Nsaŋ 1:51 - BII BILA

⁵¹ I co niaa toɲaa dimul válán, la canin halataalaa o kumbia, mì la ce mɛlɛkaa Hala-a helɔɔ a tolɔɔ Po vanacieo coo.

Nsaŋ 1:51 Referans Kwoze

O Kandɔɔ 28:12

Mó sɔl lɔan. O lɔma sɔlaama man nin, mó ca ɲɔɔ maa lakpáákpáá cɔnɔnndo lɛŋ mo kɔ tiiya bollen o halataala di. Mɛlɛkaa Hala-a va helɔɔ a tolɔɔ o kpáákpáála lan.

Dɛnnda kiilaa 7:56

Mó yonda aa: «La tofa vɔ, i co halataalaa cɔu o kumbiaa, Po vanacieo co isisi Hala o ba kɛndɔɔ coo.»

Luke 22:43

O kon, mí mɛlɛkanɔɔ fula o halataala le ndu yoomuan lueiyo.

Luke 2:13

Fɔ́ɔ́fɔ̀, mí mɛlɛkaa fula kunda bɛndoo o halataala, má sɔɔnguu mɛlɛkanɔ kon ikɛi. Má va Hala biiloo a dimio aa:

Marke 14:62

Mí Yeesu muli aa: «Oi! Ndu ya co ni. La canin Po vanacieo icali Hala, vana kpaayaa kpow o ba kɛndɔɔ coo, mì la ce ndu vɛlɛ hunɔɔ o yumbuyumbu halataala-o nin.»

Marke 1:10

Tuma o va fulaa o mɛnndan nin-ndo, mó ca halataalaa kumbinndo. Mí Kɔl Hala-o toal ndu coo maa kangbo.

Matie 3:16

Yeesu sɔlaa yinɔɔ, mó fula o mɛnndan nin. Fɔ́ɔ́fɔ̀, mí halataalaa kumbin, mó ca Kɔl Hala-o tolɔɔ maa kangbo, mó cal ndu coo.

Esekiɛl 1:1

O vɔsi beleyàándɔɔ nin, paangii hiɔɔlundɔɛi va malɔ leŋuɛɛnu, i va vanaa ndáà kɔɛ o biyɔɔ nin-nda tɛɛn o peo Kebar kɔngɔ, mí halataalaa kumbin, mí Hala cɔm ya dɛnɔɔ pum o vundulen nin.

Dɛnnda kiilaa 10:11

Mó ca halataalaa o kumbiaa: mí ɲɔɔ pum fula maa kola bɛndu, o va tolɔɔ mɛɛ vanndo bii ɲɔɔ o kpeŋun hiɔɔlon, mó va tuisio lɛŋ yɛ.

Luke 3:21

Lɔ́ɔ́ vannda kpow a sɔla yinɔɔ-o, mí Yeesu bɛɛ sɔla yinɔɔ. Telen o va Mɛlɛka piɛiyo-o, mí halataalaa kumbin,

Matie 4:11

O kon mí masa ɲinaa vɔɔnda faŋan Yeesu kɔɔli. Mí mɛlɛkaa sɔɔnguu ndu ikɛi, má nɛŋi ndu makoo.

Dɛnnda cɔɔmuanndan 19:11

O kon mí ca halataalaa o kumbianndo, mí so humboo fula. Vana va lecoo-o diolan aa Vana toɲaa a Vana lo o lediom coo-o, o co yamɛi kiolɔɔ o sandei nin, mo va cɔlɔbaa.

Dɛnnda cɔɔmuanndan 4:1

O kon kɔɔli, mí mɛɛndan, mí ca dioo pum o kumbiaa o halataala. Mí diom ya tuei sɔɛi o tasendɔ o ya lo maa diom bulu-o dimi aa: «Hel nanu, mì cɔm nɔm ɲɛ hun yɔŋnunnin lɔ́ɔ́ lepum-ndo.»

2Tesalonikea 1:7

mò ke niaa pɛngio, mò ke vɛlɛ naa ndu. Kon tosannin telen Maalii Yeesu cɔmnunnin lɔ́ɔ́ o fulanin o halataala, mò hin a mɛlɛkaa ndɔa kpaayaa o yinnde biyaa len nin-ndo.

Luke 2:9

mí mɛlɛkanɔ Hala-o cɔmnun nda, mí biilu Mɛlɛka-o balu nda teenga sɔ́, mí siòònde bii nda taw.

Hebreea 1:14

Mɛlɛkaa nda co macoaa maa kiilaa Hala-a, nda Hala viam le kɔlan vanaa sɔlanin cindaa-a sɔɔn dimullo ni.

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

Nsaŋ 10:1

I co niaa toɲaa dimul kpendekele aa: «Váná kei o dioo le luɛyɔɔ o hèé saa nin te, kɛ mò kei nɛɛ celen, mò hel, mɛɛ vuiyo co kon ni, vana del vannda coo-o pɛɛn.

Luke 22:69

O hau kɔɔli, Po vanacieo vanin icali Hala Kpaayaa kpow o ba kɛndɔɔ coo.

Matie 25:31

Mí Yeesu dimi aa: «Lɔ́ɔ́ Po vanacieo hunnin o biilu ndɔɔ nin a mɛlɛkaa kpow-vo, o calnin o kpɛŋɛ ndɔ lemasaa nin.

Yude 1:14

A nda o kɔɔ Enɔk, fuɲa-mama ŋɔmmɛwndɔɔ o Adam kɔɔli tɛɛnguu diom Hala-o ni aa: «La tofa vɔ, Maalii co hunɔ̀ɔ́ a mɛlɛkaa ndɔa diandaa vaalan a vaalan

2Tesalonikea 1:9

A sɔlanin sanga fɛɛn-fɛɛndo, a vanin hɔlaa Mɛlɛka-a a kpaaya ndɔ bɛndoo levil

Nsaŋ 14:12

I co niaa toɲaa dimul kpendekele, vana laalan ya pɛ, ndu bɛɛ tosanin dɛnnda ya co tosaa lan. O tosanin bɛɛ la hiow lan-ndan, kani ya, i co kɔnndan o Pua lo.

Nsaŋ 6:47

I co niaa toɲaa dimul kpendekele, vana laalan pɛ, ndu sɔla cinda fɛɛn-fɛɛndo.

Luke 24:4

A lo kɔltan keeliaa, mí vanpiaandua nda ŋiɔn a cɔmnun nda o lepilɔɔ a volɔɔla ŋɛlɛŋi-ŋɛlɛŋilan lekɔɔ.

Matie 26:24

Po vanacieo co hunɔɔ piɔ́mndo sɔla mɛɛ o sɛvan a ndu o kɔɔ o Sɛbɛ Hala-o nin yɛ. Kɛ dɛnɛ palaa co le vana malnin ndu vannda o ba-o. Ndóò va fisa hali mì vana kon ndóò vilun te.»

Nsaŋ 21:18

I co nɔm toɲaa dimul kpendekele, telen n va felengi-o, nɔm pila va yáwlen yiinɔnndo ni, mà va kɔlan nɛɛ nɔm óò yeema-a, kɛ telen n yuuvanin-ndo, a siɛndinin balan mì vana celen yii nɔm yáwlen, mò kɔɛ a nɔm nɛɛ n yeemanin te-a.»

Nsaŋ 8:51

I co niaa toɲaa dimul kpendekele, vana bii pɛ sɔɔn nun, ndu vi le.»

Nsaŋ 6:32

Mí Yeesu mulul nda aa: «I co niaa toɲaa dimul kpendekele, o co Moise le ke niaa ɲɛdiaa fula o halataala-o le, kɛ Fuɲa nuu ke niaa ɲɛdiaa kpeekpei fula o halataala-o ni.

Nsaŋ 3:5

Mí Yeesu mulul ndu aa: «I co nɔm toɲaa dimul, te vanacieo vilun a mɛnndan, mò velun a Kɔl Hala-o le, o nɔla luɛyɔɔ o masale Hala len nin te.

Nsaŋ 16:20

I co niaa toɲaa dimul kpendekele, la caŋnin mì la cɛɛŋun, mì ceendo ndu dɔwnun ɲaale. Mɔnɛi biinin niaa, kɛ mɔnɛi niɛi ken siŋnunnin ɲaaloo.

Nsaŋ 13:16

Mì dimul niaa toɲaa, vana baalaa ve fisa a vana ndɔ bɛndoo le, vana nda vem-ndo ve fisa a vana vem ndu-o le.

Nsaŋ 10:7

Mí Yeesu dimul nda vɛlɛ aa: «I co niaa toɲaa dimul kpendekele, ya co Dio-n'saa ni.

Nsaŋ 6:53

Mí Yeesu dimul nda aa: «I co niaa toɲaa dimul kpendekele, te la di dialun Po vanacieo, mì la kol kooma ndɔan te, mɛɛ yoomu venin niaa nin te.

Nsaŋ 5:27

Mó ke ndu dio le yamɛi kiolɔɔ, kani Po vanacieo o co ni.

Nsaŋ 5:19

O kon mí Yeesu mulul nda aa: «I co niaa toɲaa dimul kpendekele, Poo nɔla ɲɛ-ɲɛ tosa a ba ndɔ le, fɔ ɲɛ o ce Fuɲaa tosaa-o. Ɲɛ-ɲɛ Fuɲaa tosa yɛ pɛ, ndu Poo bɛɛ tosa ni.

Nsaŋ 3:3

Mí Yeesu mulul ndu aa: «I co nɔm toɲaa dimul, vana-vana nɔla mò ce masale Hala len te, mɛɛ mò velun violɔn sɛnɛi.»

Matie 9:6

Nduyɛ mɛɛ mì la sina maa Po vanacieo nɔ kpaayaa le hakilan malɔɔ o lɛŋnden coo.» Mí Yeesu dimul langbanɔ falun vílɛ́i kon aa: «Cɔn, cua yala nɔmndo mà muungun o nɔm ndo.»

Matie 8:20

Mí Yeesu mulul ndu aa: «Kàá nɔ buulula nda lɔl nin-ndan, yovaa co kelaa coocoo-a bɛɛ a nɔ vɛɛnde, kɛ Po vanacieo ndu nɔ bɛɛ nɛɛ yambaa lebol te.»

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Nsaŋ 16:23

Paale len, la ɲuna lɛnin ya isɔɔ oo isɔɔ le. I co niaa toɲaa dimul kpendekele, ɲɛ niaa piɛinin Pua o diola nilan-ndo, o kenin niaa ndu.

Nsaŋ 13:38

Mí Yeesu muli aa: «Toɲaa ni, a vunin lekɛ́ndɛi le ya. Kɛ nduyɛ kongillo koovanin te, mà viinun leyáá maa a sina ya le.»

Nsaŋ 8:58

Mí Yeesu dimul nda aa: «I co niaa toɲaa dimul kpendekele, lɔ́ɔ́ pá mi Abraham fula, ya i va nin.»

Nsaŋ 8:34

Mí Yeesu mulul nda aa: «I co niaa toɲaa dimul kpendekele, vana-vana tosa pɛ hakio, ndu siŋnun cɛ hakio.

Nsaŋ 6:26

Mí Yeesu mulul nda aa: «I co niaa toɲaa dimul kpendekele, o co le kaamaala niaa ce lan te niaa co ya nuwviaa le, kɛ le bulu niaa de mí la pum-ndo.

Nsaŋ 1:50

Mí Yeesu mulul ndu aa: «Le tùú ya dimul nɔm maa i ce nɔm o voosu tumndo bɛngu-o n laalan ni. A canin bɛɛ dɛnnda bɛndula hiow kon-ndan.»