Nsaŋ 1:42 - BII BILA

⁴² Mó kɔa a ndu o Yeesu lo. Mí Yeesu tofa ndu, mó dimi aa: «Simɔn n co ni, po Yonas-o. A veelunin nɔm aa Sefas», kon co dimio ni aa «Powvo».

Nsaŋ 1:42 Referans Kwoze

1Korɛntea 15:5

Mó cɔmnun Piɛr, o kon kɔɔli, mó cɔmnun kiilaa tɔ́ a à ŋiɔnda.

1Korɛntea 3:22

O va Pol, o va Apolɔs, te kon te Piɛr, o va ceendo, o va yoomoo, o va piɔ́mndo, o va ɲɛm n co sunsun-ndon, o va n co hunɔɔ-on, mun kpede le niaa n co ni.

1Korɛntea 1:12

Ɲɛ ya tuei-yo co ni maa vanaa pum co niaa tɛɛn, a co dimio-a aa: «Ya le Pol ya co ni.» O pum ndu co dimio aa: «Ya le Apolɔs ya co ni.» O pum ndu aa: «Ya le Sefas ya co ni.» O pum yɛ aa: «Ya le Krista ya co ni.»

Kalatea 2:9

Telen Nsaki, Sefas a Nsaŋ, a co sungbuma vanaa laalannda-a sínà maa baala Hala ke ya-o co kon ni-o, má yil naa a laba naa Barnabas, le naa cɔmndo maa n co diom pilɛ naa ndaa, haliko mi naa n va kɔlan o vanaa co N'Yuifi le-a lo, o kon mí nda va kɔlan o Yuifia lo.

1Korɛntea 9:5

Vɛ̀ɛ̀ i nɔ dí mì hin a vanalanɔ laalanndo pum, mò va laa nuu maa mɛɛ kiilaa tɔ̀a, a puapilɛa Maalii-a, a puapilɛa Sefas-a a co tosaa yɛ le?

Matie 10:2

Diola kaandeŋaa tɔ́ a à ŋiɔŋaa kan la co lan ni: Vana tasoo Simɔn, o nda veelu vɛlɛ aa Piɛr-o, a Andre puapilɛ ndɔ. Nsaki po Sebedee-o a Nsaŋ puapilɛ ndɔ.

Luke 5:8

Mɛɛ Simɔn Piɛr ce ɲɛ yɔŋnun-ndo, mó del Yeesu o labɛngunin, mó dimul ndu aa: «Maalii, vana lahakio ya co ni, lelan faŋan ya ikɛi.»

Nsaŋ 21:2

Simɔn Piɛr, Tomas, o ndáà veelu aa Didim-ndo, Natanaɛl fula Kana o tàndá Kalile-o nin-ndo, poaa Sebedee-a, a kaandeŋaa ŋiɔŋaa celen a va nɛɛ pilɛ.

Marke 3:16

N'van tɔ́ a vanaa ŋiɔŋaa Yeesu hɛli kan-nda a co haa ni: Simɔn, o ó ke diolan aa Piɛr-o,

Nsaŋ 13:18

O co le niaa kpow le ya co sɔɛi he dimio le, i sínà vanaa ya hɛli-a. Kɛ fɔ mì Sɔɛi sɛvan-nde peelun aa: ‹Vana naa n va ɲɛdiaa dioo latulu-o heelu bɛngoo le ya nɛiyo ni.›

Luke 6:14

Nda yɔŋnun haa ni: Simɔn, o Yeesu ke diolan aa Piɛr-o, Andre puapilɛ ndɔ, Nsaki, Nsaŋ, Filipe, Bartelemi,

Kalatea 1:18

Vɔsila yaa o kon kɔɔli ya hel niko Yerusalɛm ni, mí kɔ síná Sefas. Mí tosa palɛi tɔ́ a iŋuɛɛnu o ndu lo.

Kalatea 2:11

Kɛ telen Sefas hin Antiɔs-o, mí simul ndu, kani ndóò nɔ dí le.

2Masaa 5:4

Mí Naaman kɔ dimul vana ndɔ bɛndoo sɔɛi cuaambɔ fula kon Israɛl-lo dimi-e.

Nsaŋ 4:16

Mí Yeesu dimul ndu aa: «Kɔ veelu pɔnɔ nɔm mà muungu nanu.»