Nsaŋ 1:39 - BII BILA

³⁹ Mó dimul nda aa: «La hun mì la ce.» Má kɔa, má kɔ ca nɛɛ o va o yiya-a, má lo lon nda ndaa ɲinkon. Lɛɛlɛ hiɔɔlundɔɔ va kon ni telen paale yɔnganndo.

Nsaŋ 1:39 Referans Kwoze

Luke 24:29

Kɛ má dimul ndu aa: «N lonnun nanu naa niaa. Paalen le co nihau kɔlan delɔɔ nuaa ni, mì ɲumndan ma tol.» O kon, mó luɛi, mó lo lon nda ndaa.

Nsaŋ 6:37

Vanaa kɛ́-kɛ̀ Pua ke ya pɛ, nda hunnin o ya lo, i solinin vɛlɛ vana hin o ya lo-o o dio le,

Nsaŋ 4:40

O kon Samaria hunɔɔ o ndu lo, má tɛɛlun ndu le lou nda ndaa latulu. Mó tosa lon palɛi ndii ŋiin.

Nsaŋ 1:46

Mí Natanaɛl ɲuna ndu aa: «Ɲɛ kɛndɔɔ nɔla pá fulaa Nasarɛt?» Mí Filipe mulul ndu aa: «Hun mà ce.»

Dɛnnda cɔɔmuanndan 3:20

Tofa vɔ, i co isisi o dio, i co dioo lɔɔ. Te vanndo tuei pɛ diom nuu, mò kumbi dioo, i luɛinin ndu coo, mì n de ɲɛdiaa naa ndu latulu.

Talelan 8:17

Vanaa kaola ya-a, ya bɛɛ i kaola nda. Vanaa co ya nuwviaa-a co ya saalɔnndo.

Nsaŋ 1:38

Yeesu mulinndo, mó cannun nda hunɔɔ ndu kɔɔli, mó dimul nda aa: «Yɛɛ niaa co yɛ nuwviaa?» Má dimul ndu aa: «Kɔɔfa naa n co nuwviaa ni, kuɛɛ nɛ n co yɛ o yiya?»

Nsaŋ 1:40

Andree, puapilɛ Simɔn Piɛr-o va vana pilɛ o vanaa ŋiɔŋaa tuei kan Nsaŋ sɔɛi ken dimio, má kɔa Yeesu kɔɔli-a.