Nsaŋ 1:7 - BII BILA

⁷ Maa sei o hin ni, le seilen timbio a ɲɛ-tengaa kon o kɔɔ, haliko mi vannda kpow a laalan ndu.

Nsaŋ 1:7 Referans Kwoze

Dɛnnda kiilaa 19:4

Mí Pol dimul nda aa: «Vanaa va cɛlɔɔ le kelala ndalan mangalaa-a Nsaŋ yin ni, mó va nda dimullo maa a laalan vana va hunɔɔ ndu kɔɔli-o, Yeesu pɛɛn.»

Nsaŋ 1:36

mó ca Yeesu hiovɔɔ, mó dimi aa: «Má cè Saa téndé Hala-o!»

Nsaŋ 1:12

Kɛ nduyɛ, vanaa cɛl ndu-a kpow, a laalan o diola ndɔlan-nda, mó ke nda dio le siŋnɔnndo cuavaa Hala-a.

Nsaŋ 1:9

Ɲɛ-tengaa kpeekpeiyo o va ni, le vanndacieea kpow teengiaa o hin o ceendo coo ni.

Nsaŋ 1:15

Mí Nsaŋ timbi seilen a ndu o kɔɔ, mó yonda aa: «O ya dimi sɔɛi ndɔɛi-yo aa: ‹Vana co hunɔɔ o ya kɔɔli-o, ndu hiow ya laci ni, kani lɔ́ɔ́ pá mi vialun, ndu va nin.› »

2Piɛr 3:9

Mɛlɛka tamala le sɔɛi o dimi-e peeloo maa mɛɛ vanaa pum a yiyan yɛ le. Biuvɔnndo o biwnun niaa ni, o yeema mì vana pilɛ bɛɛ lo le, kɛ o yeema mì vannda kpow a mangalan.

Tite 2:11

Kani Hala cɔm kɛndɛi ndɔɛi, i yɔngú vannda kpow cindaa-e.

Efɛsea 3:9

haliko mi cɔm vannda kpow kɔlɔ dɛnɛ viannan kon. Hala, o cɔw ɲɔɔn kpow-vo ven dɛnɛ kon kabi paandu ni.

1Timote 2:4

o yeema mì vannda kpow a sɔla cindaa, mà bii toɲaa bila.

Nsaŋ 1:19

Seile Nsaŋ-nden le co len ni, telen Yuifia lo Yerusalɛm má viam vanaa-solia-lasálàá a leviia le ndu Nsaŋ kɔlan ɲunaa-o aa: «Nɛ̀ɛ̀ kpeekpei nɔm co yɛ?»

Malasi 3:1

«Má cè ya kiila nuu vomɔɔ! Ndu co ya pemalen bulio laci ni. Maalii niaa co nuwviaa-o co cɔnɔn o lepilɔɔ, mò kɔ luɛi o cɛi ndɔ biilaa nin, kiila niaa co cumndo-o co hunɔɔ kpema nuu yii a niaa. La nua vɔ ndu hunɔɔ! Mɛlɛka-Nɔ-Kpaayaa-Kpow-vo co sɔɛi nuaa ni.

Kalatea 3:26

Kani mɛɛ niaa co kpede, cuavaa Hala-a niaa co le laalan niaa laalan Yeesu Krista-o ni.