Nsaŋ 1:43 - BII BILA

⁴³ Diimandɔɔ, mí Yeesu kialu le kɔlan Kalile, mó komal Filipe. Mí Yeesu dimul ndu aa: «Del-la kɔɔli.»

Nsaŋ 1:43 Referans Kwoze

Nsaŋ 14:8

Mí Filipe dimul ndu aa: «Maalii, cɔm naa Fuɲa nɔm mì n hini kɔl.»

Matie 9:9

Mɛɛ Yeesu faŋan ndon, mó kɔa lándán, mó ca langbanɔɔ pum icali o cɛi biyaa muloo nin, diolan ndu Matie. Mó dimul ndu aa: «Del-la kɔɔli!» Mí Matie can, mó kɔa ndu kɔɔli.

Esai 65:1

I yɔngun mí vanaa ve ya ɲɛ-ɲɛ ɲuna le-a a sɔɔnguu ya ikɛi. I cɔmnun mí vanaa ve ya nuwviaa le-a saalun ya, mí dimul vanaa-mangalaa-isɔɔa ve diola nilan veelu lepilɛ bɛɛ le-a aa: «I co nanu! La nuaa vɔ ya!»

Nsaŋ 12:21

Má sɔɔnguu Filipe fula Bɛtsaida o tàndá Kalile-o nin-ndo ikɛi, má dimul ndu aa: «Vana bɛndoo, n yeema le Yeesu cɔu.»

1Nsaŋ 4:19

Naa, n co ndu kaolaa, kani ndu fɔlɔn kaola naa ni.

Nsaŋ 6:5

Yeesu tofaa, mó ca maa sɛ́lɛ́ bɛndoo va ndu kɔlan kɔɔli. Mó ɲuna Filipe aa: «Kuɛɛ naa n piandu yɛnin buloo le vannda ha dioo?»

Filipea 3:12

Kon co dimi le maa i sɔla ɲɛ ya co kiltan kɔɔli-o, te kon te maa i tiiya kilta nilan mɛɛlulan, kɛ i co hiovɔɔ laci a kiltan, haliko mi bii ɲɛ ya co kiltan kɔɔli-o, kani ya bɛɛ, biyɔɔ Yeesu Krista bii ya ni.

Nsaŋ 1:28

Betani Yurdɛn peo leeloo dɛnɛ kon tosan ni, nɛɛ Nsaŋ va vannda yinɔɔ-a.

Luke 19:10

Kani Po vanacieo hin le vanaa va o lou nin-nda nuwviaa, mò ciindiaa nda.»

Matie 10:3

Filipe a Bartelemi. Tomas a Matie vana biyaa muloo. Nsaki po Alfee-o a Tadee.

Nsaŋ 6:7

Mí Filipe mulul ndu aa: «N piondu bɛɛ buloo a volin sala vana baalaa le palɛi kɛmɛ lediin-ndon, o tiwnin vannda ha mì nda kpow a sɔla o pɔm-pɔmbɔ le.»

Nsaŋ 1:35

Diimandɔɔ, Nsaŋ va vɔ lon a kaandeŋaa ndɔa nda ŋiɔn,

Matie 4:12

Yeesu ndóò tueyɔɔ maa a mal Nsaŋ o kaasoo, mó kɔannun o tàndá Kalile-o nin.

Matie 8:22

Kɛ mí Yeesu mulul ndu aa: «Del-la kɔɔli. Mal vanvílɛ́iya vanvílɛ́yaa ndaa kumbɔɔ.»

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

Nsaŋ 1:44

Nduyɛ Bɛtsaida Filipe ndóò fula ni, kobi Andree nda Piɛr fula nin-ndo.

Nsaŋ 2:11

Dɛnɛ Yeesu tosa kon Kana o tàndá Kalile-o nin-ndo yɔŋnun kaamaa ndɔ tasoo ni. Mó cɔm biilu ndɔɔ, o kon mí kaandeŋaa ndɔa laalan ndu.

Nsaŋ 1:37

Kaandeŋaa ndɔa ŋiɔnda tueyɔɔ ndu diom kon dimio, má del Yeesu kɔɔli.