho ni. Vannda ha tosa dɛnɛ vɔɔn kɛ́-kɛ̀ le. Lelan yandi, tuisi ya pila a yungu nuu sangaa ho coo.»

Hebreea 13:20

Hala yɔngù naa kɔlɲuloo ni. Mó mingi Maalii Yeesu, vana mandaa n'saa bɛndoo, yoomu fulaa vanvílɛ́iya tɛɛn. Mí kooma sálà ndɔɔ ma siŋnun sabuo le kpema fɛɛn-fɛɛndo.

Esekiɛl 34:23

O kon, i sɔɔ nda vana mandaa n'saa o ba, o vanin nda yɔɔ diólan-ndo. Vana ni baalaa David pɛɛn, ndu vanin nda yɔɔ diólan ni, ndu vanin vana mandaa ndaa ni.

Esekiɛl 37:24

David vana ni baala vanin masa ndaa ni. Nduyɛ nda kpede, vana manda n'saa ndu pilɛ nda nɔnin ni. A kelanin o pɛɛkula nilan coo, mà bii silala nilan, mà tosa mɛɛ la dimi yɛ.

1Piɛr 5:4

O kon tuma bolle vanaa mandaa n'saa fulanin ceen-ndo, la sɔla mɔsil lemasa biilaa, ó tembu loo.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Matie 20:28

Lende Po vanacieo hin ni. O hín mì vana tosal ndu baala le, kɛ le vannda baalaa tosallo a le yoomu ndɔɔ yɔngoo le vanaa bɔɔ-bɔɔ baŋaa.»

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Esai 53:6

Naa kpow n va laasianndo nɛɛ-nɛɛ ka maa n'saa, vana-vana va kɔlan pemale ndɔ kɔɔli, kɛ mí Mɛlɛka tuisi tɛɛmbuu naa kpow ndu coo.

Condii lisai 80:1

Condii Asaf-e, í fula o condun simlacinɔ vanaa n'condua nin-nde. A bangaa o soli condei he ni.

Misee 5:4

Ndu vanin kɔlɲuloo ni. Telen Asirinɔɔ hunnin o lɛŋnde naalen nin, mò luɛi o cɛila naala lemasalan nin-ndo, n solinin vanaa mandaa n'saa nda ŋɔmmɛw a simlacia nda ŋɔmaa le ndu kɔlan simullo.

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Esekiɛl 34:2

«Po vanacieo sei, tɛɛngul simlacia Israɛlla diom Hala-o. Tɛɛngul nda ndu mà dimul nda, simlacia kan pɛɛn aa: Nuaa Maalii, o co Mɛlɛka-o dimi ni aa: ‹Dɛnɛ palaa co le simlacia Israɛlla co nda pila baloo dɔwnɔnndo-a. Vɛ̀ɛ̀ vanaa mandaa n'saa bɛnda mà yɛɛ saa ndaa billo dioo le?

Nsaŋ 10:2

Kɛ váná kei pɛ o dioo le luɛyɔɔ, mɛɛ ndu co váná co saa mandaa-o ni.