Nsaŋ 10:1 - BII BILA

¹ I co niaa toɲaa dimul kpendekele aa: «Váná kei o dioo le luɛyɔɔ o hèé saa nin te, kɛ mò kei nɛɛ celen, mò hel, mɛɛ vuiyo co kon ni, vana del vannda coo-o pɛɛn.

Nsaŋ 10:1 Referans Kwoze

Matie 7:15

«La mandan a vanaa-tɛɛngaa-diom Hala-a lacòòvaa. A co hunɔɔ o niaa lo maa n'saa, kɛ lenin ndaa tunaa yondoa vɔɔn-vɔɔnda nda co ni.

Rɔmnda 16:18

Kani vanaa vaa lende, o co Krista Maalii naa le nda co baalaa tosallo le, kɛ dembela ndalan sii, a co keiyo sondo yeelaa a vannda sangalaa, mà va vanaa nɔ taasi le-a hɔlla hiŋndo.

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

Hebreea 5:4

Vana-vana kennun bɛɛlen mò siingun ndu pila bolle vanaa-solia-lasálàá le. Hala handu vana o fonda kon ni, mɛɛ o handu Aarɔn yɛ.

2Piɛr 2:3

A co niaa tɔnɔɔ dioo a sondola yeelɛilan le mɛɛ nda nɔ hɔlte bolofaalen yɛ. Kɛ o co lɛhau le yamɛi ndɛi cuu kiolɔɔ ma sɔla yaalaa le, tambii ndɛi nɔ lɛ bɛɛ lɔ́ɔ́ le.

2Piɛr 2:1

Vanaa-tɛɛngaa-diom Hala-a lacòòvaa va sindɛ Israɛlla tɛɛn. Nduyɛ, lende koni vanaa pɛɛkaa lacòòvaa vanin niaa tɛɛn ni. A hunnin a pɛɛkula vɔɔnndan o kɔlkalu vɔɔndo nin, mà kɛɛ bɛɛ Vana Bɛndu baŋa nda-o, o kon mì nda pila luei bollen o ɲánndávàà.

1Piɛr 1:10

Vanaa-tɛɛngaa-diom Hala-a, a tɛɛnguu sɔɔn Hala-on a kɛndɛi va le niaa-e o kɔɔ-a yaasiaa, má tosa baalaa le cinda kon.

Yeremi 23:32

I co vanaa co kan vunduma fondoan cɔu-va ciŋilan.» Sɔɛi fula Mɛlɛka o sondo-e co hee ni. O còòla lan tombolaa nda luei vanaa nia o pɔwlan nin ni. Nduyɛ, i vim nda lekiila kɛ́-kɛ̀ le. I dimul nda ɲɛ-ɲɛ le. A co vanaa nia mako kɛ́-kɛ̀ soli le.» Mɛlɛka soo lende ni.

Rɔmnda 10:15

Nduyɛ vɛɛ nɛ nda yonda yɛnin, te vana vim nda le? Maa mɛɛ o sɛvan yɛ aa: «O naŋ bɔɔ le vanaa kan cɔu hunɔɔ, vanaa co yoongula kɛndɛlan yondaa-a.»

Nsaŋ 3:3

Mí Yeesu mulul ndu aa: «I co nɔm toɲaa dimul, vana-vana nɔla mò ce masale Hala len te, mɛɛ mò velun violɔn sɛnɛi.»

Yeremi 23:21

I vim vanaa-tɛɛngaa-diom Hala-a kan te, ma va kɔlan a kiltan. I dimul nda ɲɛ-ɲɛ le, ma va kɔlan sɔɛi a diola nilan o sondo.

Tite 1:11

Mɛɛ mì la kinda nda sondolan, kani a co yungulan kpede pesipesio a pɛɛkula bɛnda le lan le ɲɛm lakafan sɔlaa.

Yeremi 14:15

Lelan o ya Mɛlɛka dimi a vanaa-tɛɛngaa-diom Hala-a kan-ndo co hoo ni, i vim nda le, kɛ ma va dimio aa o diola nilan nda co sɔɛi ni maa cɔw lueinin te, yima venin o lɛŋnden nden nin te. Nduyɛ, cɔwvo a yiaan ma co nda cii kpow ni.

Yɔɛl 2:9

A keleŋa tiw o kobio nin cɔ́-cɔ́, a co kiltan o kpakio coo, a co helɔɔ o cɛilan coo, a co luɛyɔɔ o diola pɔmbɔlan maa n'vui.

Nsaŋ 10:7

Mí Yeesu dimul nda vɛlɛ aa: «I co niaa toɲaa dimul kpendekele, ya co Dio-n'saa ni.