Nsaŋ 1:45 - BII BILA

⁴⁵ Mí Filipe komal Natanaɛl, mó dimul ndu aa: «N saalun vana sɔɛi ndɔɛi dimin o tɔŋ Moise-o nin a o sɛbɛla vanaa-tɛɛngaa-diom Hala-a nin-ndo, Yeesu Nasarɛt, po Yosɛf-o.»

Nsaŋ 1:45 Referans Kwoze

Luke 24:27

O kon kɔɔli, mó tɛɛsial nda ɲɛ sɛvan kandɔɔ o sɛbɛla Moise lan nin-ndo, kɔlan a o sɛvan o sɛbɛla vanaa-tɛɛngaa-diom Hala-a nin a ndu o kɔɔ lan kpow.

Misee 5:2

Lelan Mɛlɛka malnin vanaa ndɔa háá mì vanalanɔ bɛnda kon le violɔɔ-o velu. O kon mì puapilɛa ndɔa tɔ̀a vanin o biyɔɔ nin-nda muungu cuavaa Israɛlla tɔ̀a ikɛi.

Matie 2:23

mó kɔ cal o kobi nda veelu aa Nasarɛt-o nin, haliko mi sɔɛi vana-tɛɛngaa-diom Hala-o dimi-e ndíì peelun aa: «A veelunin ndu aa Nasarɛtenɔɔ.»

Luke 24:44

O kon kɔɔli, mó dimul nda aa: «Telen naa n va vɔ naa niaa latulu-o, mí dimul niaa maa fɔ mì ɲɛ-ɲɛ co o sɛvaa a ya o kɔɔ o sɛbɛ tɔŋ Moise-o nin, o sɛbɛla vanaa-tɛɛngaa-diom Hala-a nin, a o sɛbɛ condii lisai nin kpow-vo ndóò peelun.»

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Luke 4:22

Mí nda kpow a naŋ kɔl, má dɔawnun kɔndɔfili a sɔɔn kɛndɛn va ndu fulaa o sondo-on, má ɲuna aa: «Vɛ̀ɛ̀ o co po Yosɛf-o le?»

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Esai 9:6

Tofa vɔ ɲɛ o tosanin-ndo: masalen pɛngɛlaa mì le kui, vana co o kpɛŋɛ lemasa David-o coo-o a masale ndɔlen kɔlɲulu nɔ lamɛɛlu loo yɔngoo, yoomuan masale ndɔlen lueiyo a len simio yili, a dɛnɛ sandaa a sakpoyɛi, kandɔɔ sisa háá le fɛɛn a fɛɛn. Dɛnndan ndan Mɛlɛka-Nɔ-Kpaayaa-Kpow-vo tosanin a dialun fulaan ni.›»

Sakari 6:12

A cii pɛ, a dimul ndu aa: Yaŋ-ndɔ nilan! Mɛlɛka-Nɔ-Kpaayaa-Kpow-vo dimi maa vanapɔnɔ nɔ diolan aa Vulɔɔ-o o labɛngunin ɲɔɔn kpow n vulnin ni. Ndu minginin cɛi biilaa Mɛlɛka-o tangul ni.

Esai 53:2

O hindu Mɛlɛka o hɔl maa tɛyii piɔl o yɔm tumndo-e, maa puundule fula o lɛŋnde kalonkalonnden nin-nden. Ndóò nɔ naŋɔɔ, te kon te naŋɔɔ tosa mi náà n muli hɔlla o ndu lo le, hɔlaa ndɔa ndáà nɔla mi ndáà pilan naa kɔl te.

Nsaŋ 18:7

Mó ɲuna nda vɛlɛ aa: «Nɛ̀ɛ́-nɛ̀ niaa co yɛ nuwviaa?» Má mulul ndu aa: «Yeesu Nasarɛt.»

Esai 4:2

O telen kon nin, yɛyii Mɛlɛka-e naŋnin mì i sɔla biiloo, kɔmnde lɛŋnden nden le vanin volio a naŋɔɔ, hee co va dɛnɛ kɛndɔɔ ni le Israɛlla hialunnin ma lo yoomu-a.

O Kandɔɔ 22:18

Vanaa-mangalaa-isɔɔa súúlan kpow o ceendo coo a sɔlanin duaa cuavaa nɔmnda o ba bɛngu. Kani nɔm Abraham, a bii sɔɛi nii.»

Marke 6:3

O co langbanɔɔ cua hoo yindɔlan-ndo le? O co po Mari-o le, bɛndoo Nsaki, Yosɛf, Yude a Simɔn pɛɛn? O co yemaa ndɔa le co naa haa tɛɛn nanu le?» Mí ken yɔŋnun pow boŋaa le nda.

Matie 21:11

Mí sɛ́lɔ́ɔ́ va mulio aa: «Yeesu ni, vana-tɛɛngaa-diom Hala-o, o fula Nasarɛt o tàndá Kalile-o nin-ndo!»

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

Dɛnnda kiilaa 22:8

Mí ɲuna aa: «Nɔm nɛ̀ɛ́-nɛ̀, Maalii?» Mí diom kon muli aa: «Ya Yeesu fula Nasarɛt-o ni, ya n co yɛlen tollo-o pɛɛn.»

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

Nsaŋ 21:2

Simɔn Piɛr, Tomas, o ndáà veelu aa Didim-ndo, Natanaɛl fula Kana o tàndá Kalile-o nin-ndo, poaa Sebedee-a, a kaandeŋaa ŋiɔŋaa celen a va nɛɛ pilɛ.

Luke 2:4

Mí Yosɛf bɛɛ can Nasarɛt o lɛŋnde Kalikee len nin, mó kɔa Bɛtlɛhɛm o tàndá Yuda-o nin, Bɛtlɛhɛm Kobi David-o pɛɛn. Kani o polale David len nin o fula ni.

Marke 14:67

mó ca Piɛr hangɔɔ, mó tofa ndu ciŋ, mó dimul ndu aa: «Nɔm bɛɛ a va Yeesu kɔɔli, langbanɔ fula hoo Kalile-o pɛɛn.»

Matie 13:55

O co macoaa po langbanɔ cuaa layindɔɔ ho le? O co kala ndɔ le co Mari le? O co macoaa pɔmbɔa ndɔa le co Nsaki, Yosɛf, Simɔn a Yude le?

Dɛnnda kiilaa 26:9

Ya bɛɛ, i va yiyanndo le keiyo o nɛi oo nɛi coo le diola Yeesu fula Nasarɛt-o cɔlɔbaa.

Dɛnnda kiilaa 3:6

Mí Piɛr dimul ndu aa: «I nɔ ivoli le, i nɔ vɛlɛ isiani le, kɛ o ya nɔ-o ya co nɔm yɔngu ni: o diola Yeesu Krista fula Nasarɛt-o lan, cɔn mà kɔɛ!»

Dɛnnda kiilaa 2:22

Niaa Israɛlla, puapilɛa nia, la yaŋ nilan o sɔɔn mun! Yeesu fula Nasarɛt-o, langbanɔ kon Hala cɛl ndu niaa tɛɛn o dɛnnda kaamaalan nin, o dɛnnda kɔndɔfiltan nin a o tɔɔmaselela o va tosaa niaa tɛɛn-ndan nin, maa mɛɛ niaa sina kon válán yɛ.

Nsaŋ 19:19

Mí Pilate dimi maa a sɛva o pɛngɛi pɔmbɔɛi pum coo aa: «Yeesu fula Nasarɛt-o, masa Yuifia.»

Nsaŋ 18:5

Má mulul ndu aa: «Yeesu Nasarɛt.» Mó dimul nda aa: «Ya ni!» Yuda va ndu malɔɔ vannda o ba-o va isisi nda ndaa.

Nsaŋ 6:42

Má va dimio aa: «O co macoaa ndu le co Yeesu po Yosɛf-o le? N sina masinaa fuɲa ndɔ a kala ndɔ le? Kɛ le yɛɛ o co yɛɛ naa niko dimullo maa o halataala o fula ni?»

Luke 3:23

Yeesu ndóò nɔ nin ɲɛ vɔsila beleyaa, mó kandu baala ndɔɔ. Vannda va yiyanndo maa po Yosɛf-o o va ni, Yosɛf po Elii-o pɛɛn, Elii

Matie 10:3

Filipe a Bartelemi. Tomas a Matie vana biyaa muloo. Nsaki po Alfee-o a Tadee.

Luke 2:48

Yungu ndɔɔ cɔu ndu, má dɔawnun kɔndɔfili, mí kala ndɔ ɲuna ndu aa: «Po nuu, le yɛɛ n tosal-lɛ naa dɛnɛ vaa nuaa? N co nɔm nuwviaa a buulanndo naa fuɲa nɔm.»

Nsaŋ 1:44

Nduyɛ Bɛtsaida Filipe ndóò fula ni, kobi Andree nda Piɛr fula nin-ndo.

Nsaŋ 6:5

Yeesu tofaa, mó ca maa sɛ́lɛ́ bɛndoo va ndu kɔlan kɔɔli. Mó ɲuna Filipe aa: «Kuɛɛ naa n piandu yɛnin buloo le vannda ha dioo?»

Nsaŋ 6:7

Mí Filipe mulul ndu aa: «N piondu bɛɛ buloo a volin sala vana baalaa le palɛi kɛmɛ lediin-ndon, o tiwnin vannda ha mì nda kpow a sɔla o pɔm-pɔmbɔ le.»

Nsaŋ 12:21

Má sɔɔnguu Filipe fula Bɛtsaida o tàndá Kalile-o nin-ndo ikɛi, má dimul ndu aa: «Vana bɛndoo, n yeema le Yeesu cɔu.»

Nsaŋ 14:8

Mí Filipe dimul ndu aa: «Maalii, cɔm naa Fuɲa nɔm mì n hini kɔl.»

Luke 18:37

Má dimul ndu maa Yeesu Nasarɛt co hiovɔɔ ni.