Nsaŋ 1:47 - BII BILA

⁴⁷ Yeesu cɔu Natanaɛl hunɔɔ ndu o ibuŋ, mó dimi aa: «Israɛlnɔɔ kpeekpei co hoo ni, o nɔ lacòòva o kɔl too.»

Nsaŋ 1:47 Referans Kwoze

Dɛnnda cɔɔmuanndan 14:5

Nduyɛ vànà seelun lacòòva nda o sondo le, a nɔ isɔw le.

Condii lisai 73:1

Condii Asaf-e. A toɲa, Hala co vana kɛndɛ le Israɛlla, o co vana kɛndɛ le vanaa dendu kɔltan-nda kpow.

Condii lisai 32:2

Dɛnɛ kɛndɔɔ co le vana kon, vana Mɛlɛka co lɛ tɛɛmbuu ndɔ cɔm coo loo, o nɔ yiyan lakafa o kɔl too.

Rɔmnda 9:4

Israɛlla pɛɛn, a Hala siinguu cuavaa ndɔa, mí biilu ndɔɔ va nda coo-a. A o yiilu kpemala ndɔlan-nda, a nɔ tɔŋndo a kannden-nda.

Rɔmnda 9:6

O co dimi le maa sɔɛi Hala-e nɔ lɛ tɔnɔ le. Kani vanaa-vanaa fula o Israɛl nin, o co nda kpow le a co Israɛlla kpeekpei le.

Nsaŋ 8:31

O kon mí Yeesu dimul Yuifia ndáà laalan ndu-a aa: «Te la lo pɛ sɔɛi nii biyɔɔ, mɛɛ kaandeŋaa nia lekɛ́ndɛi niaa co ni,

1Piɛr 2:22

Ndu tosa haki loo, ndu sɔɛi fula o sondo le vana hui loo,

1Piɛr 2:1

Lelan, la kɛɛ dɛnɛ-dɛnɛ co kɔlvesɛiyo a o kɛ́-kɛ̀ co kafalan, muulɔnndo, yeemɛi bɛnduei a caanda diolan tɛɛmbuuo.

Filipea 3:3

Kani, naa co faleŋaa kpeekpeiya ni, naa co Hala biiloo o hɛnan Kɔl-Diandaa bɛngu, mì n va sangalanndo o Yeesu Krista nin-nda, naa tiindan dɛnnda n'falulan te-a pɛɛn.

Nsaŋ 8:39

Má mulul ndu aa: «Abraham co fuɲa naa ni.» Mí Yeesu dimul nda aa: «Te cuavaa Abraham-nda niaa co ni, mɛɛ la tosa dɛnndan maa Abraham.

Nsaŋ 2:25

Hali mi vanáà cɔm ndu bɛɛ isɔɔ a vanacieo o kɔɔ le, kani ndóò sina ɲɛ co vanacieo o kɔl-lo.

Nsaŋ 4:16

Mí Yeesu dimul ndu aa: «Kɔ veelu pɔnɔ nɔm mà muungu nanu.»