Nsaŋ 1:46 - BII BILA

⁴⁶ Mí Natanaɛl ɲuna ndu aa: «Ɲɛ kɛndɔɔ nɔla pá fulaa Nasarɛt?» Mí Filipe mulul ndu aa: «Hun mà ce.»

Nsaŋ 1:46 Referans Kwoze

Nsaŋ 7:52

Má mulul ndu aa: «Mò va maa nɔm bɛɛ Kalile n fula ni? Yaasiaa ɲɛkɛndɛi, a canin maa vana-tɛɛngaa-diom Hala fula Kalile le.»

Nsaŋ 4:29

«La hun tofa vɔ langbanɔɔ pum, o cii ya dɛnnda ya tosa lan kpede dimul, o kɛɛ va ndu le co Krista le!»

1Tesalonikea 5:21

kɛ la dɔw dɛnndan kpow taasi, mì la bii dɛnnda naŋ-ndan kpáŋ.

Luke 12:57

Mí Yeesu dimi vɛlɛ aa: «Le yɛɛ nɛ niaa pila co yɛ kɛɛ iyama kiolɔn o sandei nin?

Matie 2:23

mó kɔ cal o kobi nda veelu aa Nasarɛt-o nin, haliko mi sɔɛi vana-tɛɛngaa-diom Hala-o dimi-e ndíì peelun aa: «A veelunin ndu aa Nasarɛtenɔɔ.»

Matie 10:3

Filipe a Bartelemi. Tomas a Matie vana biyaa muloo. Nsaki po Alfee-o a Tadee.

Nsaŋ 1:44

Nduyɛ Bɛtsaida Filipe ndóò fula ni, kobi Andree nda Piɛr fula nin-ndo.

Nsaŋ 1:45

Mí Filipe komal Natanaɛl, mó dimul ndu aa: «N saalun vana sɔɛi ndɔɛi dimin o tɔŋ Moise-o nin a o sɛbɛla vanaa-tɛɛngaa-diom Hala-a nin-ndo, Yeesu Nasarɛt, po Yosɛf-o.»

Nsaŋ 6:5

Yeesu tofaa, mó ca maa sɛ́lɛ́ bɛndoo va ndu kɔlan kɔɔli. Mó ɲuna Filipe aa: «Kuɛɛ naa n piandu yɛnin buloo le vannda ha dioo?»

Nsaŋ 6:7

Mí Filipe mulul ndu aa: «N piondu bɛɛ buloo a volin sala vana baalaa le palɛi kɛmɛ lediin-ndon, o tiwnin vannda ha mì nda kpow a sɔla o pɔm-pɔmbɔ le.»

Nsaŋ 12:21

Má sɔɔnguu Filipe fula Bɛtsaida o tàndá Kalile-o nin-ndo ikɛi, má dimul ndu aa: «Vana bɛndoo, n yeema le Yeesu cɔu.»

Nsaŋ 14:8

Mí Filipe dimul ndu aa: «Maalii, cɔm naa Fuɲa nɔm mì n hini kɔl.»