Nsaŋ 1:17 - BII BILA

¹⁷ kani tɔŋndo yɔngun naa fulaa Moise o ba, mí kɛndɛi a toɲaa yɔngun naa fulaa Yeesu Krista o ba.

Nsaŋ 1:17 Referans Kwoze

Rɔmnda 6:14

Kani hakio nɔ lɛnin niaa kpaaya coo le, bau la co lɛ o tɔŋ bɛngu le, kɛ o kɛndɛi bɛngu niaa co nin ni.

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Hebreea 9:22

Maa mɛɛ tɔŋndo dimi yɛ maa a koovan vana nɔla ɲɛm bɔɔ-bɔɔ dindio ni. Nduyɛ, te koovan ma fula le, malɔɔ lahaki co le.

Nsaŋ 8:32

la sinanin toɲaa, mì toɲaa soli niaa o cɛlen nin.»

Nsaŋ 7:19

Vɛ̀ɛ̀ o co tɔŋndo le Moise ke niaa le? Nduyɛ niaa kpede, vana-vana co kela o tɔŋ kon coo le. Le yɛɛ niaa co yɛ niko nɛilan nuwviaa le ya diyɔɔ?»

Dɛnnda kiilaa 28:23

O kon mí simlacia Yuifia hɛli paale celen le bɔɔŋian-ndo. Paale len tiiyaa, mí nda kpow a muungu Pol tofa nɛɛ o va o yiya-a. Cɔn idiiyo háá icɔllo, Pol va nda sɔɔn tɛɛsiallo a Masale Hala len o kɔɔ. O va nda kɔltan pilanndo a tɔŋ Moise-o a á sɔɔn vanaa-tɛɛngaa-diom Hala-a le nda sɔɛi Yeesu-e tiiyallo.

O Kandɔɔ 22:18

Vanaa-mangalaa-isɔɔa súúlan kpow o ceendo coo a sɔlanin duaa cuavaa nɔmnda o ba bɛngu. Kani nɔm Abraham, a bii sɔɛi nii.»

Kalatea 3:17

Ɲɛ ya yeema le dimio-o co ni maa, sɛbɛ lesei Hala pila cii toosiaa ɲɛkɛndɛi-yo nɔla tambei le tɔŋ mɛɛlu hunɔɔ o vɔsilan kɛmɛ lehiɔɔlu a beleyaa kɔɔli-o le, te ken i tosan pɛ mɛɛ kpema Hala-o nɔ kpaaya le.

Tɔŋ miingua 5:1

Mí Moise cuungiaa Israɛlla kpow, mó dimul nda aa: «Israɛlla, la yaŋ nilan o silalan a o tɔŋnda ya co niaa hau tɛɛngullo kpendekele lan. La bɛnda mì la pɛɛku lan, mì la bii lan, mì la kela lecoo.

Dɛnnda kiilaa 7:38

Telen vannda ndáà cuungian o lɛŋnde veselɛilen nin-ndo, ndu koni va vɛlɛ kiilalen mɛlɛkanɔ nda va suukanndo o pembei Sinai coo-o tɛɛn nda fuɲaa naa mamaa ni. Mí Moise sɔla sɔɔn yɔngu vana cindaa-on Hala o ba le naa mun tɛɛngullo.

Nsaŋ 5:45

La yiyan maa i lɔalunin niaa o Pua lo le. Vana co niaa lɔlɔɔ-o co Moise ni, ndu niaa kɛsi kɔllo coo ni.

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

2Korɛntea 1:20

Kani Yeesu co Oi peelu kpemala Hala lan kpow-vo ni. Lelan, o ndu nin naa n dimi ni aa: «Amiina», mì Hala sɔla biiloo.

Nsaŋ 9:29

N sina maa mí Hala ndóò soaa o Moise lo, kɛ hoo ndu, n sina nɛɛ o fula le!»

Misee 7:20

O laan vɛlɛ, a co cuavaa Yakɔb-a cɔm maa Hala lo o diomnden coo-o n co ni, mà cɔm cuavaa Abraham-nda sakpoyɛi nɔmnde, mɛɛ n yiilu sindɛ fuɲaa naa mamaa kpemaa yɛ.»

Condii lisai 98:3

O loonun le kaola o kaola yungu Israɛl-lo, mó loonun kɛndɛi ndɔɛi. Vanaa co o lɛŋnden mɛɛlulan di-a ce cinda Hala naa.

Condii lisai 85:10

A toɲa, cinda ndɔɔ co vanaa nɔ siòòŋii ndɔɛi-ya levil te, biilu ndɔɔ co o lɛŋnde naalen nin.

Tɔŋ miingua 33:4

Moise yɔngu naa tɔŋndo, kɛ́ɔ co kon le pulun Yakɔb-on ni.

Tɔŋ miingua 4:44

«Tɔŋndo ho Moise tɛɛsial Israɛlla ni,

Nsaŋ 18:37

O kon mí Pilate ɲuna ndu aa: «Mɛɛ masaa n co lekɛ́ndɛi ni?» Mí Yeesu muli aa: «Nɔm pila cii dimi, masaa ya co ni. Lelan ya velun ni mí hun o ceendo coo, haliko mi tɛnda seile toɲalen. Vana-vana yeema pɛ toɲaa, ndu bii sɔɛi nii ni.»