Nsaŋ 1:18 - BII BILA

¹⁸ Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.

Nsaŋ 1:18 Referans Kwoze

Kolɔsea 1:15

Yeesu co vundule Hala vana ci le len ni. Ndu co Po tasoo o ɲɛm Hala cɔw-von kpow nin ni,

Nsaŋ 6:46

Ken co dimi le maa vana pum ce nin Pua, vana fula o Hala lo-o kínɛí ce Pua ni.

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

Luke 10:22

Fuɲa nuu mal ɲɔɔn kpow ya o ba. Nduyɛ, vana-vana sina o co Poo-o le, fɔ Fuɲaa, vana-vana sina vɛlɛ o co Fuɲaa-o le, fɔ Poo a vanaa Poo hɛli le nda mun cɔmndo-a.»

1Nsaŋ 4:12

Kabi bɛɛ vana ci vɔ Hala le. Te n kaolian pɛ vellaa-velle, Hala co naa o lakɔl, mì kaola ndɔɔ co o tiuvan naa nin sɔ́.

1Timote 6:16

Ndu pilɛ kpé co yoomu le fɛɛn a fɛɛn ni. Ɲɛ-tengaa o co nin-ndo, vana-vana nɔla mà sɔɔnguu ndu ikɛi le. Vana-vana ci vɔ Mɛlɛka le, nduyɛ vana nɔla mà ce ndu le. Màá o sɔla bɛɛlen a kpaaya fɛɛn-fɛɛndo! Amiina!

1Nsaŋ 4:9

Tofa vɔ mɛɛ kaola Hala-o cɔmnun naa yɛ: Hala vem Po ndɔ pilɔɔ o ceendo coo, haliko mi n va yoomu ndu o ba bɛngu.

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

1Nsaŋ 4:20

Te vanndo dimi pɛ aa: «I kaola Hala», kɛ mò nɔ nɛyɔn puapilɛ ndɔɔ, mɛɛ vana lacòòvaa o co ni. Kani te vanndo kaola puapilɛ ndɔ o co cɔu-vo le, o nɔla mò kaola Hala o co cɔ loo le.

Nsaŋ 17:26

I cɔm nda diola nɔmndan, i cɔmnin nda lan vɛlɛ, haliko mi kaola n nɔ le ya-o va nda nin, o kon mì ya i va nda nin.»

Nsaŋ 17:6

I cɔm vanndacieea n cua o ceendo nin, má sɔaa ya o ba-a diola nɔmndan. Le nɔm nda va ni, má ke ya nda, má bii sɔɛi nɔmnde.

Nsaŋ 14:9

Mí Yeesu dimul ndu aa: «O co lɛhau le naa n co latulu naa niaa le Filipe, yee a kon kpede a sina vɔ ya le? Vana ce ya pɛ, mɛɛ Pua o ce lende ni. Le yɛɛ n co yɛ vɛlɛ dimio aa: ‹Cɔm naa Pua›?

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Tɔŋ miingua 4:12

Mí Mɛlɛka soaa o niaa lo o yinnden tɛɛn, la va sɔɔn o va dimio-on tueyɔɔ, kɛ la ve vundule ndɔlen cɔ le. Diom ndɔɔ kínɛí niaa va tueyɔɔ ni.

Kundalan 12:8

Kpendekele ya soaa o ndu lo ni, vakpa o ca ya ni. I suu o ndu lo o levundu nin te. Le yɛɛ nɛ mí la vesa hɔlla mí la soaa sɔɔn pɔmbɔn a vana ni baalaa Moise?»

Nsaŋ 12:41

Ken Esai dimi telen o ce biilu Yeesu-o ni, mó soaa a ndu o kɔɔ.

1Timote 1:17

Màá Hala Masa co le fɛɛn a fɛɛn-ndo, o vi loo, o co Hala ndu pilɛ kpé-o va bɛɛlen sɔlaa a biiloo lɔ́ɔ́-lɔ́ɔ̀! Amiina!

Fulaa 23:21

La caa kelaa a ndu mì la bii ndu diom. La simul ndu le, kani te la tɛɛndan ndu pɛ, o melnin niaa haki le. Bau diola nilan la co ndu coo.

O Kandɔɔ 16:13

Mí Akar pila ɲunan aa: «Mò va maa cɔu ya ce Hala co ya hoo cɔu nanu-o ni?» Mó ke Mɛlɛka diolan aa Ata-Ɛl-Royii (kon co dimio ni aa «Nɔm co Hala co ya cɔu-vo ni»).

Yosue 5:13

Lɔ́ɔ́ Yosue sɔɔnguu Yeriko ciee-lekɔɔ-o, mó heelu hɔlla, mó ca vanndo pum isisi ndu laci, mɔɛi cɔwve va vana kon o ba, i ve o boo nin te. Mí Yosue sɔɔnguu ndu ikɛi, mó ɲuna ndu aa: «O kunda naa coo n co ni baa o kunda yaamɔaa naa coo?»

Cɛɛŋɔnnda Yeremi lan 2:12

Cuaambɔa kan a co kalaa ndaa ɲunaa aa: ‹Kuɛɛ nɛ vana sɔ́là yɛ ɲɛdiaa?› A co delio o nɛila kobio coo maa vanaa voosɛi, mà va vuo kalaa ndaa o laba.

Esai 40:11

O yaanin cɔlua ndɔa diólan maa vana mandaa n'cɔlu. O cuanin saa téndéa o balan coo mò handun nda o ibuŋ, o simnin saa komsaa co vɔɛsio-a laci.

Talelan 8:30

Tuma kon kpow, i va ndu ikɛi, ya yɔŋnun vana vali kɔlkalu bɛndoo ndu ikɛi ni. Lepalaa-lepala, i va ndu ɲaaloo yɔngoo, i va pisultan ndu o hɔl tuŋ

O Kandɔɔ 18:33

Mɛɛ nda cii suukanndo nda Abraham, mí Mɛlɛka kɔannun, mí Abraham ndu muungu o ndu lo.

Nsaŋ 13:23

Kaandennɔ pilɛ, o Yeesu ndóò kaola taw-vo va ndu Yeesu icali ikɛi,

Fulaa 24:10

Má ca Hala Israɛlla. Pow yɛ́ndɛ́ ndóò kɛsi pelon coo-o va maa halataala diandaa, yinɔɔ biloo pow kon ndóò nɔ ni, diolan ndu aa «safir».

Nsaŋ 3:11

I co nɔm toɲaa dimul kpendekele, sɔɔn naa n sina-on naa n co dimio ni, mì n va seilen timbio a dɛnnda naa n ce lan o kɔɔ, kɛ la co vɔ seile naalen cɛlɔɔ le.

2Korɛntea 4:4

le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.