Nsaŋ 1:44 - BII BILA

⁴⁴ Nduyɛ Bɛtsaida Filipe ndóò fula ni, kobi Andree nda Piɛr fula nin-ndo.

Nsaŋ 1:44 Referans Kwoze

Nsaŋ 12:21

Má sɔɔnguu Filipe fula Bɛtsaida o tàndá Kalile-o nin-ndo ikɛi, má dimul ndu aa: «Vana bɛndoo, n yeema le Yeesu cɔu.»

Matie 11:21

«Dɛnɛ palaa co le nɔm, nɔm Korasin! Dɛnɛ palaa co le nɔm, nɔm Bɛtsaida! Kani te dɛnnda kaamaala tosan o niaa lo lan láà tosan pɛ Tir a Sidɔn, maa o co lɛhau le ndáà vownun nin volɔɔla biisilan, mì ndáà deli o loolio nin, mì ndáà mangalan te.

Luke 10:13

Dɛnɛ palaa co le nɔm, nɔm kobio Korasin! Dɛnɛ palaa co le nɔm, nɔm kobio Bɛtsaida! Kani dɛnnda kɔndɔfilta tosan o niaa lo lan láà tosan pɛ Tir a Sidɔn, mì vanaa kan ndáà cii nin volɔɔla biisilan vownɔn, mì ndáà cii nin lɔngɔlian o loolio nin.

Luke 9:10

Telen kiilaa Yeesu vem-nda muungu ndu Yeesu o ibuŋ-ndo, má downun ndu kona a dɛnnda nda tosa lan kpow o kɔɔ. Mó sɛɛsun a nda lándán, má faŋan, má kɔa a ba kobio pum diolan Bɛtsaida.

Marke 8:22

Má kɔa Bɛtsaida, má cuu ndu vana sumɛiyo, má ɲɔɔlu ndu le ndu pilanndo.

Marke 6:45

Sɔɔn mun cuvɔɔ dɔ́ɔ́, mí Yeesu baŋ kaandeŋaa ndɔa helɔɔ o dɛ̀ndɔ̀ɔ́ nin le ndu hiovɔɔ laci o kɔngɔɔ pilɔɔ, a kpengii kobio Bɛtsaida, o kon mì ndu pila koma lo sɛ́lɔ́ɔ́ mingio.

Marke 3:18

Andre, Filipe, Bartelemi, Matie, Tomas, Nsaki po Alfee-o, Tadee, Simɔn langbanɔ yeema lɛŋnde ndɔlen-ndo,

Matie 10:3

Filipe a Bartelemi. Tomas a Matie vana biyaa muloo. Nsaki po Alfee-o a Tadee.

Dɛnnda kiilaa 1:13

Ndáà muungoo Yerusalɛm, má kɔ luɛi o cɛi-lenin va o cɛi coocoo pum nin-ndo nin, nɛɛ ndáà bɔɔŋian lɔ́ɔ́-lɔ́ɔ̀-a. Nda yɔŋnun haa ni: Piɛr, Nsaŋ, Nsaki, Andre, Filipe, Tomas, Bartelemi, Matie, Nsaki po Alfee-o, Simɔn vana cɔlɔba le lɛŋnde ndɔlen baŋaa-o a Yude po Nsaki-o.

Luke 6:14

Nda yɔŋnun haa ni: Simɔn, o Yeesu ke diolan aa Piɛr-o, Andre puapilɛ ndɔ, Nsaki, Nsaŋ, Filipe, Bartelemi,

Nsaŋ 1:43

Diimandɔɔ, mí Yeesu kialu le kɔlan Kalile, mó komal Filipe. Mí Yeesu dimul ndu aa: «Del-la kɔɔli.»

Nsaŋ 1:45

Mí Filipe komal Natanaɛl, mó dimul ndu aa: «N saalun vana sɔɛi ndɔɛi dimin o tɔŋ Moise-o nin a o sɛbɛla vanaa-tɛɛngaa-diom Hala-a nin-ndo, Yeesu Nasarɛt, po Yosɛf-o.»

Nsaŋ 1:46

Mí Natanaɛl ɲuna ndu aa: «Ɲɛ kɛndɔɔ nɔla pá fulaa Nasarɛt?» Mí Filipe mulul ndu aa: «Hun mà ce.»

Nsaŋ 1:48

Mí Natanaɛl dimul ndu aa: «Kuɛɛ n sina yɛ ya?» Mí Yeesu mulul ndu aa: «Lɔ́ɔ́ pá mi Filipe veelu nɔm nɛɛ n va o voosu tumndo bɛngu-a, yáà ce nin nɔm.»

Nsaŋ 6:5

Yeesu tofaa, mó ca maa sɛ́lɛ́ bɛndoo va ndu kɔlan kɔɔli. Mó ɲuna Filipe aa: «Kuɛɛ naa n piandu yɛnin buloo le vannda ha dioo?»

Nsaŋ 6:7

Mí Filipe mulul ndu aa: «N piondu bɛɛ buloo a volin sala vana baalaa le palɛi kɛmɛ lediin-ndon, o tiwnin vannda ha mì nda kpow a sɔla o pɔm-pɔmbɔ le.»

Nsaŋ 12:22

Mí Filipe kɔa, mó kɔ dimul Andree, o kon mí Andree nda Filipe kɔ dimul Yeesu.